الساعه 8 الصبح
ام راشد :الو رشود
راشد:هلا امايه
ام راشد : رشود وين شما و مريم
راشد : امايه امس بالفير تعبو و أنا و سلطان وديناهم المستشفى
ام راشد : فيهم شي؟؟
راشد : لا تخافين مافيهم إلا كل عافيه بعد شوي بنرد البيت حد واعي؟
ام راشد : هي الريايل بس يالسين ف الميلس
راشد : لا تخبرينهم إننا موجودين بالمستشفى مانبا نخوف حد
بعد ثلاث شهور
راشد : ميثا خايف
ميثا : من شو
راشد: خايف من الزواج
ميثا: ترا بعده ماتزوجتو توكم اليوم بتتملجون
راشد: المهم اني خايف
ميثا : مايخوف انت بس احمد ربك حد وافق فيك
راشد :بسم الله عليه مافيني إلا كل خير
ميثا : تتذكر يوممم كنا ف بيت عمي..
راشد : بس بس مشكوره لا تكملين
ميثا تضحك
-
شما و مريم بالصالون
شما : مريم مابا اتزوج
مريم : كليزقق لا تخرعيني ف الزواج أصلا سلطان بكبره وضعه مب طبيعي
شما: مافي احسن عن اخوي حبيبتي ما جفتي اخوج الزفت
مريم : شموووهههه اخوي خلاص انسيه لانه صح انه خاين بس طيب
شما : وانا اعرف انه طيب بس ليش يعني جي اونه بيتزوج وحده غيري
مريم : شموه احين انتي بتتزوجين و خلاص لازم تتخطينه
شما : بعد صح
العامله : هلا مدام
شما : اقولج جوفي ها الميكب اباج تسوينه لي
العامله: مدام انتي هولو بدون ميكب
شما: حياتيييي
العامله : يلا مدام تألي أنا سوي حق انت
مريم : جنه نسيتوني
العامله 2 : مدام أنا حق انته
مريم : هلا والله
العامله 2 : مدام انت في زوج هولو؟
شما :هي وايد هولو
مريم : جنه فهودي احبكم لاتصدقين عمرج
شما : والله اخوي حلو
-
عند البنات
مها : اختي الصغيره و اخوي الكبير بيتزوجون بنفس اليوم 💔
ميثا : رشود بيتزوج وبيروح بيت لوحده وبيسحب علي 💔
مها : ميثوه شرايج ف الميكب بس
ميثا : والله تجننين
مها : يلا انشاءالله وحده تي تخطبني لولدها🤣
ميثا : لا خلج وياي عقب بيستون كل بنات العائله متزوجات إلا أنا
مها : بزوجج خلوف افا عليج
ميثا : وع خلي خليفه لج محد يباه
مها : هي صح نسيت اقولجج تخيلي خلوف عنده حبيبه
ميثا تضايقت : اونه
مها :جفتييييي تحبينههههه
ميثا : لا وين
مها : ترا مقلب زخيتج خلاص
-
راشد : ايههه محمد شوي شوي ع ويهي
العامل : انت في اسكوت شوي
راشد : ايههه لا تخليني انفس
سلطان : لا صدقه اسكت وايد تتحلطم
راشد: مايخصك بس بسالك
سلطان : قول
راشد: اروم اكل شورما ؟
سلطان : لا ياحمار تخيل تشم حلجك
راشد : لا ماتخيل 🤣
-
عند الشباب
محمد بعقله : أنا كيف خليت شما و تزوجت وحده غيرها . يعني شما تخطتني ولا شو . انزين أروم افرقهم واتزوجها ؟ لا وزوجتي
عبدالله : وين وصلت ؟
محمد : ها
خليفه : اقول جوف منو يدق حقك
محمد يجوف تلفونه إلا يجوف 💍🤍 : الووو قلبي
( الي محمد كان يحبها ماتقرب له اسمها عفرا)
عفرا: اقولك أنا ومنو الي ني عندكم
محمد : انتي و امج و خواتج و ابوج
عفرا : خلاص تمام وترا متكشخه لك آخر كشخه😉
محمد : خلاص تم بنتقابل ف الحوي تمام
عفرا : تم
محمد : قزومتي
عفرا : كم مره قلت لك لا تقول قزومتي
محمد :قزومتيي مب مصدق باقي ثلاث ايام حق العرس
عفرا : ياخي حماس وخوف وكل شي
محمد :عادي قلبي طبيعي جي تحسين ولا اقول مايستوي تطلعين قبل عرسج بفتره نسيت اقولج
عفرا :وكشختي؟
محمد : أنا بييي بيتكم وخلي اهلج يسيرون عند اهلي
عفرا : بس خلاص تم
