يوم1/5:
؛زهره كومي يلا حبيبتي هم يلا نلحك .
شغل البيت
زهره:صباح الخير .
؛صباح النور بنيتي يلا كومي تريكي
حتى ننظف البيت .
زهره:كايمه .
_كمت غسلت وكملت وتريكت وبديت
انظف البيت ويه امي بديت انظف وانا كلي حماس
متانيه ابوي يرجع حتى اخذ رأيه بموضوع .
؛يالله تعاي بنتي زهوره اخذي العلاليك من ايدي .
زهره: هلا بابا الله يساعدك انطيني من ايدك
وروح ارتاح .
_تانيت شوي ورحت كعدت يم ابوي وياسر وعلي
كاعدين يمه وانا اغار اذا احد
كعد يم بابا ؛يلا كوموا لغرفكم هذا ابوي
بس الي عوفوه .
ياسر: سكتي زهيره ما الي خلكج.
زهرة:بابا شوف ولدك خلي يكومون اريد
اكعد يمك احجي وياك .
؛يلا كوموا ارتاحوا جنتوا بالشغل .
علي: تدلل زهرتي كايمين بويه
يلا ياسر .
ياسر: زهيره ام كصايب انا الج .
زهرة: يلا روح روح .
طلعوا وابوي خربان ضحك علينه .
_بابا عادي اطلب طلب؟
؛كولي بنيتي شنو محتاجه .
زهره: بابا عادي انزل انستا صديقاتي
كلها منزله .
؛بس بابا اخاف عليج .
زهره: انا ما ينخاف علي تربيت جوا ايدك .
؛تمام بنتي نزلي .
زهره: شكراً بابا احبكك .
_ركضت لغرفتي كضيت تلفوني ونزلته
وكعدت اسأل صديقتي نوره عن البرنامج
وبدت تعلمني ونزل واخيراً كعدت انزل ستوريات
جانت الكاع ما شايلتني من كد الفرح وجانن
البنات يتفاعلن على الستوريات وهذا اللي
جان مفرحني اكثر .
ياسر: زهير شلونج .
رديت عليه بحماس؛زهره: هلا حبيبي
الحمدلله انت شلونك .
ياسر: انا الحمدلله بس غريبه شنو هذا الحماس
الصبح ما جنتي هلكد فرحانه .
زهره: اي كلت لأبوي انزل انستا وقبل .
ياسر: انستا؟؟؟ هسه وكت انستا انتِ
سادس يلهيج ما يصير مسحي .
زهره: ما بي شي والله ما يلهيني
خليني فرحانه لا تكسر فرحتي .
ياسر: زهير الانستا يلهيج دراستك اهم
ورا السادس نزلي بكيفج .
علي: هاي شصاير ليش اصواتكم عاليه .
زهره: نزلت انستا وياسر معارض ما يقبل
انزل يكلي دراستج اهم وانا حلفتله ما تلهيني .
علي: ميخالف زهرتي ياسر انا انتبهلها
وان شاء الله ما تلتهي بي .
