غموض الضيغم .

الغموض الأول

بسم الله الرحمن الرحيم
لا اله الا الله
سبحان الله
الحمدلله

خلونا نبلش، قراءة مُمتعة .

_______________________________
احس روحي فاقدة بين النايمه والگاعدة، صوت عياط قوووي يمي مجاي استوعب اني وين؟ ليش ديصيحون؟ شصاير؟؟

فتحت عيوني ووخرت الغطا عني وكمت، اباوع الغرفه مهوسة الملابس كلها مطشره الغراض كلهن بالكاع  العطور مكسورة الكاع كلها كزاز

حاولت امشي بدون لا اتعور لكن بمجرد ما مشيت خطوه وحدة اتجاه الباب طبت كزازة برجلي عطت بألم

-: آخخخخخخخخ

وكعت عالكاع وصرت ابچي بصوت عالي واعيط احس رجلي جاي ينهشون بيها مداتحمل الألم، انفتح الباب وطب اخوي، نسيت الالم ونسيت روحي من شفته، حاله تعبااااان لابس اسود وشفقه وشعره طولان ومربي لحية وعيونة مغورگة

ركض ناحيتي بسرعة لزم رجلي وهمس
-: اتحملي ياروحي

بدون اي نقاش وبسررررعة جر الكزازة وطلعها من رجلي الالم الي حسيت بي احس روحي طلعت عطت عيطة وكمت افرفح بلاعيمي كامت توجعني واحس راسي طبول يدگون بي واخوي شافني ابجي شك قميصه وشد رجلي بي وشالني

حطيت راسي ع صدره وصرت ابجي واعصر بي واحس راح اموت من الم رجلي  لو من الم راسي لو من صريخ النسوان البرا، فتح الباب برجله ونزل بيه للدرج، اباوع الصاله متروسة نسوان

وكلها تبجي وتلطم وتابوتين بنص الصالة بعدني ما مستوعبة شجاي يصير صاحت وحدة من النسوان

-: ولچ بنيييتي اهلچ راااحوا راحوو تيمتي يا ييييمة !

اني سمعت هيج لو احس فقدت، بعد ماحس بروحي راسي صار بي صوت وشوشة، ماحسيت بشي بعد الدنيا ضلمت بعيني غمضت ورحت لعالم ثاني..

فزيت اخوي يرش بوجهي مي يريدني اصحى ولازم وجهي بكل قوته ويهمس بدموع

-: أمي انت حبيبي ميمي شو باوعيلي باوعي انت مو سباعية باعي باعي انت ماراح تعوفيني مو شو اصحي كومي كومي غموضي كومي حبيبي

احس راسي مقسوم نصين مامستوعبه شصاير جفني ثكيل كوة فاتحته احس جاي اجاهد علمود ابقى صاحيه باوعت لأخوي واردفت

غموض: شصاير صهيب ؟

عيونة غورگن بالدموع نزل راسة وصار يبجي، وكل ماتنزل دمعه يحاول يمسحها، مسح على راسي وباسه، لزم ايدية  وأردف

صهيب: امي وابوي ماتو

ماجانت عندي اي ردة فعل او حل غير البجي، لمن كالي هيج شهكت شهكة احس اجتني شهكة الموت

: انت شبيك تخبلت شنو ماتو دوخر وخر

دفعته حيل وفتحت الباب وطكيتها ركضه للدرج نزلت وكفت بنص الصاله التابوتات بعدهن موجودات النسوان يصيحن ويملخن بروحهم!