ناز : كعدت ساعه 10 باوعت لـ ضي نايمه صفنت بوجها البريئ كمت سبحت ولبست بجامه ابيض واسود وتيشيرت قصير ابيض وسويت شعري ذيل حصان رحت للمطبخ لكيت امي
ناز : هلا ماما صباح الخير
ام ناز : هلا نونه صباح النور
ناز : ماما حسوي ريوك اكعد ضي
ام ناز : لا خطيه من تكملين الريوك كعديها
ناز : اوك
رحت اسوي ريوك سويت طماطه وبيض واجبان وبيض سلك وجاي رحت كعدت ضي كامت تسبح واجتي باوعت عليها لابسه نفسي بس البدي اسود ضحكت عليها
ناز : صباح الخير
ضي : صباح العافيه
ناز: يلا تعاي خلي ناكل
باوعتلها صافنه عليه هاي شبيها بس تصفن باوعت بعيونها سحرتني فكرت بديت احبها بس احاول ابعد هالافكار من راسي كملنا اكل رحت شلت صينيه وضلينه نغسل امواعين ونسولف كالعاده كملنا ضلينا نباوع بالتلفونات اجاني طلب صداقه على السناب باوعت الاسم مكتوب
"ضي صادق" عرفتها ضي كتبتلها هلاو باوعتلي وضحكت ردت هلاو كايز ضحكت على خبالاتها بادلتني الضحكه متدري سحرتني بضحكتها اههخ شافتني صافنه جان تكتبلي:
ضي : لا تباوعيلي امي تخاف عليه من المتحرشين
ناز : امج تخاف عليج من روحج باوعتلي غمزتلها وضحكنا سويه اخر شي كتلها خلي ننضف كل وحده لبست برموده قصيره وهيه مسحت الكاونتر ومسحت المطبخ وغسلت الهول
واني غسلت الطارمه ونضفت غرفتي وغرفه امي وعزلت البيت بعدين كعدنا ضلينه نسولف
ضي : عادي اسئلج سؤال بس خاف اضايقج؟
ناز : "باستغراب" لا عادي كولي
ضي : شفت اكو وحده البارحه كاتبه عليها ياسمين حبيبتي تعرفيها انتي؟
ناز : اي جانت حبيبتي "وحجيتلها كلشي"
حسيت ضي ضاجت كتلها
ناز : اصلا كرهتها وما احبها بعد ضي باوعتلي ووابتسمت حسيتها ارتاحت من كلت هيج
ناز : اني حروح البس واروح للمحل اجيب حلويات وكم شغله لماما واجي
ضي : اجي وياج؟
ناز : لا ميحتاج
ضي : لا راح اجي
ناز : تمام
رحنا اشترينا حلويات واندومي وجباسه وحب وقواطي ببسي وغراض لماما ورجعنا للبيت كعدنا ناكل ونضحك باوعت للساعه 1 رحت اشوف الغده فتحت الغطه تشريب دجاج احمر رحت صبيت الغده وصحت ماما ورحت ل ضي
ناز : ضي يلا كومي خلي نتغده
ضي: "وهي تباوع بالتلفون ممنتبه" هلا نازي اي هسه اجيت
ناز : استغربت من واحد يصيحلي بهل اسم بديت اثق بيها واحبها مو حب جبير كعدنا ناكل
خلصنا بعد شنو 😂✨.
ملاحظه: جنت مخربطه كاتبه بالبارت الاول كاتبه بارت 2 ف هسه عدلت 🥹.
ذمه بركبته الما يصوت 😔💙.
