عندي وجودك أغلى م فالكون تروي عطش روحي وضاميها

افراح ال حاكم & ال عمران

الحمدلله والصلاة والسلام على رسول الله

——————————————————

سلطان وهو يطمنه : صار عندها انخفاض بسكر وماقدرت تسوق وشفتها على طريقي وساعدتها الحين هي معي في السيارة متجهين لبيت عمي صقر
عساف : طيب
هديل وهي مو مركزه ايش قاعده تقول نطقت : سلطاني
ابتسم سلطان لمن دلعته ب ( سلطاني ) ورد : عيون سلطانك
هديل :أنا  سمعت سمر قبل لاتسوي خطتها
سلطان: وليش ماقلتيلي
هديل ببكي : والله كنت بقولك بس سولفت مع البنات ونسيت

سلطان: خلاص لاتبكين حصل خير
وصلو بيت صقر الي كان ينتظر عند الباب تقدم سلطان ينزل وفتح الباب ل هديل الي قامت بس اختل توازنها وكانت بتطيح بس مسكتها يد من خصرها وقال : انتبهي

هديل بخجل : منتبها وتقدمت
تحضن صقر الي كان يقول لسلطان ينام عندهم بعد لحاح صقر لان بيت راشد بعيد وافق سلطان ودخلته احدا العاملات غرفة الضيوف وقالت : هاذي غرفه مال انتي
سلطان: شكراً تقدم يفصخ التيشيرت ويضل بس ب سروال الفريق وانسدح

عند هديل بعد ماصحت من تهديد صقر لأنها ما أكلت من الصباح للعشاء وهي عندها مناوبه وكانت بس تشرب قهوة نامو كل من في البيت ماعدا سلطان الي كان يهوجس وهديل الي كانت تموت غيره كل ماتذكرت كلام سلطان عن الي سوته سمر
نزلت  هديل بعد ماجابت ل سلطان ملابس من غرفت سطام لان مافي احد بالبيت غير حنان وصقر وصلت

لغرفته أخذت نفس وكانت بتدق الباب لكن وقفها صوته وهو يقول:
"يا سعود يا ليتني أقدر اعرف أنا وش بالنسبة
لها يوجعني قلبي ياسعود لما احسها مستغنيه
عني وانا وقتي كله انتظر كلامه وحده منها "

أخذت نفس
تقدمت تدق الباب رد سلطان : ادخل
دخلت هديل وقالت : جبت لك ملابس من عند سطام
سلطان: شكراً
ردت هديل : العفو

تقدمت تطلع وراحت غرفتها تنام

بعد اسبوع بدون احداث

افراح ال حاكم و ال عمران


-عمر بن مهند ال حاكم -
-رزان بنت عوض ال عمران-

عند عمر يوقف ويعطيهم ظهره وبعد مده دخلت رزان تمشى ببطئ على صوت الأغنية وبيدها مسكتها وكان اسمها واسمه و ناظرت وقوفه وبشته وعرض اكتافه وظهره ابتسمت وصارت وراه وقدمت له الكرت اخذها عمر من غير لا يلف ناظر الكرت وابتسم وقلبها وبدا يقرأ كلامها كان كلامها كافي بأنه يعبر عن حبه بقلبها ابتسم بفرح ونطقت المصوره : يالله لف لف عمر وناظرها بفستانها الابيض ومسكتها بيدها وطرحتها ابتسم وتقدم يحضنها على طول ابتسمت رزان ناظرته وبادلته الحضن

بعد مده بدأو المعازيم يجون عند عمر كان يعرض مع العيال وكان مقابله سلطان

اما عند البنات فكانت شوق لابسه فستان اسود وكان ضيق عليها و ساره كانت لابسه فستان بيج قصير وكانت ترقص مع شوق وهديل فكانت لابسه فستان اصفر وفاتح شعرها الكيرلي وهي ترقص كانت كل الأنظار عليها وكل ماتسألها حرمه بنت من كانت تقول انها متزوجه الفريق سلطان
عند سلطان كل مامر من قدام رجال سلم عليه يقوله : مبروك منك المال ومنها العيال تكرر ألموضوع لين طفش سلطان وصار
يسلك لهم عند ابو سلطان تقدم شايب يبارك له ويقول له : مبروك يا ابو سلطان ماشاء الله زوجت ولدك ولا عزمتني
ابو سلطان من الصدمة قال لرجال انه غلطان وسلطان ماتزوج بعد مده بدو يعرضون
وكانت الأنظار كلها على سطام وفارس وهم يعرضون مع الفرقه

