أشفاه ساجمة

🎭بارت 1🎭

🎭  أشــــفــاه سـَـاجــِمـة  🎭

☯︎🍷  وَعٓينٓاك رُمحٌ اخْتٓرقٓ الفُؤٓاد، فأٓضْحٓى مِن سُكر حُبِك يَهِيم  🍷☯︎

🎳 بقلم : ريماس ماري

         💣 الجزء :1

بين أحضان جبال الأطلس وفوسط قرية صغييرة من أجمل وأبهى  القرى في المنطقة كاتتميز بجمالها الطبيعي الساحر ورونقها التقليدي كاتتوسطها مناضر خلابة من الجبال الشاهقة والوذيان الصافية الشي لي كيضيف ليها سحر خااص .

القرية كاتنعم بهدوء وسكينة . فيها منازل تقليدية لي كاتضفي عليها طابع تاريخي وتقافي مميز وفنفس الوقت فيرمات كبار . المنطقة كلها خضراء وعامرة خيرات

قدام باب إحدى الفيرمات وبالضبط فيرمة خاصة بقايد القبيلة . راجل كبير وطبعو صعيب كلشي كيهاب منو  حاااد فكلامو و غير شوفاتو كاتركب الرعب فناس

جالسة بنت مراهقة فالأرض فعمرها 18 سنة  بنت فائقة الجماال . وجهها بييض بحال الجبينة كيضاهي بياض الثلج  عينيها زوورق بحال لون السماء لون صاافي فيه رشة من الرمادي حنيكاتها مهزوزين وموردين فويمها حمممر بحال التوت شعرها طويل لونو عسلي ضافراه وراضة الضفيرة فجنبها مع جالسة هابطة حتى لرجليها .  جمالها رباني كأنها  قطعة من القمر او سنفونية هاادئة كتاخدك لعالم تااني  لي شافها كيحماق عليها ومايقدرش يبعد عينيه عليها

جالسة حاطة دجاجة فوق رجليها وكاتتلمس ريشها مبتاسمة بؤبؤ عينيها ماكيتحركوش مفيكسيين فبلاصة بعيدة . البلاصة لي  كاتسمع صوت البنات كيلعبو فيها  وصوت ضحكهم مالي المكان  ومرة مرة كاتسمع شي حد كيناديها بالعورة واخا هاكاك ماكاتسوقش وكتبقى محافضة على إبتسامتها مستمتعة  بصوت ضحكات البنات

تمنات تكون قدرات شي نهار تلعب معاهم. عمرها مالعبات اولا دارت حوايج داروهم الأطفال فصغرها

دوزات طفولة صعيييبة مابين الفقر واليتم وحتى الإعاقة لي عانات منها وهي طفلة صغييرة
خلاتها عاشت محرومة من بزااف دالامور ولكن فنفس الوقت كانت ديما راضية بقدر الله ومأمنة أن الله سبحانه مادام حرمها من النضر اذن عندو حكمة حيت ماكيديرش شي حاجة من فراغ يمكن مابغاهاش تشوف الشر لي فهاد الدنيا باش تبقى محافضة على برائتها

مازالة فنفس الوضعية حتى وقف عليها قايد القبيلة راجل كبير  ستيني العمر لابس جلابة مخططة وفرجليه بلغة صفرة  وهاز عكاز فيديه تكلم بصوت حاد خلاها تقلب ملامح وجهها من ابتسامة لخوف

قاسم بصوت حااد : افناااان شنووووو كاتدييييرييي فالبااااب ؟ يااااك قلت لممممك مانعاودش نشوووفك براا

أفنان تفزعات ملي سمعات صوتو قلبها خبط وسط صدرها وشداتها الرعدة . جسمها كلو رجع كيرجف من خوفها منو و تمتمات بصوت مرجوف

افنان : س سمح ليا الحاج

قاسم نخضها بقوة ماحااملش علاش لقاها فالزنقة وضار جارها مدخلها وهي كاتتعتر وراه خايفة تطيح ماعارفاش الطريق مكاتشوف بعينيها غير الضلام

افنان  دموعها سالو خايفة :الحااج مانعاودش عافاك

قاسم دخلها لوسط الفيرمة لي كانت كبيرة مجرجرها حتى داخل وسط الدار وصوتو كيتسمع مجهد . عيالاتو التلاتة ملي سمعوه كيغوت كلهم وقفو مصاافيين عارفين بلي طرات شي حاجة

قاسم : افيييينكم العياااالاااات علاااش مخليينها خرجاااااات . علاااااش ماكاتسمعووش كلااامي

تمتمات الزوج الاولى لي كانت خمسينية العمر مرا كبيرة لابسة قفطان تقليدي باينة مرا الشان والمرشان والري والشوار

  فاطمة :ماشفناااهاش الحاج صافي ماتعاودش

قاسم دفع افنان بعصبية كانت غادي تطيح غير شداتها فاطمة

قاسم : واااش بغيييتو تشوهوووني بغيتو يقولو مرات القااايد جالسة فالزنقة

الزوج  التانية سعيدة : هضرنااا معاها مابغتش تسمع

قاسم شاف افنان لي كاترجف شادة ففاطمة وكاتشوف فجيهة وحدة ماكاترمشش وغوت بحدة

قاسم : ونتيييي علاااش خارجة يااااك كانوصيييك ماتخرجييييش من الباااااب

افنان دموعها تسرسبو وتمتمات : حليمة قالت ليا خرجي جلسي فالباب شوية

حليمة سمعاتها خرجات عينيها

حليمة : اوييييلي نعلة الله عليييك الكذاااابة فيين شفتك اناااااا

قاسم خنزر فيها : بناااات الكلاااااب كل وحدة كاتدير ريها وسط الداااري . كانبان ليكم انا هناااا قرد