فارسي بالبشت♥

الحلقه 1

أسم الروايه: فارسي بالبشت♥.
للكاتبه: وٱسۜيۧ ❤️.
الحلقه: الاولـ(1)ـه.

•••••••••••••••••••

(الروايه فيها شخصيات واجد ومطلوب التركيز)
هبه: بنوته محترمه وماعندهش في جو العلاقات موليد
2000 عندها خويين  واحد اكبر منها وواحد  اصغر منها وعندها اخت وحدة اصغر منها  ح تتعرفوا عليهم من الروايه  وكانت تقرا في الشريعه الاسلاميه تخرجت بس
رفضت الشغل وكانت مدمنه لشيء اسمه (قناة......) انا
مش ح نقول اسم القناة بس القناة  محتواها هوا ان يكون بث 24 ساعه شباب سعوديين لمدة ثلاث شهور تخيلي ثلاث اشهور  ع نفس الناس

••••••••••••••••••••••

هبه: هيا جيت اشويا بس
مروة(ام هبه)  :  راكي اتسيبيها هل القناة ما اتمليش يابنتي
هبه: انمل مًنِ منْ يا ماما  ،  تي انا استغفر الله ياربي انحبهم اكثر ما نحبكم
مروة:  استغفر الله ياربي حي هذا كله وقاريه شريعه املا كان مش قاريتها شنو
هبه: راني هاربه للسعوديه😂
مروة: بنت را انادي احمد (خوها الكبير)  يا احمد تعال للهبله اختك
هبه:  خلاص ماشيه رجاجيلي ( تنرفز في امها) 😂
مروة: عدي اجري تو ينفعوك انتي حتى لهلي معش تمشي عسباهم تو ينفعوك
هبه: انا عرس بنت عمي ماعديتش عشانهم مش هلك اها تو ينفعوني ع الاقل يغيرولي في جووي😂😂
مروة: انتي مدمنه
هبه: عارفه روحي يا ماما

............................. محد يقول عليها وقحه لانها هيا مع امها دلاله بحكم انها بنتها الكبيرة 👍..............

هبه فاتحه حساب ع (.......)  تنشر فيه في مقاطع لمتسابق من القناة والمتسابق هذا عنده قاعده جماهيريه كبيرة ماشاء الله فـ هيا كانت هذا اكثر واحد تحبه لدرجه انها تهلوس وتحلم بيه ف قالت ليش مانفتح حساب باسم (فانز عامر) طبعا انتم توه كلكم عرفتوه من عامر اللي هوا المتسابق

..... بعد شهر ونص كمل البرنامج هوا فكرت البرامج هذينا مهما حاولت ماتعلقش بشخص تلقى روحك متعلق غصب ف اليوم الـ ما قبل الاخير كان في (وداعيه) للبرنامج يودعوا بلمكان لعند مايكملوا المنتجع كامل في اليوم هذا٠٠

رۆآيَآتٌ لُيَبْيَہ لُلُگآتٌبْہ♥ وٌيَسِيَ آلُعۆآميَ♥.

هبه (تبكي)  :  نعم يا ماما 💔
مروة:  كنك شن فئ
هبه(تأشر ع التلفزون): شوفي ياماما توه الوداعيه قلبي بيوقف
مروة:  خلاص عليش تبكي بعدين مش عندك تلفون تابعيهم عليه
هبه:  بس مش كيف لما يكونوا مع بعضهم ومباشر
مروة:  خلاص معش تبكي

محمد (بات هبه)  :  هبه يا باتي شوفي شن جبتلك
هبه:  نعم يابابا
محمد (مصدوم 😳)  :  كنك تبكي
هبه:  اليوم الوداعيه يابابا 😭
محمد: انا عليش دايرلك تلفون اصلا عشان اتفرجي عليهم ع التلفون
مروة: مدلعها واجد انت راهي عزوز 24سنه
محمد:  شن دخلك انا انشوف فيها طفله طول العمر تي يا بنتي ع هل الدموع ان شاءلله بجاه اذن هل المغرب تأخذي واحد من هل البرنامج يا بنيتي
مروة: كان تبوا اتخشوا ع السحر ممكن كلا سعودي وليبيه مستحيل
محمد: وكنها بنتي منين تشكي تي انتي قولي ان شاءلله انا انوافق عليه بس
هبه: تو انتم عدوا خلوني انتفرج اتعاركوا ع موضوع تافه
محمد:  عليك لز مش كان دارك اتلزي باتك ياكلبه
هبه: مش انلز فيك يابابا بس نبي انتفرج وانتم اتعاركوا كان تبي اتفرج قعمز تلاي وكما هضا تفضلوا منغير مطرود
مروة: بعد هضا كله اتقول من غير مطرود عليك بنت انا بنعدي نطيب شاهي
هبه: مربوحه
مروة: وحق ربي مانك متربيه
هبه: شكرا حبيبتي 😂
محمد:  تو انتي ماتبيش تعرفي شن جبتك
هبه:  قصدك جيتلي حاجه؟
محمد:  اها غير انتي كنتي تدمعي ع حبايب قلبك
هبه: ۆآلَلَهِ ماسمعتك سامحني بس شن جبتلي
محمد:  جبتلك بوار عشان معش اتعاركي مع خوك
هبه: الله نجك لياء سلمك جياب حبيبي
محمد:  سلمك ♥

••••••••••••••••

.......... بعد كم يوم حساب هبه ضرب بشكل مش طبيعي وعرف عامر انها من فانزاته لان هيا كانت تدعم فيه ع التواصل الاجتماعي ماديٱ ومعنويٱ ف حطها مشرفه ع بثوث بتاعاته (هي طبعا طارت من الفرحة) وديما يشكر فيها ويقول احسن مصممه وهي لازلت تدعم فيه..............

••••••••••••••••

طبعا عامر موليد 1996 متخرج من كليه الاقتصاد يشتغل في شركه ماديٱ متريح وحتى هوا ماعندش في جو العلاقات نهائيا، عنده خوين  واحد اكبر منه ومتزوج والثاني اصغر منك ويقرا طب برا منه و4 خوات بس عنده وحده من خواته عيلها من نفس جيل عامر هوا خالهم بس فرق العمر بينه وبين اكبر واحد 3سنين بمعنى جيل واحد  وعنده اخت صغيره عمرها 8سنين يعامل فيها ك بنته مش اخته و باته وامه عايشين ولله الحمد و افراد العيله ح تعرفوا عليهم مع....الايام

((عامر مانقولوش حبها بس بداء يحس بمشاعر اتجاهها للعلم هوا يحكي معاها خاص بس لما يكون عنده بث عشان اتجي اوله وحده واتصور الشاشه واتصممله بس هيا ماعمرهش خشت عليه وحتى لما هوا يدزلها كان في حدود والدردشه كلها ع الشغل والتصاميم والاعلانات والتنسيق تعرفوا انتم اشتغال اي مشهور،  لحد مايوم خش  عليها عامر وقال ...... يّتُبّـعَ ـ