خيلة الشيخ فهد
الكاتبه آبرآر علي
ــــــــــــــــــــــــــــــــــــــــــــــــــــــــــــــــــــــــــــــــ
فهد: بقيت بصدمتي معقوله عدهه اخ لعد ليش چذبت وگالت وحيده شنو سالفة هاذه الولد
ماسة: نرجع للماضي شويه (من جنت يم عمامي اخذت رقم مصطفى وخابرته ونصدمت بكلامه)
ماسة: الوو ها مصطفى شلونك
مصطفى: هلا ماسة
ماسة: معقوله مصطفى هيج يجاوب المهم _ مصطفى تعال اني راح اموت ولك مصطفى امير راد يغتصبني مصطفى تقبلهه هيج يصير بيهه
مصطفى: ماسة اني عندي شغل وما اگدر اسوي شي اتزوجي امير وسدي الموضوع اني تعبان اني ما اگدر
اسوي شي عذريني وهسه يلا باي عندي شغل وسد التصال
ماسة: لااااااا مستحيل خلاااص ماسة معندج شي بعد تعيشين لخااطره هاذه مو مصطفى والله لا مصطفى يتخبلل عليهه شلون هيج يحجي
فهد: جانت تحجي بحرگه معقوله اكو هيج اخو الله يساعدهه اشكد جنت شاك بيهه مو زينه بس بعد كلامهه لا والله كسرت گلبي __ ماسة ليش ماعندج شي تعيشين لخاطره اول شي اني ابوج اصير سندج ومحمد واسد ونورس وعهد ونرجس اخوانج
خلاااص ليش تبجين وسحبتهه لحضني
ماسة: والله اول مره هيج احجي وابجي بحرگه ع موت اهلي مسويت هيج سحبني لحضنه بس جنت كلش فاقده اعصابي
فهد: يلاا اشش شنو تريدين اني اسوي الج يلا لتبجين وعد اذا بجيتي ازعل عليج تريدين اخذج لحور تروحين
ماسة: لا ماريد اريد لهلي اشوفهم
فهد: تعرفين مكانهم رايحه الهم
ماسة: لا ولا مره اتمنى اشوفهم
فهد: جهزي نفسج الصبح نطلع
ماسة: بس شلون تعرف مكانهم
فهد: كلشي يهون لخاطر عيونج بنيتي
ماسة: اول مره اسمع شخص يهتملي بعد موت اهلي
سحبت نفسي من حضنه ورحت نمت
فهد: خابرت امير ابن عمهه واخذت عنوان قبر اهله
ورحت نمت يبوو هاي صديقتهه بنت اسماعيل اشكد تتصل وتراسل قفلت الجهاز مال ماسة ونمت
ماسة: گعدت الساعه بـ3وربع سبحت ولبست بنطرون عريض اسود وتيشيرت ابيض وسمائي وشال اسود وحذاء ابيض تكرمون وبشت ونزلت للصاله كلهم نايمين بغرفهم وجهزت الريوگ وصعدت اگعد الشيخ فهد
فهد: نايم وسمعت الباب تندگ خير ياربي منو هاذه هسه جاي الساعه بـ4اله رحت فتحت الباب
ماسة: دكيته مرتين بالثالثه فتح الباب جان لابس برموده وبدون تشيرت يبووو والله عيب __ صباح الخير شيخ
فهد: صباح النور ها بويه شعندج گاعده وشنو هاي لبسج وين تردين
ماسة: الدمعه وكفت بين عيوني __ شيخ مو گلت اخذج لهلج
فهد: اي والله يابويه نسيت يلا نزلي اكلي هسه اجي بس اسبح
ماسة: من زمان مجهزه الريوك منتضرتك تگعد
فهد: ليش يمته گعدتي
ماسة: بـ3وربع
فهد: خوش يلا نتضريني
ماسة: نزلت خليت الجاي ع طباخ
فهد: يربي والله تكسّر الخاطر هاي الطفله قطعت افكاري ورحت سبحت ولبست بنطرون اسود وتيشيرت زيتوني ومشطت ولبست ساعه ومحبس وخليت عطر ونزلت
ماسة: تقريباً ربع ساعه ونزل شيخ فهد __ يلا شيخ تفضل اگعد
فهد: خطيه جانت منتضرتني گعدت وصبتلي جاي وكلنه خطيه تاكل سريع تريد تروح اكلت قلييل وحجت
ماسة: شيخ اني شبعت
فهد: اكلي بويه بعد وكت هسه
ماسة: والله شبعت
فهد: يلا نتضريني بالسياره هسه اجي
ماسة: رحت گعدت بالسيارة شويه واجه الجگاره بيده
فهد: ليش بويه گاعده وره تعاي هنا
ماسة: لا اخذ راحتك خاف اضايقك
فهد: لا بويه تعاي عادي
ماسة: گعدت ونطلقنه حتى بطني صارت توجعني
من الخوف والاشتياق والتوتر وكلشيي
فهد: اشوف ماسة عيونهه يلمعن وتباوع ع الشارع
ماحبيت ازعجهه وخليهه براحتهه
ماسة: من الطريق راسي صار يوجعني وبطني نمت ومحسيت ع كلشي
فهد: نامت ماسة ودخلنه النجف الاشرف وگعدتهه بس والله جفلت خطيه
ماسة: نايمه وتخيلت ارجع لعمامي كلش خفت وفجهه سمعت صوت يناديني
فهد: ماسة ماسة ماسة تسمعيني
ماسة: هاااااا
فهد: اسم الله عليج شبيج بويه شبيج
ماسة: لاترجعني فدوه اروحلك والله ما اريد ارجع
فهد: وين متريدين شبيج ماسة
ماسة: راح ترجعني لعمامي
فهد: لا لا والله بويه هاذه جبتج يم امج وابوج تشوفينهم
ماسة: نزلنه وصف السياره ورحنه للمقبره والله جبيره اوووف ياربيي
فهد: وصلنه وبقت تذب حسرات وعيونهه يلمعن
رحت سئلت الدفان واخذني بالضبط الهم
ماسة: وصلنه لقبر اهليي واخيرا راح اعاتبكم راح احجي وياكم اووووووف يربيييي والله احبهم
______________________________________
دخيلة الشيخ فهد
عدد الكلمات 633
الكاتبه آبرآر علي
صوتو يروحي انتو حتى اشوف اذا عجبتكم انزللكم بعد قصه تخبل والله مدااكدراطول البارت تعبت كلش وبس باااي