: قلب ابو سليمان وقادي :: من همومه ذاب اجا كله
‎يابعد حيي والاجدادي :: ارحم اللي صابته عله
‎وان ذبحني يا عوض عادي :: من يحاسب يا عوض خله
‎النهد رمان بغدادي :: والشعر بيدينه يفله
‎عزتي من مثلي يدادي :: وسط عقده ساكنن خله
‎ليتني وياه في وادي :: والغيوم من غوفنا مظله

تقدم عساف يدخل معهم بعد ما انتبه ان كل الحظور مركزين على سطام و فارس وبعده بدو يصفون صفين الصف الأول الفرقه والثاني فيه سطام و فارس و سلطان وعساف و اجبرو عمر يدخل معهم

بعد مده طويله جلسو بتعب لكن تقدم فارس وسطام يطلبو شوط ثاني

: يا ناس راعي المحبه لا تعذلونه
مهوب عن صاحبه داله ولا سالي
‎لو يسهر الليل كله لا تلومونه
الحب بلوه منيب اول ولا تالي
‎لي صاحبٍ ماقطعت الياس من دونه
لوغاب عني خياله قام يطرالي
‎يا هايف الخصر عيني فيك مفتونه
والبعد يا صاحبي ما يرخص الغالي

‎الروح يا صاحبي بحماك مرهونه
عزي لحالي عقب فرقا هوى بالي
‎عن غيرك القلب غسلته بصابونه
والعين ما تلتفت في كل الازوالي

بعد ما أنزفت العروس وصلوها اخوانها السياره
عوض : عاد انت خذيت عناقيد بيتي تحطها بعيونك والله يا عمر إذا جات تشتكي منك راح تشوف وجهي الثاني سطام بمزح : ماعليك ياعم خليه يسوي شي مايعجب رزوني لا أوريه نجوم الظهر فاهم
عمر : اقول تقلع قال نجوم رح بس لا والله اخلي شوق تفسخ الملكه

بعد مده قالت المطربه : شوط خاص ل هديل ال عمران ناظرت هديل ل ساره وابتسمت وحطت الشال على خصرها وبدت تتمايل مع الاغنيه وكان شعرها يتحرك يمين ويسار ولفتت انتباه كل الي بالقاعه وكأنو يقولون بنت من . تقول حفيدت متعب ، هاي بنت عم العروس . لا هاذي بنت خالتها واشتغلت اغنية :
يا عم يا صياد رميت شباكك فين أنا كل ما اجي اصطاد يطلعلي كوم تعلبين يا عم يا صياد "

بعد مده راحو كل المعازيم بيوتهم عند هديل : أف بنشر الكفر

سلطان الي كان يسمعها تقدم وقال : اوصلك ساره معاي
هديل بنرفزه : ياليل لا الحين اصلح البنشر
سلطان بسخريه : بنت وتقول اصلح البنشر يالله وريني كيف تصلحين
تقدمت هديل الي كانت مغيره ملابسها ولابسه جينز وتيشيرت اسود تقدمت تصلح السياره مرت ١٥ دقيقه وقالت وهي تشوف تعابير الصدمه الي كانت باينه بوجه سلطان ناظرت له وقالت وهي تضحك: أنا مو اي بنت أنا بنت صقر
وركبت السياره وحركت اما سلطان فقال : اي والله مو اي بنت انتي طيحتي الفريق في غرامك ركب السياره وحرك في بيت صقر بعد ماطلعت ..................

انتهى
—————————————————-

اعذروني إذا في أخطاء املائية 🍃

فلا تنسوني منــ⭐️⭐️