ايه هو الحب بالنسبالك؟
هيييح هو الحب ايه غير نظرة من عنيه
لا يعني ايه مفهومك عن الحب ؟
هو
يا انسه ركزي معايا
اقصد اقولك انتي بتعرفي منين ان دا حب بتحسي بأيه يعني
-بحس اني طايرة
او يمكن..
عاوزة افضل بصاله كدا علطول اممم
يعني..
عاوزة صورته تبقا قدام عيني علطول للأبد كدا
اممم
وصوته..
وصوته يبقا ف ودني علطول
صوته اصلا دندنه عصافير ميتزهقش منه
هو كله على بعضه ميتزهقش منه
هو عاملك عمل؟
لا بس يعني الواد يتعشق بصراحه يا اوستاذه منى
على كدا بقا انتي الطرف الاكثر حماسا و حبا صح؟
لا يا اوستاذه دا هو ييقعد يغرقني كل يوم ف اشعار من تأليفه
طب متقوليلنا حاجه من اللي مألفهم
لا اخاف لحسن تقعوا فحبه زيي يا اوستاذه مني شاذلي سكسكيوزمي يعني لا مؤاخزة
لا متقلقيش قولي انتي بس
طب ماشي...
كان اول مرة اشوفه و يشوفني يا اوستاذه اول ما شافني قال براحه علينا ياعم عشان الارض مش بتاعتنا
ااامممم قالك كدا حقيقي؟ دا يبقا شاعر بقا على كدا
استني هو انا لسه قولتلك حاجه و ف مره بقا وانا ماشية قالي ما تحن ياجن😍
بصراحه كان بيبهرني بجُمله هي اصلا الجمل دي اتشهرت بعد كدا و كله بقا يقولها بس هو اللي مالفها هو قالي كدا🙈
امممم صادق ياختي صادق
شوفتي بقا ان كلامه يدوب اويييي
اه جدا انا حاسه اني عاوزة اقوم اطلبه من ابوه
جرا ايه ياوستاذه مني دا يخصني ممكن ابقا اشوفلك صاحبه نفس النسخه متقلقييش بس هو قاسم حاجبه نصين مش عارفه ايه الحكمه يعني عامل زي العيال السرسجية!!
ااه امم ماطلعونا فاصل ياجمااعه
#لو_سنجل_دونت_ريد
#الحب_في_زمن_السرسج
#شهد_حسام
#اميرة_القلم
أنت تقرأ
كتاباتي
Poetryأعلمُ عزيزي القارئ انك تائه.. وضائع! تشعر ان لا احد يحبك احيانا.. وانك سراب احيانا اخري لكن تذكر... حينما تشعر بشعور ليس بجيد اسرع بالنجيء هنا و اشرع بقراءة ما كتب لك خصيصا لربما يلمسك سطر يعبر عن ما بداخلك يشرح ما لا تقدر على شرحه و يخفف عنك ولو...
