حُـب بَـعـدَ سَـنوَات

البـارت 3

هلااوو نسوانن
شلونكم؟

بنات حبابات يعني قدرو تعبي
وصوتو واكتبولي رأيكم ب الروايه

واذا تردون اعدل عليها كلولي ومن عيوني اعدللكم الي تردو 🩷

حضرو نفسكم هواي تسات 🐍 رح تشوفون

وبل نسبه لبعض البنات سئلوني ع اللهجه مال علي بنات ماريد احرك عليكم بل بارتات الجايه تعرفون ليش يحجي هيج

..............................

علي: صار الليل واني عيوني مغمضت من التفكير..... باجر رح تصير الكعده....واكيد ميطلبون فلوس....كاعد وافكر شلون رح انتقم منهم.... ماكو حل غير انو اخذ غدير... اي غدير هيه الوحيده الي رح يتأذه كلبهم من يشوفوها متأذيه.....صح اني احبها بس لازم ادوس ع كلبي مثل ما داسو عليها كدامي......ما انسى شكلها ومضهرها وملابسه جان اسوء يوم.....اووف ياربي.... ضليت افكر لحد ما نمت.

غدير: كعدت الصبح واحس روحي احسن... رحت سبحت وبدلت ولحد هسه مجاي افهم شديصير وياي وليش علي هيج يعاملني...... عفت كلشي ونزلت لكيت امي وعمتي بلمطبخ والبنات جاي ينضفون وصايره هوسه.

زهراء: هاا حبيبتي صباح الخير.
غدير: صباح النور ماما اكلج.
زهراء: كولي حبيبتي.
غدير: اكو احد رح يجي شو صايره هوسه.
رحاب: ها يا بعد عمتج شو نزلتي ليش مرتاحيتي فوك.

غدير: لا عمه مابيه شي بس كولولي ليش هيج صايره هوسه.

زهراء: بنتي ماعرف شكلج بس من صار الحادث ضربتو سياره والي جان بل سياره مات وهسه اهله جاين وماعرف شنو رح يصير.

غدير: يا بس هاذا قضاء وقدر ماما.

زهراء: شنسوي يا حبيبتي الله كريم.

غدير: زين معقوله يطلبون غير الفلوس.

رحاب: يممهه تفلي من حلكج شنو السالفه لا ان شاء الله يطلبون فلوس ويطلعون ناس محترمه.

غدير: تمام...... يمه خلي اساعدكم مابيه شي.

زهراء: لا حبيبتي روحي ارتاحي باعي جسمج شلون صاير صعدي يمه.

غدير: لا ماما واللن ما احب اكتد والله مابيه شي عمه عفيه كوليلها.

رحاب: يا حبيبتي بس انتِ مسويه حادث يعني لازم ترتاحين.

غدير: عمه اي شي انطوني والله ضوجه فوك وحدي.

زهراء: يا يمه شبيج كاتله نفسج ع الشغل.
غدير: مامااا عفيه والله ضوجه فوك.

رحاب: اكلج حبيبتي روحي كعدي علي وكوليله خلي يروح يجيب الاكل بعد ماكو وكت.

غدير: حاضر عمه.... عفتهم وصعدت ورحت سم الغرفة الي علي بيها متردده ادخل لو لا مادري احس كل الي صار من وراي الشخص الي مات بسببي علي تأذه بسببي والله اعلم بعد يا مستقبل رح ينهدم بسببي....