يوم الجمعه بداية اجازة العيد
الصباح بقصر العم عبدالعزيز على طاولة الفطور
ساره: صباح الخير
ابو سليمان: صباح النور
ام سليمان: صباح النور وين خواتك
ساره: يلا هذاهم جايبن
سليمان: صباح الخير
ردو عليه: صباح النور
وتجمعو كل العائله على الفطور وبدو يفطرون
ابو سليمان: تجهزو بعد بكره عندنا سفره
شوق: ويييين؟؟؟
ابو سليمان: الديره
الكل قاعد ساكت ومصدوم او خل نقول البنات الي مصدومبن لان العيال ما فرقت معهم
غاده: هههههههه وش ذا المزح يا بابا
ام سليمان: ابوك مايمزح بعد بكره بنسافر لديره ونشوف خوالكم وعمانكم
سعود: غريبه
ابو سليمان : وش الغريبه
سعود: يعني بعد ذا السنين نروح لهم غريبه
ابو سليمان: كله منكم لاني عارف انكم مارح توافقون
ساره: طيب مادمك عارف ليه الحين نروح
ابو سليمان: لان بعد اليوم ماني ماشي على كلامكم رضيتو ولا ان رضيتو غصب عنكم بترحون سودتو وجهي عند ابوي وعند عمي( ابو ام سليمان) كل سنه وراكم ماتجون وراكم ماتجون وانا اتعذر بشغل والوقت
فيصل: انا ماعندي اي مشكله بالعكس حاامس
خالد: اي والله صادق
غاده: انطم انت وياه
ام سليمان: جهزو شنطه لشهر
ساره: اييييش!!!!!!!
ام سليمان الاجازه والعيد كله نقضيهم بديره فاهمين؟!! ولا اشوف احد يفتح فمه منكم
غاده: بس ماما
ام سليمان: وش قالت انا؟!!
(معلومه ام سليمان وابو سليمان عيال عم)
بديره بقصر الجد ناصر
دق جوال الجد ناصر ورد عليه
الجد ناصر: يا هلا ويا مرحبا ويا مسهلا
ابو سليمان: يا هلا فيك يا ابوي وش لونك وش اخبارك وشخبار امي وخواني وعيالهم
الجد ناصر: بخير الحمدلله كلهم بأتم الصحه وشلونك انت وشلون عيالك وشلون ام سليمان
ابو سليمان: بخير كلهم يسلمون عليكم
الجد ناصر: الحمدلله
ابو سليمان: يبه
الجد ناصر: هلا يا ولدي
ابو سليمان: عندك مكان لنا انا وعيال ترانا جاينكم بعد بكره
الجد ناصر: يا هلا ياهلا وش هل الاخبار الزينه اكيد ياوليدي اذا ماوسعكم القصر توسعكم عيوني ابد تعال مكانك جاهز يا ولدي
ابو سليمان: الله لايخليني يا بوي اجل اوشفك على خير
الجد ناصر: على خير ان شاءالله
قفل الجد ناصر المكالمه وقام ينادي
الجد ناصر: ام عبدالعزيز ام عبدالعزيز
الجده منيره: هلا هلا في ذا في ذا انا
الجد ناصر: عندي لك اخبار زينه
الجده منيره: ماشاءالله وش عندك
الجد ناصر: بعد بكره بيجي عبدالعزيز واهله عندنا بديره
الجده منيره: ماشاءالله ماشاءالله الله يحييهم يلا يلا مافي وقت بروح اجهز واقول لحريم عيالي
راحت الجده منيره للعاملات وقالت لهم
الجده منيره: شوفو بعد بكره يجي بابا كبير بابا عبدالعزيز ولدي روحو نضفو غرف بناته وغرفته وغرفة زوجته
بعدين دقت على بنتها وزوجات عيالها تعلمهم الخبر
