( بِسْمِ اللَّـهِ الرَّحْمَـٰنِ الرَّحِيمِ )
ُقل لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا وَعَلَى اللَّهِ فَلْيَتَوَكَّلِ الْمُؤْمِنُونَ.
بـقـلـم الـكـاتـبـه : ملاك زعيم
.
.
.
حياه غريبه ناس غريبه اني وين اهلي وين ليش الناس هيج تتعامل وياي شمسويتلهم ليش الكره مزروع بكلبهم معقولة الانسان توصل بي الحقاره لهل درجة بعض البشر مستعد يبيع بناته وشرفه علمود كم فلس صح بعض الناس تنجبر تسوي هيج بس البعض نفسهم دنية واكو البعض واحد يخدع الثاني ياخذون حقهم بس حتى يعيشون حياتهم مرتاحين فززني من صفنتي صوت خالتي غمضت عيوني بقلت صبر سديت دفتري وضميته رجعت صاحت باسمي طلعت اركض باوعت مطلعه المواعين ومخربه كلشي بالمطبخ باوعتلي وعاطت بية.!
هناء -: ريڤا كم مرة صار صحتلج شنو ما سمعين.؟
ريڤا -: لا مو هيج بس جنت ادرس ولميت الكتب واجيتج بشنو اكدر اساعدج.؟
هناء -: نضفي المطبخ ماريد لو لطعه بي اريده يلمع خواتي راح يجن ومن تخلصين جهزي الضيافه وشوفي الاستقبال خوما وسخ او اكو تراب علئ الميوزة بسرعه لا تصفنين وها ملابسي اغسليهن.
ريڤا -: بس خاله عندي امتحان وقبل شوي نضفت المطبخ وهنه اذا يريدن يچن المطبخ والكاونتر شعلي.؟
هناء -: والله طولان السانج يا ام عين وعين راح اروح ابدل واخلي مكياج اذا انزل وما الكه المطبخ يلمع المخزن ينتضرج وأنتِ تعرفيني كلش زين.
هزيت راسي عافتني وراحت الغرفته رحت سويت الزاهي رفعت تراگي وبلشت انضف نضفت الكاونتر ورجعت المواعين بي وغسلت السيراميك ماله الارضيه والحزام نشفته وشغلت المروحه بي من نشف دخلت الفراش ماته وشغلت بخور عدلت البرده طلعت للاستقبال باوعت نضيف وريحته
طيبه قابل لوما ريڤا منو ينضف
مسحت الميوزة وطلعت نزلت من فوك تارسه روحه ذهب هيه بس من تشتري شي دز على خواته وصديقاتها حت يشوفنه نزلت مخليه حمرة سحرية على خدودها والكحله شلون تشبه فرعون فززني من صفنتي صوتها تحجي بصوتها الخشن الارجل من زوجها.!
هناء -: ريڤا شلوني حلوه مبين ذهبي يلمع مو.؟
ريڤا -: لا مو حلوه ملامحج صايره ملامح عجوز مبين الگبر عليج وجهج متروس تجاعيد وهالات وشفتج عبالك تشربين جكاير سوده وذهبج ماله جيل الطيبين صار الف سنه من تلبسي غيري.
هناء -: حيوانه صوتج ما اسمعه أنتِ الي تلعبين نفس بعدني ما تعديت الاربعين بس أنتِ تغارين مني لان حالج حال مچدي بشارع بس تطبخين النه وتنظفين ولي حضري الضيافه اجني بطريق يله.
