الضياع

البارت 3

روان: جنت كاعده بل غرفه وابجيي على محمد الى طول الوقت ما شفناه ولا حجيت وياه ولا شبكته ولا حته حسيت بي انو هوه اخويه وشلون راح هيج من ادينه اروحلك فدوه بس ارجع بسلامه
حسين: وصلت المستشفى واشوف الناس الى دعسته (يعني دعمته) هاا ولكم شسويتو بئبني احجوو ولكم والله لدفعكم الثمن غالي واصبروليي
ابو ضياع: استهني بل رحمان اخويه ابو محمد مابي شي بس مجرد فاقد الوعي واذ صار علي شي نتحمل التكلفه بكلشي
علي: لا عمي تسلم شنو تتحمل التكلفه اني اخو وطال عمرك تسلم واعذرني ابويه كلشي عصبيه ميتفاهم
ابو ضياع: لا عادي وليدي وتسلم والله يحفضكم
مراح اطول القصه عليكم راح اسرع بل احداث
وره اسبوعين اجه خبر وفات محمد وجانت العائله كاعده وروان بل غرفه فوك تبجي الى مانزلت على احد ولا تحجي ويا احد كاضيته بجي ونوح
وصل الخبر وفات محمد وامه مريم كامت تصرخ والتمت عليه العالم وهيه بل باب الشارغ تصرخ وشككت ملابسه وبدت العداوه بي بيت حسين وبيت ابو ضياع
روان: اسمع صريخ اميي بس ماضل بيت حيل ونرجس بل دوام ياربيي احس ارجليه تخيطن بعد ماضل بي حيل امشيي يارب استر يارب عيني يا الله
نرجس: اجيت من المدرسه الخط عطلان مااجه اجيت امشي واسمع صريخ قريب على بيتنه كمت اسرع بل مشيي واشوف امي بل شارعه وشاكه ملابسه من عليه وشعره متكوم كدامه اهنان اجتني الصدمه كمت ماضل ما اشوف سي كداميي وصلت اميي احجي ماكو امي متحس على شي كمتريد ركض على روان واشوفه خربانه واكعه بل كاعه يالله ياربيي عيني انتصلت على بيت عميي جاوبني عمر
عمر: هااا الووو منو
نرجس: بصرخه بجيه بل كوه حته احجي
عمر: نرجس شبيج الووو
نرجس::: بس ابجييي
عمر: جنت كاعد يم اهلي ونضحك ونسولف فجئه انتصل عليه بيت عمي حسين جاوبت كلت الووو بس اسمع صوت بجي وعياط
اهلي كالو شكو عمرر احجييي كلت بس خلي افهم شكو
نرجس: الوو عمررر جاوب
عمر: هاي نونه شكو شبيج تبجين
نرجس: عمررر محمد اخويه مات وروان خربانه متحس واميي ماتت من وره البجييي الحك عليه يا ابن عميي ساعدنيي
عمر؛: شنوو محمد توفه اجيت راح اطلع البيت يله باي اهلي شكو عمر شصاير والله يا ابويه نونه تكول محمد اخويه ماتت ومحد بل بيت وامه وروان فاقدات البجيي اني راح اروح وانتو الحكونيي تمام
الاهل: ماشي وليدي روح
عمر: طلعت البيت على سريع وصلت اخذت روان على مستشفى وجبته شدوله مغذي وجبته وصلنه البيت وشافت امه وخالاته شلون يبجن ما تحملت كبل سحبت المغذي وكامت تصرخخ وتلط
روان: يبوووووووووووو يا اخويه يا بعد روحي بعدك بعمر الورد وهيج رحت يا خوييييه ارجع اريد اشبع منك يبعد اختك وعشيرته تعال يممممممه يبوووو
امه مريم: يممممممممممه يوليد راح منييي يبعد امك ارجع يبعد امك تعال ارجع اريد اشوفك واريد اشبع منك يمه وليدي راح مني يمه ارجع تعال يمهههه عمت عيني عليك يبعد امك اجيتني تفاجئي بموتك مو بشوفتك تعال ولك يممممممه
نرجس: تعال حمودييي ارجع يبعد اختك ارجع وشوفنيي كبرتتتت ولك مو جنت تكلي حلمي واشوفج انتي وجبيرهه ما اتحقق حلمك ولك تعال يبووووووووووو ولك حمودي تجذب عليه تعال ولك بس اشوفك ما اذيك ارجع ولك تعال وشوف شصار بروان مو راح تموتت ارجع ولك حمودييي ارجع يبوووووووو
ابوه: يمه يكسرت ضهريي يوليدي راح وتركني مو كلت ماكو اعوفك مو كلت ماراح انساك واعوفك نسيتي وعفتني ولك تعال يوليديييي انته
علي اخوه: يمممه راح حزام ضهري وعافنييي مو كال ماكو اعوفك يجذب عليه يممممه اخويه
عمر: اجو الولد جابوالتابوت مال محمد ودخلو البيت وفجئه صارت الصرخه رجت البيت كله من التفت واشوفه روان صرخت صرخه قوييه كسرت كلبيي
روان: من شفت التابوت احس شي كام يوجعنيي كلبييي ولافينه بل فرشه مال العرس صرخت بلا وعيي يبووووووووووووووووووووووووووووووووووووو
يحزام ضهريي كسرتنيي يول كسرتنيي يول
ارجع وشوف حال اهلك شصار بيهم ارجع ولك ارجع
امه: يممممممه تمنيتك عريس واخوتك يزفونك اجيتني انته وفرشتك بتابوت يمه ارجع وشوفني طولك الحلو تعال يمه يبوووووووووووووووووووو يوليدي
اجوالولد حته يشلون التابوت واجت نرجس وجلبت بل تابوت ما خلتهم يشلونه
نرجس: اوكفووو خلي اشمه يبعد اختك رحت وعفتنييي تعال مو كلت اخذج وين ما تريدين تعال اخذني اريد اروح وياك تعال اخذنيي محمدددددددددددددددددد وكامت تبجيي وتلط وصيح تعال ولك اخذنيي بعد متحمل فراكك يبعد اختك تعال وشوفنه تخربط وضعنه من بعدك تعال
عمر: اجيت سحبته من فوك التابوت وبل كوه سحبته كثر ما مجلبه بي حيل شلت وخرته وكامت تضرب بيه حيل بس تحملت
روان: من شفتهم وخرو نرجس عن التابوت ما تحملت همه اخذو التابوت والكلمات تردد براسييي__________
الا اله الى الله والشهيد حبيب الله لا الله الى الله والشهيد حبيب الله
كمت ركضت وراهم وسحبت التابوت منهم بس ما كدرت اجه عليه شخص شبكنيي ويكلي بقيه بحياتج
ضياع: طلعت بنيه ورا الولد بلا حجاب وتبجييي سبحان الخالق المبدع والعضيم على هيج بنيهه متحملت من شفته هيج كمت سحبته وحضنته وكامت تضرب بيه على صدريي وتكليي ارجوك عوفنييي خليي اشبع من اخويه ارجوك
عرفت انو هيه اخته اجه شخص سحبه مني وكاله روان امشي ادخليي جوه صا ****
من سمعت هيج لفض كتله عوفه مالك دخل بيه ___________________________________"_""""_________""""""""
وهنان خلص البارت مالنه واتمنه عجبتكم القصه تئثرت بيه حيل صارلي يومين اكتب بيه ما تحملت كمت ابجييي وياهم المهم عجبتكم القصه وراح انشر كل خميس على جمعه حته انشر بارت تفاعلو ويا القصه حبابيننن
كلش احبكم&&&&&&&&