"الاخ تذكر هو انت"
.
.
.
.
.
"واب" نطق الطفل الاسم بصعوبه مخلي صاحب الاسم يلتفت اله يبتسم "يا روح وئاب شبيك بابا" نطق الرجال متقدم من الطفل شايله مخليه يبتسم مبين لثته الي ما بيها اسنون
"اليد تتو و تبت و ثير" نطق كلماته مخلي وئاب يضحك على نطقه للكلمات "يمه ضي الصغير يريد ككو و جبس و عصير و ما أجيبله لا هاي مصيبه تعال حبيب عمك" عض خدوده المنتفخه
خلاه يضحك و يحاول يوخره"يمه وئاب عوفه لضي لا يتعور ويبلينه حداد"نطقت خديدات ام وئاب ضحك وئاب من وخر اسنونه شايفه يعبس بشفايفه
" يمه راح اروح اشتريله و ارجع من يرجع حداد كليله على السالفه بلكت يوافق "نطق متلقي همهمه امه الي جانت تطبخ طلع من البيت وهوه يحاجي ضي يقلد كلماته الما مفهومه
وصلو للمحل بعد ما اتعارك ويه ضي مخليه يبجي باوعلهم ابو المحل شاهك بتعجب" هذا ابن من وئاب "نطق الرجال وهو يشوف الطفل الي ضم راسه بركبه وئاب بخجل" هذا ابن حداد ما نطلعه هواي نخاف عليه "
"يا يمه شوف عيونه هذا هيج حلو من الصغر من يكبر شلون" سمع همسات النسوان الي دخلن يشترن اتجاهلهن وهوه متندم انو طلع واخذ وياه ضي اشترى الي يريده يطلع بسرعه من المحل
وهوه طالع قابلته زيناب الطكاكه القب الي طلعوه الها المنطقه لان تحسد اي شي تشوفه "يا يمه هذا الحلو ابن من شوف عيونه رسمه رسمه مو طفل" ابتسم الها بتجامل يكمل طريقه للبيت بسرعه "ضي ولك الحك انطكيت عين"
نطق وئاب من بده ضي يبجي بصوت عالي طب للبيت مقابلته امه اريام ركضته فوراً تاخذه من حضن وئاب"وئاب ليش طلعته وياك خاف شافه احد حداد محذرنه نطلعه لأن اخر مره طلع اتمرض وبعد ما صحى من عيون الناس "نطقت بخوف لوئاب الي تردد قبل ما يحجيلها
" مادري بس ابو المحل شهك من شافه نسوان تلاثه ضلن يحجن و زيناب الحاسوده "شهكت اريام بخوف" ولك ليش طلعته وانوب زيناب الحاسوده يا يمه راح وليدي، "
"اريام مو بس هيج اي واحد يشوفه يضل صافن على عيونه" باوعتله بخوف "ولك لو يدري حداد يموتنه اني وياك شكم مره حذرنه انو ما انطلعه خاف يصير بيه شي"
"ليش ضي طلع؟" ردف حداد بحده مخليهم يفزون باوعتله اريام بسرعه تترجاه يتصرف"احمم اا حداد ابنك جان ضايج فطلعته اشتريله "نطق وهوه يرتجف من حداد الي تقدم من اريام شايل ضي بيده
" اني اعلمهم روح ابوك انته لا تبجي اشش يلا حبيبي "ضل يهدئه طلع من المطبخ يطلع للصاله يهزه" بابا"نطق ضي بشهكاته "ها يعمر بابا شبيه ضيي يبجي انعل والدين الي يبجوك" نطق ضي بشهكاته"واب اخد تتوي "صرخ بجي من كمل كلماته المقطعه رجع حداد للمطبخ لوئاب
" وين ككو ضي "انطاه وئاب الككو لأخوه.. ضي من شاف الككو لمعت عيونه" تتو تتتوو"صرخ يتحرك من حضن ابوه بعصبيه يريد ياخذ ككوه فتحله حداد غلاف الككو وانطاهياه يمصمص بيه يحاول يكرط بلثته "وين مياس؟" سأل حداد مرته الي جاوبته بأنه نايم
أنت تقرأ
أّلَـمًـنِـتٌــهّــى
Romanceکْـمًـآ وٌصّـفُـتٌـنِـيَ بًـآلَـسِـدٍيَـر فُـآنِـآ آلَمًـنِـتٌـهّـى مًثًـليه عرآقيَه خِآلَيَهّ مًنِ آلَحًظُآتٌ آلَجّنِسِيَهّ آلَعٌمًيَقُهّ
