توني بعد ماخلصت شوي دراسه من احياء الخامس وعملت شي حلو لـ(عوضي)
وجاي أقرأ ابنساء الحسوم وكلت اكوم اسوي كباب عروك نحن نسمي(شفته)
ف كلت خلي اسوي لان جعت مع انو ماكله وجبتين بهليل وشربت نسكافي بارده
ف عملتها لخبطه هواي بيها نواقص بس خليت بطاطه ناعمه مقطعه وطماطه وبصل شويات والبهارات والمعجون معلقه والطحين وعفتها شوي تستريح واقليها
وكلت اتابع يوتيوب مقاطعshrt
وطلعتلي اغنيه
(( الليله حبيبي الليله ليلة عمرنا))
ف اكيد لذكرى حتكون واجب هين
وفتت للقناة مقاطعها واتابع شي وره شي واني اعمل الكباب كروك
وطلعلي اغنيه ((يعم جيتك لحد بيتك))
وذكرت يوم خطبتي
وطلع مقطع ((فقير الحال غني))
بس تذكرت غلات حنيته
وطلع ((غلى فؤأدي))
وتذكرت غلات عيونه ((للبنيه))
وطلع((على المله بشرع الله))
تذكرت حلال حضنه تحت السماء الشتويه البارده
ونحن نعد نجومها ولكينه نجمه كبيره شوي واني كلت
... جنت اتذكرك بكل مره اشوفها
... واني هم تصدكين اتذكرج من اشوفها وهي مميزه
... بس اني جنت اتابع الكمر واكول اذا موجود الكمر معناه اليوم اشوف(())
حضني بلهفه وحماس وكال
... شكد احبججججج
... واني هم والله احبك خلي نعد نجوم؟
... عوفيهم واكلج بكد النجوم احبج
... واني بكد السماء بس تعرف انت تعرف تعبرلي بحبك بس بالنجوم والسماء والغيوم والمطر والشجر
... ماعرف اشعر ثوليها
ب
هاي الشغلات صعب واحد ينسى وهاي كانت مجرد
((دمعه بشط عرب))
بس ادركت شغله واني اكتب
أنو جان يعبر بالشجر والغيم وكل الي ذكرتهم ((وهمه اغلى مايكون واكثر شي احبه!؟))
شلون وقتها ماادركت هللشي!؟؟
بكثر حبي الجنوني والكلمات الي كلتها اله حتى مااكون مقصره بحبي وهواي تنازلات
بس هسه احس مذنبه وضميري ضايج
لان بس ماكتله انو
((هو يعبرلي عن حبه بأجمل شي بدنيا))
يمكن تفاهه بس دمعه ببلعومي
يارب مااعطس وتطلع بعيني🙂😂😔💔
خلي اكمل وطلعت اغنيه
((على بالي حبيبي))
تذكرت اخر ليله
والمقطع هذا
(( يوم لألبسلك الابيض))
بس مالبسته
ومقطع
((كون ام طفلك والدنيا تشهد))
وخلينه الاسم بس ماابنا حمله شخص ثاني اغلى مااجاهم ((لاتخافون ماابنه🙂😂))
من بعدي ماحب ولا تزوج ولا غيرو لان صال9اشهر مفصولين
دتكولون ليش شون عرفتي ماحب
لان ماتابع ولا بنت علأنستا ✨🌚
الغصه وصلت سابع طبقه سماويه
اروح اقلي ال(شفته)
واشغل ((شمسين))
هاي قصه ثانيه والكل يفهم
أنت تقرأ
فضفضات
Randomنصيحتــي لتكن مايحلو لـگ لا لغيرك ابقى كما انت لا هُـ۾ نم كما تريد واينما تريد ومتى تريد لا تتردد بشيء مادام سيجعلك تشعر أنك راضٍ عن نفسك فـ حتى المجرم يقتل ليشعر بالراحه والاستمتاع لكن يتراجع عند الشخص الصح الذي يشعرهُ ويقول له أنهُ ليس بمجرم ب...
