القصه: اضطراب الحب
الكاتبة : جمره حيدر
••••••••••••••••••••••••••••••••
جان اقرب من روح هسه ابعد من سما
العجاب و المتابعه للستمرار بالقصه..
﴿حره ﴾
ثاني يوم صحيت الصبح طلعت ملابسي وسبحت وطلعت للصالة لكيت عماتي وبناتهن كاعدات نزل شهم بكل عصبيه راح للجيم ونزلت ريتاج وبيدها الاكل مبتسمه حطت الاكل بالمطبخ وجت كعدت
ريتاج : فدوه لحبيبي ماما اكل من إيدي
سندس : يي عفيه اتقربي منه اكثر
غاليه: اتقربي منه ترى هذا عصبي و 24 ساعة ضايج خلي يبتسم حتى اذ وجهه عكره
ريتاج : لا عمه اكييد اخلي يضحك اني زوجته و ميضحك بس يمي
__ على فكره اخوي ميريدج ليش لازكتله
ريتاج : انتي مالج دخل بعدج بطول النعال والج عين تحجين
__ اكلي تبن لا اكول لبابا عليج
ريتاج : ولج شهم يريدني ويحبني حتى بارحه كله نايمه بحضنه
__ انت جابره نفسج عليه هو ميريدج ابد
ريتاج : ااششش زعطوطه يريدني وغصب عليج فهمتي
__ بلا كرامه انتي
غاليه : كافي كل وحده السانها اطول من ثاني حره بنت عمتج هاي اكبر منج احترميها
__ ماما اخوي ميريدها شنو كوه
سندس : انتي مالج دخل همه مخطوبين
__ يي الخطبه بأي وقت تلغي
ريتاج : لا ميكدر كلشي عندي مخلي لغيري
__ اوف جنج صمغ اميره لزكه فرد نوب
عفتهن ورحت طلعت الحديقه خلفيه كعدت يم مسبح شربت قهوة و تلفون بيدي اتصلت عليه ملاك
ملاك : ها ولج صباح الخير
__ صباح النور
ملاك : خير ان شاء الله صاير شي
__ يي صاير هاي ريتاج الكلبه لازكه بشهم
ملاك : باجر اجيكم واني اعرف شون اتصرف وياها
__ تمام انتضرج
ملاك : محتاجه شي يروحي
__ سلامتج مرت اخوي
ملاك : شنووو ولج
__ لا هيج ماكو شي مو يمج
سديت الاتصال منها واجت ريتاج بكل تكبر كعدت رجل على رجل لابسه ملابس داخليه
__ شلابسه انتي ترى اخواني كبار هنا
ريتاج : ونتي شكو
__ حبيبتي شهم ميحب لبس مفضوح ربج مخلقج اكو واحد هيج يلبس وين انتي فندق خمس نجوم
ريتاج: بيت عمامي فخم وجبير
__ يي بلسانج كلتيها بيت عمامج مو فندق كومي احترمي نفسج ولبسي غير هذني
ريتاج : سوكتي بابا لتنزعين مرائي
__ كبر اي ولله خلي اكوم احسلي
عفتها ورحت كعدت بغرفتي اشاهد مسلسلات
دخل عليه ريان وهو ضايج و لول مره يجيني
ريان: سلام عليكم
__ عليكم سلام يا هله اول تالي تجيني
ريان : شونج حره
__ بخير الحمدالله وانت
ريان : والله يعني مو كلش زين
__ احجيلي رايد شي
ريان : حره جسمي تعبان كلش معرف شبيه
__ شنو تحس اكو شي يوجعك
ريان : مخنوك دنيه ساده بوجهي صح اني الحمد لله الله رازقني بس ما مرتاح ولله لمن اجه نمر وعلمج على صلاه ضليت اشاهدكم و حسيت روحي كلش مقصر يديني
__ يعني تريدني اعلمك على صلاه
ريان : ياريت والله بس اريد ارتاح احس شي خانكني
__ تمام كوم خلي اعلمك الوضوء اول شي
كمت علمته الوضوء و الصلاة وحجيت شوي عن دينه اله نفس مكالي نمر
__ باع يروحي من تضوج وتختنك بس اتوضه وصلي ركعتين اهديها لوجه الله وترتاح
ريان : شكرا حبيبتي اني اسفه اذ بيوم اذيتج
__ لا يروحي اخوي انت ما اضوج منك
راح ريان لغرفته كعدت توني طلعت ملابسي اجت ريتاج فتحت الباب وتشجت عليه وتعلج تعوج بحلكها رفعت اصبعها وتحجي وياي
ريتاج : ما مقتنعه زعطوطه تصير حماتي بعدج صغيرونه
__ ريتاج اطلعي ترى اني مالي خلك لسوالفج
ريتاج : حبي شبيج وجهج تكول تاير سياره
شفت ملاك واكفه ورها ومكتفه ايدها وشهم واكف ورها
ملاك : احم احم
ريتاج : هله حبيبي روحي زوجي
دفعت ملاك وراحت لشهم وملاك تتنوع الها وهي رافعه حاجبها
شهم : وخري عني عيب منا بنات صغار
رحت يم ملاك وكفت بستها من خدها وهي على نضرتها لريتاج
ريتاج : ايع هاي شنو اكو واحد هيج يبوس
ملاك : اوووييي يمه الحكيني يعع شكد غثه انتي احجي عدل لا اني أجي اعدلج لا تتموعين
.....
