فارسي بالبشت♥

الحلقه 7

أسم الروايه: فارسي بالبشت♥.
للكاتبه: وٱسۜيۧ ❤️.
الحلقه: السابـ(7)ــعه.
••••••••••••••••••••

وصلوا لبيت هبه
(عامر يبي يدق ع باب يده ترجف)
خلف:  اش فيك يامعرس
سلطان:  انا بدق انت هذا لما جيت تطلب يوم الملكه وش بتسوي
•••••••••••••••
(فتح لباب احمد خو هبه الكبير)
عامر:  سلام عليكم
محمد(مصدوم 😳بس باين انهم سعوديين من لبسهم): وعليكم السلام ،  اتفضلو
محمد:  تفضلو
عامر:  تسلم
احمد: تفضلو دقيقه واكون عندكم
عامر: خذ راحتك
•••••••••••••••••
(خشوا للمربوعه واحمد خش ع باته...

احمد: باتي ياباتي
هبه:  ماشاء الله احمد يدوي بصوت واطي شن في غريبه
احمد:  وطي صوتك يا بنت في رجاله برا
هبه:  رجاله؟ من جاينا محد قال بنجي
احمد:  والله ماني عارف شكلهم خليجيين
هبه:  عدى بلا بصاره صاطمه
احمد:  ورب الكعبة في رجاله سعوديبن بامارة واحد منهم لابس هذا الاسود
هبه (رعشت واذكرت الايام اللي فاتن عامر ديما مشغول)
هبه(درات روحها طبيعيه)  : باهي عدي شوفهم شن يبوا
احمد:  انعدي نغير دبشي وانادي باتي
هبه:  تمام
••••••••••••••••••
••••••هبه ترن ع عامر وتسمع كان في صوت تلفون رن في المربوعه معناها هوا •••رن التلفون وهبه لما تاكدت ان هوا خشت تجري للدار عشان ترد عليه ••••••••••
(عامر رن تلفونه سلطان و خلف بحتوا في بعضهم عرفوها هيا)
عامر:  عن اذنكم شباب
سلطان و خلف:  خذ راحتك (بابتسامه مستفزة)
عامر:  ترا مكالمه من الدوام
خلف:  واضح واضح انها من الدوم رح ياعريس
سلطان:بيروح يبرر
(عامر فنص😳في سلطان)
خلف:  يبرر وش
سلطان:  ترا حنا جايين بدون علم البنت
خلف (انصدم): اخو العيال كيف يجي بدون ما يعلمها بعدين كيف عرف العنوان
سلطان:  قال حافظ البيت والشارع ورقم البيت بعد
خلف:  والله موب بهين رفيقي اثريه عاشق
سلطان: اي والله الله يتممله ع خير عامر يستاهل وكفو
خلف:  اي والله انه يستاهل كل خير

••••••••••••••••••••••••

رۆآيَآتٌ لُيَبْيَہ لُلُگآتٌبْہ♥ وٌيَسۜيَۧ آلُعۆآميَ♥.

•••••••••••••••••••••••••
(عامر طلع يكلم برا)
هبه(صوتها خايفه وترعش)
هبه:  انت هنا
عامر:  اي قلتلك اني باذن الله ماخذك ماخذك
هبه:  ياعامر يا حبيبي مش هكي
عامر:  كيف تبيني اخطبك
هبه:  كان قتلي راه مهدت الموضوع لاهلي
عامر:  اش فيك خايفه منهم
هبه:  ياعامر يا حبيبي اول سؤال ح يسالوه لياء كيف تعرفتي عليه
عامر: ما اتخافي ح اتكلم معهم في كل شي
هبه (تبكي):  خايفه ياعامر
عامر:  ما تبكي وانا ولد ابوي انتي كذا تكسريني من تبكي بعدين انتي خايفه من ابوك ولا من احمد
هبه: من الاثنين بس بابا مرات يتفهم لاكن احمد لا مستحيل يفهم راسه مصكر
عامر:  احمد انا اتفاهم معه باخذه وانتكلم معه في كل
شي
‏هبه:  والله اني خايفه عليك وخايفه منه
‏عامر:  انتي تعوذي من ابليس وروحي خذي اي مهداء وسوي نفسك نايمه بسرعه يا الله انا بروح استودعتك الله
‏هبه:  في رعاية الله
‏(صكرت هبه وهيا ع نار)
‏هبه:  استودعتك في حفظ الله الذي لاتضيع ودائعه
‏(هبه دارت روحها راقدة)
‏
•••••••••••••••••••••••
(جاء بات وخو هبه للمربوعه وعامر جاء)
(عامر سلم ع محمد وقالـ.
عامر: سلام عليكم
محمد:  وعليكم السلام تفضل يا ولدي
عامر: انا عامر بن نايف (الفلاني) وهذا خويي انتم اتقولو صاحبي
محمد:  ماشاء الله تعرف تدوي ليبي
عامر (ابتسم 😊وحس ان اب هبه طيب): اي الحمدلله وهذا ابن أّخِـ ولد اختي
محمد:  تشرفت بمعرفتك
عامر:  الشرف لي والله
محمد (حس ان في موضوع): تفضل يا ولدي واضح ان في كلام بقلبك
عامر:  اي والله في كلام كثير بس ابيك تتفهم وضعي
محمد: ان شاء الله ياولدي
عامر:  انا جاي طالب يد بنتك هبه ع سنة الله ورسوله الكريم وانا مستعد اني اقسملك بان ماضرها بكلمه ولا اضايقها في يوم ومستحيل تحس انها في غربه
محمد (مصدوم 😳بكل معنى الكلمة): يا عامر انا والله مش عارف شن انقول بس يعني انت جاي لعند هنا وطالبها يعني صعب عليا
احمد (معصب): ممكن اتقولي كيف تعرفت عليها اصلا
عامر:  انت انتظرني شوي ابي اطلع معك مشوار ومايصر خاطرك الا طيب
احمد:  ان شاءلله
(عامر جاء عند محمد)
عامر:  ياعمي انا داري ان اللي سويته غلط بس انا حبيت بنتك وشاريها وابيها ع سنه الله وان لي معزة وغلا عندكم اتمني ان محد يمد يده عليها
احمد:  شن دايره هيا عشان انمدو يدينا عليها
محمد:  انت اسكت انا بنتي محد يقدر يمد يده عليها
عامر:  طمنتني ياعمي

