صرخت بزعل:لالاا تكفين
طلعت لجين تاركتهم ونزلت بخطوات واثقه شامخّـه ..التفتو من سمعُو صوت كعبها وبصُوت جهوري:السلام عليكُم
ابتسم أبوها من اقبلت عليه :ياهلا بشيخة الشيخات واحلاهم وازينهم
ابتسمت تقترب منه وتبُوس راسه:والله انت الشيخ يابعد هالروح
بندر بابتسامه:والله محد اخذ الدلع من ابوي كثرك
جلسّت بجنبه تستند عليه:اي هو حبيبي وسندي وعيوني الثنتين بلاش غيره
حسين بضحكه:ولله انتي محد يقدر عليك
سطام ببرود:امي وينها
التفتت لجين لناحيته:مدري قالت لي انزل وماعد لقيتها
الجّد مطلق:اجل يابوي قومي صبي لنا قهوه
وقفت لجين واخذت الدله تصب لهم ..
سطام بانزعاج:ايه يا انسه لجين متى ناويه تتزوجين قلتي اتخرج وتخرجتي وقلتي اتوظف وتوظفتي وش عادك تنتظرين ؟
رفعت حجاجها بانزعاج:ما انتظر شي بس النصيب ماجا
سطام:والله انتي اللي مابقيتي احد ماطلعتي فيه عذروب
الجد مطلق بحده:سطام مو وقتك الحين
سطام بغضب:ونا صادق يبه هذاك اليوم رافضه ولد الشيخ فلاح عشان بس انه مو ساكن فالرياض وش هالعذر القبيح
لجين بحده:والله عاد بكيفي ارفض اللي ابي بسبب ولا بدون بسبب مالك دخل فيني فاهم
وقف بعصبيه:لاتخليني اوريك شغلك
حسين بعصبيه:انت انهبلت وش تسوي
التفتت لابُوه اللي بانت على ملامحه الغضب:يبه معليه هالمره عديها
رفع اصبعه بعصبيه وتهديّد وبصُوت زلزل المكان :اقسم بالله ياسطام لو اشوفّك رافع صوتك على اختك اني لا اتوطى ببطنك لعنبوك عيالك خط الشنب وجيههم وانت للحينك تتردى بالكلام ..اختك بببيت ابوها معززه مكرمه مانيب راميها لاحدن ماتبيه فاهم؟والحين قم طس من قدامي
سطام بعصبيه:يبه تطردني بسببها ؟
بندر بحده:اكسر الشر ياسطام واطلع لين يهدى ابوي
مساعد يمسّك يده:تعال نطلع
نفض يده منه بعصبيه والتفت لابوه:لاصارت علّه على قلبك لا تزعل
طلع من عندهم والبراكين تتفجر بداخله..نزلو البنات من سمُعو صوت صراخهم ..ملاذ بحزن:والله الحمدلله ان عمي ماعنده بنات الا والله كان يعقدها تعقيد
كيان:وربي انه مايتعاشر ربي رحم عمتي منّه
ملاك بهمس:اسكتتو نسمع
مسّك كفها بحنيه:وانتي يا يبه ليه ترفضين من غير حتى سبب مقنع
نزلت راسها بزعل:يبه والله اني استخير وما ارتاح وكل واحد فيه علّه واخر واحد ترا طلع متزوج بالسر وبالصدفه عرفت..اذا تبي تتخلص مني وما اكون عله على قلبك ابشر بوافق على اللي تبيه
الجد مطلق:افا وش هالحكي يابُوي انتي فرحتي بهالدنيا ليه تقولين علّه بالعكس والله ان ودي تجلسين يمّي وماتبعدين ونابوك لاتعرسين مايجي من الزواج الا وجع الراس
دخلّت زوجته عزيزه وبصُوت زعلان:افا يابو حسين صرت هالحين وجع راس
اعتدل بجلسته وبابتسامه:افا يا أم حسين لو الهَوى المحبوس في جوف صدريّ يظهر على العالم غشَى العالم هياام
