أجـراس الــوداع

الــحلقة الــخامسة ♣️

__________أجـراس الــوداع
﷽

زهــراء أحمــد
بــقلمي :: أجـراس الــوداع

بنــات نجمة حلوة مثلجن
وتعليق يفرحني 💞🥹

..

حــسابي أنستكرام __.liqli

قنــاتي تلكرام hamliz

╼╼╼╼╼╼╼╼╼╼╼╼╼╼╼╼╼

گالو لو دعو غربه الدعاء مقبول !!
سلف كامل دعأ ومارحت من البال .

زينب . . .

سولفنا وضحكنا هواي ومن سولفت رحاب على زواجها ذكرت ان نفس هذا الوقت والسنه اللي فاتت تزوجت حيدر ويا ريت ما تزوجته لان ما شفت غير المرار والتعب وخسار كل شيء والاخير بس الحمد لله على كل حال .
بعدها وحده سلمت على الثانيه وطلعنا من الجامعه رجعنا للبيت وصلت للبيت سبحت وبدلت ملابسي وصليت الظهر ورحت نمت ما حسيت الا على صوت امي من كعدتني للفطور فكمت صليت المغرب وفطرت وكعدنا ضحك وسوالف انا والبنات وماما السحور بعدين تسحرنا ومن صاح الاذان صلينا ونمنا بقيت على هذا الحال ثلاث ايام بعدها اجى العيد وانخبصنا اجن عماتي وخالاتي وبيت جدي ابو امي (" جدو جدو وبيبي متوفين الله يرحمهم") وجن كوثر وهدى والتمت رحمه الله واق و ورق ما تعرف منين الصاروخ الطائر ( النعال ) يلطش براسك بعد العيد بعشر ايام نشر رئيس القسم منشور على الفيس يبلغ الطلاب ان موعد استلام النتائج باكر فراسلت البنات عن محادثه الجماعيه بالماسنجر  .

زينب :: شوفن بنات( صورتلهن المنشور ودزيتة ) .

ريهام :يبوووو كامت بطني تمغصني .

زهراء :: ربي لا تجعلنا من الراسبين ربي لا تجعلنا من المكملين .

ريهام :: الــهم أمــين .

زهراء :: اللهم لا تجعلنا من الناجحين .

ريهام :: احتارينا وياك بس لا تريدين تلعبيهن جزاءات .

زينب :: ههههههههههه .
يلا بنات راح انام تعبانه حيل من الخطار لسه يجونا يسلمون سلام العيد والعيد صار سبع ايام من رجع لاهله  .

زهراء :: ناس فايخة ما وراها شغل وعمل .

زينب :: اي والله يلا تصبحون على خير بنات  .

ريهام وزهراء :: وانت من اهلة .

زينب :: سديت موبايلي ورحت حتى   .
انام بس بقيت هواي اتكلب بالجرباية   .
بعدين غفيت كعدت على صوت المنبه   .
ب 7:30 الصبح كمت غسلت وبدلت  .
وانتظر الزهراء وريهام علما اجن ورحنا   .
ويا سايق للجامعه وصلنا للجامعه ورحنا   .
للكليه لكينا كل الطلاب قسم من جميع  .
المراحل جاي يستلمون نتائجهم فكعدنا .
نسولف على ما يجي دور قاعتنة باستلام النتائج   .
شويه اجى دورنا ورحنا للقاعه واستلمنا النتائج وجنا بس ثلاثه ناجحين او بالاخره ناجحات انا وزهراء وريهام والبقيه اكمال اقل شيء ماده واحده وغليبيتها بالارشاد واللي جان استاذ الماده حيل متشدد باركوا لنا لطلاب بنجاح واحنا اخذنا بخاطرهم لان ما نجحوا كلنا لهم راح تعوضون بالدور الثاني واحنا راح نساعدكم باي شيء تحتاجونه   .

زهراء :: وااااخيراً نجحت واللة ما مصدكة  .

ريهام :: ولا أني مصدكة لأن جنت مأيسة  .
من نفسي أنجح بالإرشاد  .

