අවුරුදු පහක්..
දහයක්..
ඒත්..
පෝයවල් පහු වුන විදිහට මට නං හිතෙන්නෙ අවුරුදු තිහක් හතලිහක්වත් පහු වෙලාද මංදා. වටපිටාවෙ කිසිම හාවක් හූවක් නැතුව දැන් නම් පිස්සු හැදෙන්නත් වගේ. අහන්නැද්ද කොහොමද මෙච්චර කල් මං හිටියෙ කියලවත්. මැණිකේ.. දැන් නං හොඳටම තෙහෙට්ටුයි මැණිකෙ. මගේ ලෝකෙ හරිම කරුවලයි. ඒක මාව ගොඩක් රිදවනවා. මට ජීවිතයක් ඕනෙ. මට උඹ ගාවට එන්න ඕනේ. පොරොදුව රැකපං මයෙ මැණිකෙ. උඹ එදා පපුවත් ඉරාගෙන යන තරමටම කෑගැහුවෙ මාව හොයාන ආයෙම එන්න පොරොන්දු පිට. ඉතින් වරෙන් දැන්වත්. තවත් මේක දරාන ඉන්න බෑ. පුළුවන් තරම් ඉක්කමනට මාව මෙතනින් එක්කන් යන්න එනව නේද සඳලු....
.'.'.'.'.
ජීවිතයේ පලවෙනි වතාවටයි බෝධි ඒ දිය ඇල්ල දැක්කෙ. ඒත්.. කොහොමද ඒක ඒ විදිහටම ඊට කලින් හීනෙන් දැක්කෙ..? සීතල කඳුකරයට ආපු බෝධිට මොනවද මේ සැරින් සැරේ පේන අමුතු හීන. ඒ වගේම සමහර තැන්වලදි පෙනී නොපෙනි යන මායා දර්ශන. ඒ ඇතුලෙ ඉන්න චරිතවල තේරුම මොකද්ද. හුදෙකලා වලව් භූමිය පුරා සැරිසරන ගෙජ්ජි හඩේ අරමුණ මොකද්ද. රහස් ඇල්ල අවටින් සැරින් සැරේට ඇහෙන අත්භූත කටහඬවල් කාගෙද..
ආදරෙයි වෛරෙයි අතරෙ තියෙන්නෙ කෙස්ගහක පරතරයක් විතරයි. ඉතින් ඒ දේ ප්රතිඵලයක් විදිහට පටන් ගැනමවත් නිසි විදිහට නොදීම තවත් එක් අසම්මත ආදර අන්දරයක් රහස් ඇල්ල පාමුල අඳුරු අහස යට හොර රහසේම සැඟවිලා ගිහින්. ඒත් මරණයටත් අභියෝග කරමින් පහල වුනු සදාතනික ආදරයක පුනරාගනයක් ඒ හැමදේම වෙනස් කරන්න පටන් ගන්නවා. ඒත්.. වලව්ව ඇතුලෙ තාමත් අතීත ආත්ම සැරිසරනවා. එතකොට මේ පුනරාගමනය කාගෙද..?
"මිනිස් සිතුවිලි හරිම පුදුමාකාරයි මිත්රයා. අපිට ඒවා තේරුම් ගන්නත් බෑ. ඒවා වෙනස් වෙන විදිහ හිතාගන්නත් බෑ."
හලූ වට්ටිවැසියනි,
ඔන්න ඉතින් සැලකිය යුතු සෑ......හෙන කාලයකට පස්සෙ මේ වට්ටිඅම්මත් ආයෙම එලියට බැස්සා 😁❤️
අලුත් කතාවක් ලියන්න ගත්තා. ඉතින් කියවලා බලන්න කියලා ආදරෙන් ඉල්ලනවා. කතාව ගැන කියන්නම ඕනෙද...
ම්ම්ම්.. මේක ටිකක් dark vibe එකට බර කතාවක්. මං හිතන්නෙ 😂 reincarnation සීන් එකක් වටා යන්නෙ. ඉතින්.. අතීත කතාවක් තියනවා. වර්ථමාන කතාවක් තියනවා. ඒ අතරමැද නිධානයකුත් තියනවා. ආ වලව්වකුත් තියෙනවා.
ඉතින්.. බලමු මොකද වෙන්නෙ කියලා.
සුපුරුදු ලෙස කියන්නෙ මං මේක ලියන්නෙ මැද, අග ගැන මෙලෝ දැනුමක් ඇතුව නෙවෙයි. ඒත් අවසානෙ ගැන පොඩි මෙව්වා එකක් තියනවා. ඒත් කතාව කැරකෙන පැත්ත අනුව ඒක තීරණය කරමු නේ.
කියවලා බලන්න. අනිවාරෙන් කතාව කොහොමද කියලා කමෙන්ටුවකුත් දාගෙන යන්න ❤️❤️
YOU ARE READING
සඳලු බිඳුම් (Ongoing)
Non-Fictionසද්දන්තයාගේ විසල් හත්සයෙහි මුදුනත හිඳුවාගත් සබරැස් පහසින් සලකුණුව ගිය මී පුසුඹ ස්වර්ණමය යම් දෑ වේද නලයෙහි ප්රාණයෙන් අවුත් එතැන්හි අඹ සිපගනු ඇත. සද්දන්තයාගෙන් සොළොස් අඩියක් වයඹට අඹ කැලඹෙමින් බටන බෑවුමට මායිම කගයකුත්, රන්වියැට තුදුසකුත්, රන් මුදු සතර...