هاي كايزز اسفة ؏ قطعة بس مريضة وبس نايمة وحبيبتي هلايام صايرة اني وياها ؏ خلاف ونفسيتيي زفتتت زفتتت المهم هل بــاࢪت مادري اذا جنت اخلي طويل او قصير بعدني ممفكرة خل نكتب ونشوف شنو يصير.
•
•
•
•
•
من البارحة وسچُال تتصل واني مارد عليها خليها تتأدب اني اعلمها افف احس بالغتتت هس شسوييي ارد لو لاا اخخ يمةةة هفف هفف حرد تمام روناء ردي
من تتصل بعد مرة... صدُك جنت ضايجة حيل ماكو شي اتونس بي هفف شنو هايي ايي صدُك خل اتصل على سارين اتصلت وانتظر ترد الثكيلة
روناء: هاا ادبسزز ساعة يالله تردين
سارين:مدري ولج جنت نايمة
روناء: ضايجة تعالي يمي
سارين: خو تعالي انتِ يمي
روناء: مابية حيل بس ميخالف هسَ اشوف ماما واجيج
سارين: تمام استعچلي منتظرتج
نزلت الماما اتلوكلها تخليني اروح السارين اعرف شلون اخليها توافق
روناء: مامييييييي حبيبتييي امي الجميلة جداً احلى ام بالدنيا كلها احبج يا نظر عيني يا نبع الحنان والحب
ماما: لتتلوكين روناء كولي شتردين فلوس؟؟
روناء: لاا ماما شسوي بالفلوس خل اروح السارين ابات يمها حبااااببببةةة ماميي حبااااببةةةة
ام روناء: كل هاي اللواكه علمود تروحين السارين خو كولي من البداية بلا مقدمات
روناء: ايي ميخالف يعني اروح
ام روناء: تمام روحي وباجر تعالي لتضلين يومين
روناء: ياااااييي احبجج ماميي احبجج
ركضت للغرفة بدلت بساع اخذت موبايلي ونزلت ودعتهم ورحت البيت سارين جان الجو كلش حلو وبي غيوم حلوات كلت خل اشتري السارين قبل لاا اروحلها فـ دخلت للاسواق شتريت كم شغلة وسناكات النة ولو احنه هم شوي بعد نطلع نشتري المهم وصلت البيتهم لكيت سارين منتظرتني بالحديقة فتحت باب الحديقة ودخلت
روناء: لكك هلاا ضلعع شلونكك گواد
سارين: هلاا بضلعيي زين وانت شلونك يالكرن
روناء: انت الكرن يالكواد لتغلط لا اشكك شك
سارين: افف تدلل
جريتها وكعدنة عل مرجوحة الي بالحديقة
سارين: ايي سولفيلي شصار بحياتج جديد
سولفتلها كلشي جديد هيَ تدري بعلاقتي بسچُال بس يعني مجنت اسولفلها الاحداث لان منلحك نحجي المهم خليت وسولفتلها كلشي من البداية لحد ماتعاركنة اخير عركة وكلتلهت السبب اكيد وحتى بوساتنة سولفلتلها عليهن لان بختصار سارين تعرف كل چبيرة وصغيرة عني اني متعودة اسولفلها كُلشي
سارين: صدُك تحجين هذا سبب تزعلين عليّ معندج عقل انت وين تفكرين ترا مرايحة تتونس رايحة تشوف اهلها موهيج روناء خطية البنية ترا اذا تضلين هيج تزعلين على اتفه الاسباب تكوم بعد متحبج ودور غيرج لان انت هيج تخنكيها ومرايحة الاحد غريب اهلها ومن حقها تشوفهم أصلاً هيَ عافتهم علمودج لازم انت تكونين سعيدة
