سمعت كتير عن عذاب الحب
وشفت الكره فعيونهم
شفت الوجع وشوفت الذل
ورغم كل المر
أنا ب ح ب ك
مليش غيرك
ومفيش غيرك
بشكيله بنبض القلب
عذابي كان انت
وكل الفرح انت
ودقت الوجع في حبك انت
انت الاذي اللي بجد
يا عمري اللي فات ف وجع وهم
كان عندي حلم
كنت انت في كل يوم بكبر
تكبر صورتك الحلوة ويايا
كنت الكنز .. واكبر سر
كنت ومازلت
حب كبير مدفون ف كهف كئيب
حاولت ابعد
حاولت انسي واقسي واكون ابعد من نجوم الليل
حاولت اكون زيك
وقسي قلبي عليك
حاربت القلب وحاربت كل حرف انكتب ليك
وكل مرة تفوز بنبض قلب اسير مجنون
مشتاق بس لنظرة منك
مشتاق يسمع اسمه منك
عارف
انت بقيت في حياتي كالسكينه
نصلها يجرح فقلبي
وفتحها يحتوي خوفي
انين القلب ذاد فيا من يوم مابطل قلبي يكتبلك
من وقت مبطلت احكيلك واشكيلك
وارسم حروف همسك وضحكك وقاسمك كل شيء فيا
وكل شئ ليا
كأن الوجع بقي مشروط وليه شروط
انك تكون موجود
مجهول الشكل والهيئه
مجهول اسمك ورسمك وتفاصيل حسك
كل شئ فيك مجهول
ومع ذلك متمسك بيك
بيحب فيك السراب
ويحب فيك الخيال
وقصه الأميرة والفارس
وشجاع السينما
وبطل الابطال
رسملك كل تفصيله وعملك سيناريو وحوار
شاف خيبه الامل وجه يسلم
لاقي نفسه اسير سجان هربان
سجنت القلب في اسرك
وهربت بعيد عن الأنظار
قاوحت كتير وبقيت إبان للكل مش عاوزاك
وافهم قلبي أن خلاص مفيش اميرات ولا فرسان
وان الحلم انتهي في كل الأحوال
ويجي الحزين الخايب
يهد كل اللي ببنيه
علشان سياده السلطان
والملك والسجان
اخد المفتاح ورماه
ويفضل هو السلطان
صاحب الحب المجهول
والنصيب المجهول
والخوف من كل مجهول
وسكينه سفينه نوح
مهما كان الوجع
هيفضل ليك الولع
هفضل أسيرة الشوق
وان المح ضل واديك
واقعد ف شط عنيك
واغرق في غرام قلبك
حلم جميل
منتظر الحدوث
أنت تقرأ
لقاء الغرباء
Romanceلم يكن لقاء بين اثنين في أرض الواقع🤝 بل كان اللقاء في ارض الاحلام 🥰 لقاء بين حروف وكلمات 🖊️ لتصنع لقاء بين غريبين👥 تقابلت روحهم قبل أن أن تتقابل عيناهم👀🎇