•••••طبعا سلطان و خلف ولا كلمه •••••••

محمد: شن اللي درته غلط كنت اتواصل معاها صح
عامر:  اي ياعمي وانا اسف واعتذر وادري اني مخطي بس والله العظيم ان ذي اول بنت في حياتي اكلمها والله انها كانت اختي كان كل شي بينا شغل ع البث وكذا وبعدها حبيتها حب شريف عفيف وانت تدري ان الحب لا حرمه ربي ولا ذمه
احمد(بيخش لـ هبه يتفاهم معاها)،(خبط الباب ويبي يمشي) 
(صبى عامر ومسك احمد)
عامر:  تكفي انا طالبك انتظر بس ابي افهمك كل شي تكفى
احمد:  ترضاها في اختك ياعامر ترضى كان حد جاء وقال انا نحبها
عامر:  لا والله اني ما ارضاها بس انتظر
احمد: شن انتظر ماعندش بنات يزوجن من علاقات (ويدف في عامر)(طبعا الصوت عليا ووصل لـ هبه وهلها)(هبه ترعش خايفته يخش عليها)
(احمد دف الباب وخش لباب الحوش كره عامر)
عامر:  تعال تبي تاخذ حقك تعال عندي تبي تضرب اضربني انا هي مالها دخل بشيء انا غلطان موب هي بعدين انت موب متزوج من علاقه
احمد:  ماشاء الله(االطوووط)حاكيه كل حاجه عينا شن قايلتلك اخر
عامر(عطاه كف): انا مقدر وضعك ما تغلط ع البنت قلتلك تبي تاخد حقك خذه مني او اسكت ما تغلط عليها
احمد: ومن انت عشان اتوريني كيف انتكلم مع اختي
‏عامر:  انا اوريك كيف تتكلم من تكون غلطان
‏
(محمد عجباته حركه عامر بس ما بينش)  (عامر واحمد مصبيين يبو يضاربوا،  و سلطان وخلف ولا كلمه)
محمد(عله صوته)  :  هااااا انت وياه اسكتوا بعدين من امتى ياكلب تمد يدك عليها
احمد:  ماسمعتش شن قال
محمد:  سمعته هوا غلط صاح بس جاي يعدل اللي داره ويخطبها ع سنه الله ورسوله
احمد:  نفهم من كلامك يا باتي انك موافق
محمد: اها موافق
(عامر و احمد انصدمو)
احمد:  كيف موافق قبل مانسالو عليه كان انت موافق
محمد: انا موافق لما يجي راجل يدافع ع بنتك وخايفه عليها من خوها انوافق لما يغلط ويجي يعدل غلطه انوافق
بعدين لما مايخليكش اتقول كلام بذيء ع اختك راجل بعدين انت اصلا كيف اتقول الكلمه هذي ع اختك يا حقير انا عامر كبر في عيني لما عطاك كف لان الكلمه اللي قلتها ع اختك ما تنقالش ولما صبى خايف عليها منك وقالت تبي تاخد حقك خوذه مني راجل البنت اللي هوا دافع عليها توه هوا ملمسهش صح غلط ان كلمها بس ماتغلطش في اختك انت وللعلم هبه جت وقالتلي انتعامل مع شخص سعودي عشان الشغل والبثوث وانا وافقت صح انها غلطت بس هيا حبت خلاص انعمت عيونها كيف ما انت حبيت واجوزت لاكن الفرق بينك وبين عامر ان اختك كذبت وقالت جايه نخطب صاحبتي وهيا صاحبتك انت مش غلط هذا ولما عليك حلال وعلى اختك حرام
احمد: ياباتي في فرق.....يّـتُبّـعَ-