زينب :: أي واللة صدك حيل صعبها علينا الإستاذ  .
ودوخنا بيها   .

ريهام :: أهم شي نجحنا الحمداللّٰة   .

زينب وزهراء :: الــف الــحمداللّٰة  . 

زينب :: بعد ما أخذنا النتائج وجان تقديري جيد جداً  رجعنا وي السايق كلمن وصلها البيتها تلكتني أمي من الباب أول ما دخلت ...

أم زينب :: ها يمة بشري ؟

زينب :: نجحت ماما  .

أم زينب :: ألف مبروك ي يمة أن شاءاللة يوم تاخذين شهادة التخرج   .

زينب :: بعد عمري ماما  حظنتني ماما وبوستني وباركتلي على النجاح  .
باليل جنت كاعدة بغرفتي أكلب بتلفون صاحتلي رواء  .

رواء :: زينب .

زينب :: ها رواء  .

رواء :: تعالي بابا يريدج بالصالة    .

زينب :: أي أجيت  .
نزلت للصالة لكيت الضوة مطفة ف نزلت على كيفي شوي شوي أمشي لمن وصلت لأخر درج أنفتح الضوة  .

الـكُل :: مفاجأة ههههههه    .

زينب :: ضليت مصدومة بوقتها   .
ههههههههههه هاي شنو شصاير هنا    .

أبو زينب :: الف مبروك نجاحج بابا    .

زينب :: اللة يبارك بيك بابا  .
ࢪحت على بابا حظنتة وبوستة    .

الـكُل :: مـبࢪوك نجاحج زنـوبة   .

زينب :: اللة يبارك بيكم   .

رواء :: شنو ࢪئيج بالمفاجأة   ؟

زينب :: تخبل فدوة اروحلكم     .

رواء :: صاحب هاي الفكرة حضرة أخوج الوحيد محمد هو اللي أنطانة الفكرة وراح جاب الكيك والعصير والحلويات والكرزات والمساهمة من الجميع ونسأل اللة أن يعوضهم ما خسروة من أجلك    .

الـكل :: هههههههههههههههه        .

زينب ::  بـعد عُــمࢪي أخوي    .
ࢪحت على محمد حظنتة وبوستة شكراً واللة فرحتي بيكم كلش جبيرة اللة لا يحرمني منكم من عمري على عمركم    .

أم زينب :: أسم اللة على عمرج يمة يلا تعالي كصي الكيكة     .

زينب :: صار ماما    .
رحت كصيت الكيكة وماما وزعتها بالمواعين وكل واحد أخذ حصتة من العصير والحلويات والكرزات بعدها كلمن أنطاني الهدية اللي جايبيها ألي وجان بابا جايبلي موبايل جديد ( أيفون 7  ) وماما جايبتلي فستان يخبل قصير لونة تركوازي ومحمد جايبلي لعابة حبيرة ( لأن يعرف بية أموت على اللعابات وعندي كومة  )  ورواء جايبتلي جنطة وحذاء وشال وجانن كوثر وهدى موجودات وجابتلي كوثر تخم تراجي ومحبس وكلادة وسوار وهدى جايبتلي مكياج واخواتي البقية فضة جابتلي تونك أسود وفدك جابتلي بنطرون ازرق وقميص أسود وجنات جايبتلي دفاتر تلوين والوأن خشبي أموووت عليهن أمينة بس تباوع بوجهي ههههههههه  سهرنا ذيج الليلة ضحك وسوالف ما حسينا على نفسنا غير الساعة بـ 2 إلا ثلث فـ كال بابا    ...

يتبع .......

نهاية هذا البارت اعرف مقصرة وياكم بس مارة بضرف ونبي اعذروني بنات ولا زعلون علية فدوة اروحلجن أحبجن هواي لا تنسن تعليقات ونجمة فرحوني + نزلت المقتطف من رواية بــيـن ضـلـوع الـكـرار شنو رئيكم بيها 😂😔♥️