|روابط القدر 808|

Bart 5

ريماس

جاوبت على الاتصال

ريماس: الو

السهم: احمم، هلا

- منو معاي

-السهم

-خير اخوي رايد شي

-لا

-لعد ليش متصل

-بل غلط

-تمام مع السلامه

سديته واني مو فاهمه شي اصلا
ضليت اقره لان باجر امتحان رياضيات
الله يستر

___________

نسيم

كعدت بس كانو جسد بلا روح طلعت من البيت متوجه
على بيت اهل وطن كربت من البيت واسمع صياح مري
فتت من هوست الزلم رحت ادور رغد
شفتها من بعيد تبجي رحت عليها

نسيم: رغد

رفعت راسه شافتني واجت تركض، حضنتني وتبجي
واني ابجي وياها

رغد: راح وطن ينسيم راح

نسيم: اكيد انتو غلطانين وطن ما يعوفني

اني كلت هيج لو هيه كامت تصرخ وتبجي
اني محتاجه احد يهديني وبديت اني اهدي بل ناس
من اجيبه من ابوي لو على اخوي لو على وطن

احس ما اكدر اعبر عن حزني ولا عن كسرة كلبي
رجعت البيت

رحت على المطبخ اخذت سجين ردت انيمها بكلبي
لكن تراجعت رحت شغلت قران وكعدت ابجي بلكي ربي يغفرلي

اندك الباب كمت طفيت القران وغسلت فتحت
هذول عمامي

نسيم: هلا عمي اتفضل

جلال: ما اريد افوت، جاي اكلج اطلعي من البيت هذا بيت ابنه

نسيم: شلون يعني اطلع من البيت

جلال: يعني تلمين هدومج وتولين تلحكين امج

نسيم: هذا البيت اني الاستحقه هذا بيت ابوي

جلال: انجبي هذا بيت ابه ويلا لمي غراضج ولي

صعدت لميت هدوم ونزلت

نسيم: من اليوم انت مو عمي ولا اعرفك ناتنا المحاكم
البيت اني مو بعازه اله عندي خوال نشمه
بس انتو ما تستاهلون

كلت هيج ورحت على بيت اهل وطن
فتت هم اكو ناس تبجي اني اجاني تبلد ما اكدر ابجي
احس الحقد اتجاه ابوي وعمامي

رميت اغراضي ورحت جبت سيارة ابوي
ابوي علمني السياقه جان يكول يجوز اني مو بل بيت ويصير عدكم مريض لا سامح الله

رحت المخفر نزلت اعرف الضابط حسن صديق خالي
كلتلهم وين مكتبه دلوني عليه دكيت الباب
كال اتفضل

نسيم: السلام عليكم سيدي

حسن: وعليكم السلام، خير بنتي

-استاذ ممكن اريد الي حقق معاي البارحه

-ليش؟

-محتاجته بموضوع مهم وخاص

-تمام، احمد

احمد: نعم سيدي

حسن: دلي البنت وين مكتب سيد رعد

احمد: حاضر سيدي، تعالي معاي مدام

وداني على مكتبه وهو فات قبلي

احمد: سيدي اكو ضيفه

رعد: خليها تتفضل

فتت وهذا الي اسمه احمد راح
هوا باوعلي وكال

رعد: تفضلي انسه

نسيم: سيدي عندي كم سوال

رعد: تفضلي

نسيم: منو الكتل عمر

رعد: ابوج

باوعتله شويه وكلت

نسيم: ابوي شنو حكمه

رعد: اعدام

نسيم: البيت يحق الي لو العمامي

رعد: الج

-عمامي طردوني منه

-ما الهم حق، تعالي معاي

كام اخذ كم واحد واني امشي وراه صعدو السياره واني ضليت واكفه

رعد: اصعدي

نسيم: راح اروح بسيارة ابوي

رعد: اصعدي

كالها بنتر خفت وصعدت ولنه منطقتنه وبديت ادليه نزلنا عند بيت عمي جلال دكو الباب
بس فتحته مرت عمي

_________
راز

سويت شي اكله هوا اجه كعد كدامي

اعصار: بليل لازم نروح عل وسط على صلاح الدين

راز: واني وياكم؟

-اي

-ليش، اضن ما الي دخل بهذي العمليه

-توقيعج مهم

-على اي ملف

-اغت*صاب البنات

-يعني جاب مجموعه جبيره

-اي، تقربيا 300 وحده

-ما يتوب كبل كم سنه بل كوه طلع نفسه

-ذيل الجلب ما ينعدل

ضلينا نتناقش بخصوص العمليه لان هذي المره يا بل هدف يا بل نجف

________»

تعبت من الكتابه

امل محمد

يتبع...