ما اقارنك بالعين والعين ثنتين اقارنك بالقلب والقلب واحد

بارت ٦

عروب:صلي على النبي ترا خيره ان ربي ابعده عنك
روفان ببكى:بس والله حبيته اعطيته حب ما يحبه مخلوق لمخلوق
عروب:ياشييخه طززز المهم ترا سمعت عمي مخلد تحت يقول ان سيارتك وصلت
فزت روفان من وسمحت دموعها:منجد؟؟
عروب:ماكنك كنتي تبكين وش السر
روفان:سر المهنه
فجاه عم الصمت لمى دق جوال روفان
روفان ل عروب:رقم غريب
عروب:بالله شوفي مين يمكن نجم
روفان:مايسويها
عروب:مدري ردي خلينا نشوف حطي السبيكر
ردت روفان:الو مين معي
****:افا ياروفان ماهقيتها منك
روفان:بدر؟!!!!
بدر:اييه تفتكريني؟
روفان:شتبي
بدر:ابيك
روفان:كم مره صديتني والحين تبيني؟
بدر:ثنتين بس تراك صديتيني انتي كمان
روفان:مره بس مين اصلا بدا ب الصد انا ولا انت
بدر:خلاص يا روفان خلينا نفتح صفحه جديده
روفان:صديت عني ذاك الزمان وعذرتك وانتظرتك وعاتبتك
صديت عنك تالي العام
ما انتظرتني ورحت تدور غيري
ليه ذوقتني شعور الصد مرتين
مره صديت وعاودت
ومره صديت ولا عادوت
كان اني كسرت خاطرك بصدي
ليه ماعاتبتني مثل
ما انا عاتبتك يقولون
العتب على قد المحبه ومايعاتب
مخلوق ل مخلوق الا وهو يحبه
اثاريك كنت ماخذني لعب اطفال
بعد ماطاب الخاطر
وعاودت ما عاتبتك لان ماعاد
صار فيه محبه بعد ماعطيتك
محبه مايحبها الخل لخلانه
روح الخاطر عافك
بدر:افا ياروفان عفتيني
روفان:زي ماسمعت
بدر:تكفين
روفان: وش تبي عقب البطا يوم تسأل عن جديد
كنك اللي ينبش الجمر من تحت الرماد
بدر:روفان تكفين انا حاولت في ابوي وقلت بخطبك
روفان:ثواني بقفل المايك ثواني
قفلت والتفتت على عروب:شقول له
عروب:قولي له لو انك صادق تعال اليوم ودق الباب
روفان:ولو جا وانا مابييه
عروب:ارفضيه وبعدها نشوف وش نسوي
روفان:تمام
فتحت المايك:طيب يابدرو
بدر:لبيه
روفان:ان كان انك صادق وبتخطبني تعال اليوم ودق الباب
بدر:ابشري جايك والان واهلي معي
روفان:نشوف وقفلت
على المغرب بدو يتجهزون وعروب وروفان مايدرون دخلت لانا وشهقت:ماجهزتو؟؟
عروب:هاو ليه؟
لانا:في ناس بيجون قومموو
عروب:خلاص طيب
خرجت لانا وقفلت الباب
روفان:عروب تكفين بطني يمغصني
عروب:اجهزي وبس معليك
لبسو وجهزو
عروب:وايي نفس اللونننن
روفان:الللهههه المهم شسوي الحين
عروب:سهله بيقولون فكري وانتي اقعدي كم يوم بعدها ارفضي واذا جاك قولي له روح لبنت عمك وبلوك
روفان:على قولك
نزلو تحت وصلو اهل بدر واستقبلوهم

((عند الرجال))
الجد(حاكم):ياهلا والله تفضلو
جلسو الرجال
ابو بدر:انا بدخل في الموضوع
الجد(حاكم):اسلم تفضل
ابو بدر:انا ناوي القرب منكم
الجد(حاكم):هاذي الساعه المباركه
ابو بدر:ناوين القرب من ابو المرحوم رايف نخطب بنته روفان على سنه الله ورسوله ل بدر
فز نجم وخرج مسرع ودخل القصر
بدون مايقول شي
كان طالع الدرج و

((عند الحريم))
الجده( عبيه):تفضلو حياكم الله
ام بدر:الله يحيك ويبقيك
جلسو الحريم
ام بدر:انا مالي باللف والدوران احنا جايين نطلب القرب منكم وناخذ بنتكم روفان لولدنا بدر
فزت...(مو روفان)

