الـڪاتبـة:- شَّـمّـس مّـحَـمّـد
(ما اگلك اتأذيت ، بس الخُذلان
للأسَف اول مرة يمَك عشته
وتغيرت الشخصية
واطباع حلوات شكثر
من رحت ماتن بيه
حتى ويَ اهلي تغيرت
ماگعد وياهُم صرت
ومن اگعد احچي شوية
والناس عافوني لأن
ياهو اليعاشرله بشر
ما يلگه بيه حنية)
ياسر : ههههههه مابقى شي اسَحب الشركة واصَير بأسَمي واطردهم..
استغربت وماهتميت ورحت سويت عصير وطلعت للحديقة اذن مغرب صليت وتعشينه وخلصنه ورحت نمت
«ظُــلام»
ظُــلام : كعدت ع صوت رنة الجهاز فتحت تك عين مكتوب .. الوالد ..
_ الوو هاا يابه
_ ظُــلام بدل وتعال للشركة
_ ليش صاير شي
_ جاين ناس من اربيل ورح نتشارك سوه
_ منو ذوله وشكو نتشارك؟
_ كتلك بدل وتعال هسه احچيلك وكعد مرتجى بطريقك حركت جهازه ومجاوبني
كمت افرك بعيوني ورحت الغرفة مرتجى ضربت الباب دفره وطبيت وخرت الحاف عنه ولزمته من ياخته
_ كوم كوم
_ اسم الله الرحمن شبيك حلمان
_ ياحلمان ابوي خابرني كال جيب اخوك وتعالو للشركة جايين ناس من اربيل
عفته ردت اطلع شفته وراي ويفرك بوجه صديت عليّ
_ وين؟
فاتح تك عين
_ للشركة غير؟
_ دمشي اسبح وبدل واطلع تروح بهذا شكلك
رحت للغرفة طلعت ملابس رسمية طبيت سبحت وطلعت بدلت ومشطت شعري شفت مرتجى مكمل طلعنه كلمن بسيارتة
وصلنة الشركة ونزلنة طبينة سوة ورحنة المكتب الي نچتمع بي لكيت وهيب وابوي هناك ينتظرون الناس الي جاين من اربيل
_ يابة شكو منو يريد يشارك؟
_ ناس تواصلت ويانه
_ شنو ناس تواصلت ويانه زين التقيتو؟
_ ايي التقيت ويـ ابنهم اسمة ياسر
_ مادري كلبي مامطمني وهيب احچي شي
وهيب : شحچي من يجون نتفاهم
بقينه كاعدين فوك الساعة شوي وصلو استقبلوهم واني من وره خشمي مارتاحيتلهم وكاعد ع اعصابي بقو يحچون ويتفقون بصمو وقعو وراحو
_ يابه انا مموافق ع مشاركة
_ شنو مموافق بعد تشاركنة شنو لعبة ودفعو فلوس
_ ايييييي نرجعلهممم الفلوس واخليلهم زيادة
_ ولكككك شو تصيحح
أنت تقرأ
روح الظُــلام
Mystery / Thrillerالقصه حقيقيه تحملها الصَدفةة تلتقي ارواحنا تلتقي العيون لقاء مظلم مضلل محمل جميل خبيث لا احد يعرف مصير .. شارع الصدفةة
