هلا بنات شلونكم طبعا القصه رح ان شاء الله اكملهه انزل الكم بارت كل يومين او هيج شي ان شاء الله 🌎❤
الام أمل: ماما نور كومي حبيبي ماضل وكت يلا ماما كومي
نور: ها ماما صباح الخير
الام أمل: صباح النور ماماتي تعالي محضرتلج الريوك❤
نور : تمام ماما بس خلسبح وابدل
نزلت امي واني سبحت وبدلت ملابس المدرسه وحضرت جنطتي ونزلت
نور: صباححححح الخيررررر
الاب: هلا بنتي صباح النور حبيتي
الاخ حسن : شبيج ممصدكه عندج صوت ؟
باوعتله صفح اجتني عشق تمشي
عشق : ننه ننه
نور: شلتهه وابوس بيهه
الام : يلا تعالي نورة اكلي رح يجي خطج
نور : اي ماما اجيت اخذت عشق رح اتريك
صارت الساعه بل ٧:١٥ غسلت ولبست حذائي اجاني الخط
طلعت صعدت هلا بنات صباح الخير
البنات: صباح النور حبيبتي
ستار (ابو الخط ) : صباح النور عيني ست نور متصبحين ؟ .
نور: هذا ابو خطنه واحد بس يباوع وخفيف بس ما كو خطوط بس هوه مطرة ابقى ويا رديت عليه صباح الخير عمو !
ستار : عمو ؟
نور: هو صغير مو كلش جبير كتله اي عمو طبعا قابل شصحيلك؟
ستار : صمت
نور: لصمته على حلكه من حجيت ويا هيج ابد ما احب انطي مجال لاحد كلشي اله حدود ٠
وصلنه للمدرسه نزلنه من الخط لكيت دوريه شرطه مدري ضباط ما اعرف بل رتب والبنات بس يباوعن خزنه والله باوعت صفح للبنات وطبيت للمدرسه استقبلتنه المعاونه تفتيش طبعا هاي مو يوميه بس هيج كل فتره تسوي كبسه علينه على الاضافر وهيج شي فتشتني وكالت طبي ماما
طبيت للمدرسه رحت للصف شفت صديقاتي سلمت عليهم وشفت صديقه روحي نارين ❤ هاي أكثر صديقه مقربه عندي صحتهه نارو ندارت عليه واجتي تركض رحتلها وحضنتهه وهيه هم 👥 ضلينه نحجي ورحنه كعدنه بنفس الرحله واجتي المدرسه ضلت تعرف عن نفسهه واي مادة تاخذنه وسئلت عن أسمائنه وهيج من مدرسه لمدرسه لحد ما انتهه الدوام طلعنه إني ونارين شفت اجاها ولد من هذول الدوريه مال شرطه مدري ضباط لابس نفسهم وعله جتافه نجمه باوعلنه واجه باتجاهنا باوعت على نارين ضحكت كلت هاي شبيهه اجه جان يكول يلا نارو
نارين : نونه حبيبي هذا اخويه ملازم احمد
نور : انصدمت صراحه صح ادري عدهه اخوان بس ما احب اتدخل لا اسئل عليهم عاد كتله اهلا وسهلا
احمد : هلا بيج
نارين : احمد صديقتي نور
احمد : اها اتشرفت بمعرفتج
