ما دٍمًتٌ آنِتٌ هّنِآ آنِآ هّنِآ"
....
"ضي ماما يلا تعال انزل" صاحت أريام لأبنها الي جان بغرفته فوك يحضر نفسه لحفله تعارف دفعته "يمه ضي لحد هسه كاعد يختار شيلبس صارله فوك النص ساعه يدور" نطق مياس لأمه الي تنهدت تصعد فوك
"ضي شكاعد تدور؟ " نطقت فاتحه باب الغرفه تشوف ضي كاعد معبس على الجربايه "ماما ما عندي شي البسه" نطق ضي يزيد من عبوسه "عمي كول يا الله كنتورك مليان ملابس و مو ابوك جاب الك اول بارحه" بأستغراب ردفت تشوفه يكوم يقترب من الكنتور المفردش
طلع طقم اخضر وقميص هم اخضر "ماما الله عليج هذا مال حفله جابلياه ما مااروح اليوم اطلع خياره خوبن اخذ وياي اخياره وارفعها" نطق راجع للجربايه كاعد يشوف امه تقترب من الكنتور
"امم شوف هذا حلو حيل" نطقت مطلعه طقم ثاني قميص احمر مخملي و بنطلون احمر لمعت عينه من شافه "ماما هذا منين حلو منو جابه؟" ردف كلامه يكوم من الجربايه ياخذه من عدها"مياس قبل اسبوع تقريباً طلع هوه و اصدقائه و شافه بمحل ابو صديقه جابه وكال خلي يلبسه لحفله التعارف "نطقت وهو بسرعه باسها من خدها و خلاها تطلع على مود يبدل
نزع ملابسه يلبس القميص اول و وراه البنطلون خله حافه القميص الطويله جوه البنطلون رتب شعره الاسود الطويل تقدم من الميز ياخذ محابسه وبالنهايه حط عطره و ضل صافن بالمراية يفكر بالحفله لحد ما شاف الساعه
" يااا الساعه 2 بعد ساعه ونص تبدي الحفله "شهك طالع من الغرفه نازل ليجوه" ماما سويتي الي اتفقنه عليه موو "اومئت أريام ببتسامه تتقدم منه" فديتك وليدي طالع تموت لو شايفك حداد هيج ما يخليك تطلع "نطقت تروح للمطبخ تجيب العلاليك مال الاكل
حس ضي بشخص يحتضنه من وره" يمه اخويه طالع يجنن هاي شلون راح اخليك هيج اتروح اخاف عليك ضل كاعد بالبيت "التفت ضي يسحب خدود مياس" انته احلى مني شوف جسمك مليان عضلات "عبس مياس يوخر ايد ضي من وجهه صايح لأمه
" يمه يلا على مود اروح بعد نص ساعه محاضرتي "تقدمت أريام منهم تنطي لـ مياس العلاليك" يمه ضي ديربالك على نفسك مياس ديربالك على نفسك هم و صحيح اليوم حداد راح يجي ياخذكم راح نطلع نتعشى بره "همهم مياس يبوس راس امه يودعها
طلعو من البيت يمشون للسياره صعد ضي بصف كرسي السايق " ضي حبيبي انتبه على نفسك هسه انته جبير و تدرس تحقيق جنائي لا تصادق ناس مو زينه "نطق مياس يشغل السياره يمشي بيها" امم مياس اريد اكلك شي"نطق ضي بتردد همهم مياس بأستفهام"تذكر من انته سألت ابويه عن اهله عصب وكال لا تجيبون طاريهم "نطق ضي يشوف مياس يوقف السياره يلتفت عليه
" اي وشتريد ابويه كال لا تفكرون بيهم "عبس ضي ناطق" شبيك مياس ليش تصيح عليه ما كلت شي وبعدين احس صار عندي فضول اتعرف عليهم "باوعله مياس بحده يصيح" لا تفكر ضي لا تخليني اكول لأبويه معليك بأهله "شغل السياره يكمل طريقه متجاهل ضي الي ضل يدردم فوك راسه لحد ما اعتذر
أنت تقرأ
أّلَـمًـنِـتٌــهّــى
Romanceکْـمًـآ وٌصّـفُـتٌـنِـيَ بًـآلَـسِـدٍيَـر فُـآنِـآ آلَمًـنِـتٌـهّـى مًثًـليه عرآقيَه خِآلَيَهّ مًنِ آلَحًظُآتٌ آلَجّنِسِيَهّ آلَعٌمًيَقُهّ