((عند روفان))
كانت فوق وهي نازله الدرج شافت نجم
طالع تلاقت عيونهم طلع نجم مسرع وسحبها من يدها ودخلو غرفه فاضيه وقفل الباب
لصقت روفان في الباب ونجم يدينه على الجوانب
روفان بتلبك:ن نجم وش تسوي
نجم:روفان انا ابيك ابيك والله ابيك لاتوافقين على بدر تكفين
روفان:نجم انت ماتفتكر وش قلت لي في الكوفي؟
نجم:روفان تكفين روفان والله احبك
تكتفت روفان:ايه وش اسوي
نجم:روفان لاتقبلين بدر والله اول ماترفضين بخطبك هي شفتيها والله
روفان:اهدا من كذا
نجم وهو يطالع في كل جسمها من فوق لتحت وذايب
توترت روفان من نظراته:نجم
نجم:سمي ياعروق قلبي
روفان:ممكن تبعد عني شوي ماني متستره
استوعب نجم ولف راسه وابعد عنها واعطاها ظهره:اي اسف
خرجت روفان بدون رد وهي تسرع نزلت تحت والكل بدا يسمي عليها يوم دخلت جلست شوي بعدين التفتت على عروب وهمست في اذنها وخرجت عروب وبعدها بشوي لحقتها روفان
دخلت روفان ولقيت عروب تتفرج في دولابها
روفان:عروب تكفييين
عروب:شفيك؟
حكتها روفان الي صار:احس بموتت
عروب:ايه وش قلتي
روفان:ماقلت شيي
عروب:عندي لك فكره حلوه
روفان:وش
عروب:ياطويله العمر اول شي...
((بعد العشاء))
راحو اهل بدر والبنات جابو جاكارو وجلسو
فزت روفان من رساله والتفتت على عروب الي في تيمها وارسلت لها
فتحت جوالها عروب وشهقت
الجده(عبيه):وجعاه
عروب:اسفه
كل البنات التفتو عليها:شعندك
الا روفان الي ترجف قامت:بنات طفشت بطلع شوي وارجع العب خلونا ناخذ بريك
طلعت روفان وراها
عروب:روفان شنسوي؟
روفان:تكفين عروب شوفي وش مرسل لي
محتوى رساله بدر:صوره اهلها في المجلس ومكتوب تحتها
ياويلك ان رفضتيني يا روفان شايفه ذول كلهم بفضي في روسهم السلاح
كتبت روفان:بدر تكفى وش تسوي اهلي مالهم دخل
بدر:بكيفك فكري عندك اسبوع اذا وافقتي ماراح يصير لهم شي اذا رفضتي تعرفين العواقب وياويلك لو علمتي الشرطه بختصار عندي واسطات
روفان:بدر تكفى طلع اهلي من الموضوع
بدر:طيب خلاص بس اذا رفضتيني انتي بتتضررين مارح المس اهلك
ماردت روفان
عروب:ارفضي وشوفي وش راح يسوي
روفان:يارب فوضت امري لك
كملو اليوم عادي وروفان خايفه
((بعد يومين))
دق مخلد على ابو بدر:البنت استخارت ورفضت
انصعق بدر ووجه قلب احمر من العصبيه وطلع لغرفته ارسل لها:مو انتي قلتي لي اخطب ليه رفضتي؟؟؟نسيتي حبي لك نسيتيني نسيتي حبك لي؟
روفان: مانسيناك , لكن مالنا فيك خاطر
‏والخواطر من الله اذا عافت تعاف .
بدر:طيب ياروفان
بلكته روفان التفتت على عروب:اديلو ادي مشينا نمر كوفي
عروب:بالله ماقدر
روفان:انا بروح
عروب:تم جيبي لي معك ماتشا
روفان:تمام
خرجت روفان بعد مالبست عبايتها اخذت مفتاح سيارتها وقفت في نص الطريق يوم قفلت عليها سياره نزلت تبي تشوف الا في يد انحطت على فمها لفت وفتحت الوجه وكان.

سلام كيفكم ان شاء الله بخير وصحه وسلامه اعتذر عن تاخيري بتنزيل البارتات بس انا انزل اول انستا بعدين اجمعهم وانزلها هنا+تشبيهات اشكال البنات انستا
وشكرا لك داعمه وداعم 🤍