من وقت عيد الاضحى تقريبا متكلموش غير مرة كمان
سامر.. مساء الفل يا ست البنات اخبارك ايه طمنيني عليكي
چورى.. مساء الخير يروحي انا الحمدلله وانت عامل ايه طمني عليك
سامر.. انا بخير الحمدلله طول مانتي بخير
چورى.. انا بخير يارب دايما تكون بخير ياقلبي
سامر.. اي اللى مسهرك كده
(ملحوظة چورى كانت بتكلمه الساعة 2بعد نص الليل)
نكمل
چورى.. اخويا قاعد بيذاكر وانا قاعده عشان لو عايز حاجه
سامر.. ربنا يخليكم لبعض يارب
چورى.. يارب ياقلبي
سكتت شويه وبعدين
چورى.. سامر عايزة اقولك حاجه اسالك سؤال ممكن
سامر.. طبعاً ياقلبي
چورى.. هو احنا علاقتنا ممكن توصل فين يعني هتبقى اخرها اي
سامر.. بصى يا چورى انا اتعلقت بيكى وخايف تتعلقى بيا عشان كده خايف عليك قلبك يتكسر ويوجعك انا متغرب برا ومش عارف ظروفى
چورى.. كلامك صح عندك حق تخاف انا كمان خايفه
سامر.. اقولك حاجه سيبى كل حاجه ماشية زى ما هى ونشوف هنوصل فين تمام
چورى.. تمام ماشي
سكتت شويه كمان
وبعدين
چورى.. طيب كنت عايزة اسالك سؤال كمان
هنا كان سامر لسه بيكتب
سامر.. على فكره انا بروح الشغل وبرجع على البيت علي طول مش بروح في حتة
چورى فى عقلها.. هو عرف منين
چورى كانت عايزة تقوله خد بالك من نفسك وتكلمش اى حد من البنات وكده يعني بس هو جاوب قبل ما يتسال كانه بيقرا افكارها
سامر لما شاف رسالتها قال
سامر.. قولى
چورى.. لا خلاص انت جاوبت قبل ما اسال
هنا ضحك سامر وقال
سامر.. كنت حاسس والله 😂
چورى بعتت ضحك
چورى.. هههههههههه
سامر.. على فكره انا كمان عارف انتى عاوزه تقولى اي من فترة
چورى.. بجد طب قول
سامر.. اوعى تزعلى
چورى.. لا مش هزعل
سامر.. كنتى عاوزه تقولى بحبك
چورى اتخضت واتكسفت فى عقلها هو عرف منين
چورى بعتت
چورى.. 😳😳😳😳انت عرف ازاي
سامر.. قلب الام
چورى.. ضحكت ههههههههه
وفضلوا يهزروا شويه وبعدين چورى سابته عشان كان تعبان اوى وعايز ينام
ومن المرة دى مكلمهاش تانى خالص
لحد ما فى يوم من الايام كان فونها بايظ وكانت ماسكة فون باباها مكانه مؤقتا
كانت بتكلم صحبتها ريهام
چورى.. اتخانقتوا ليه يا بنتى
ريهام.. هانى يا ستى مضايق عشان كنت بكلم سامر بطمن عليه وهو عارف كل حاجه عشان ابو سامر تعبان
هنا لما چورى سمعت اسم سامر فرحت بس زعلت عشان باباه هو كان وحشها اوى
ريهام.. انتى يا بنتى معايا
چورى.. اه اه معاكي بقولك هكلمك بعدين
قفلت مع ريهام
وبعدين نكمل بكره