ابتسمت بحرج من غزلّه العلني قبال عياله ..استندت عليه لجين بضحكه:اوهووووه والله يابختك يايمه بهالغزل
مّدت له الفنجال والحمّره تعتلي محياها:سم
اخذه منه وبضحكه:سم الله عدّوك يامزون هالقلب
دخلت ملاك بابتسامه:السلام عليكم ..والله ياجدي ان ماتزوجت واحد يتغزل فيني مثلك لا اعنس
حسين بنبرة حاده مصطنعه:بنت اعقللي
اقتربت من جدها تسلم عليه وجلست بجنبه:جدو حبيب قلبي والله وحشتني
رفع يدها وضرب راسها بخفّه:الحين وينك الاسبوع اللي راح ماشفتك وقالو نايمه
حكت راسها بألم:تخيل كان عندي اختبار وكنت مواصله واختبرت ونمت ووالله ماقدرت اصحى الا انا افّوت للقياك ؟
ابتسم على تبريرها:هالبنت شيطانه الا ماتقدر انها تخليني اعصب منها
دخلُو البنات وبانت ابتسامته والانشراح بان بملامحّه ..وتعبّى المكان ببناته وحفيداته وعياله ..كان يشُوفهم وضحكاتهم تتعالى ..التفت لزوجته عزيزه:هاللمّه عندي بالدنيا ومافيِها
ابتسمت من حسّت بيده تحتضن يدها:اي والله انها احلى لمّه الله يخلينا لبعض ..الا مانشدتك وينه سطام
صد بنظره عنها لاجل ماتعرف عن غضبه:طلع عنده شغل بس قال بيرجع
عزيزه بخوف:طول عمرك ماكنت تعرف تكذب علي يامطلق ..قولي وش نوحه
تنهد بضيق:بعدين الحين انتي انبسطي مع بناتك وحفيداتك ونا بطلع قبل يجون الرجاجيل ..
مّدت له عقاله :طيب امسك لاتنساه
مطلق بابتسامه:تعودت انك تلبيسني إياه يانُور العين
التفتت حولها:قبالهم ؟
لاكنها من شافت تكشيرته وقفّت تلبسّه العقال وهو بنفسّه ينسف الغتره ..باس راسها :يالله انا طالع وانتو ياعيال يلا قدامي
طلعُو وكانت حنيِة جدهم على جدتهم حديث المكاان ..
اقتربت ملاك تحتضن جدتها:ياجده قولي لي سرك مع جدي وش هالحب اللي رغم السنين ما تغيّر تكفين ودي اطبقه مع زوجي المستقبلي
سعاد بحده:بنت استحي
لجين بابتسامه:والله ودي ونا اعرف وش السر لان ابوي يليّن غضبه لاشاف امي
ابتسمت جدتهم :الحياة الزوجيه تفاهّم وموده واحترام ..يعني لما تشوفين رجلتس معصب ابعدي عنه لا تنشدين عن شي وهو حامّي عطيه وقته وهو بنفسه يجي يحكيلك عن مابجّوفه ..والمّوده تجي مع العشره ..اما الاحترام هذا اهم شي فالحياة لان لو ما كان بين الزوجين احترام انتهت حياتهم بأول مشكله
نجود بجديه:اي والله ترا امي صادقه اهم مافي الزواج الاحترام
ملاك يضحكه:احسكم تقصدوني مدري ليه
كيان تضحك:افااا مو لهدرجه واضح ترا
الجده عزيزه:اقول عن الهرج الفاضي ماقصدتس يمه
باسّت خدها بحنيه:يووه شكثر احبك ويلوموني بعزيزة القلب
اقتربت ديم تحتضن جدتها:تراني اغاارر لو سمحتي
YOU ARE READING
ياشروق الشمّـس من عقب المطر
Romanceشروق اللي بيُوم وليِلة تنقلب حياتها بسبب مُوت أُمها اللي كان بسبب ابُوها وبسببّه تتزوج بالغصيِبه لاجل يحميِها من ابُوها لاكنهَا ماتدري بإن له يد باللي صار لأُمها ومن تعرف .....!!!
