هلا طبعن اكو اهواي يكولون انو سوجو هم أسير و اسيد و اكو قسم ثاني يكولون خلي يرجعون للابطال الي همة بدر و حيدر فا اني الي راح أقرر الي راح يصير و اتمنة النهاية تعجبكم
نجمة / اسمع شحجون و اني مستغربة و اني ما مفكرة اب اسيد فا سكتت و كمت اغفي
ورا تقريبن ساعتين فزيت علة دك هورن
أسيد / ها كعتي
نجمة / اممم كعدت
أسير / خاب شنو لو يصير انفجار و قدس ما تكعد
نجمة / باوعت لقدس و هزيتهة
قدس / راح ادفرج وخري مني
نجمة / دوخري انتي الي نايمة ابحضني
قدس / خرب اشلون سالفهة نجمة ام اعطوب شعرج جايف راح افرج و اوديج لوادي السلام لهناك احفري كبرج هوة شنو نايمة بحضنج جاي ترضعيني روحي لغرفتج نامي يلة
نجمة / ولج اسكتي فضحتينة اباوع علة أسير يضحك و اسيد ضام ضحكتة و اني مستحية و قدس الي ضلت صافنة تباوع بوجوهنة
قدس / ها وصلنة
أسير / ارجعي نامي احسن الج
قدس / محد حاجي وياك
أسيد / لا يابة بعد ورا هذة الازدحام بساعة يلة نوصل
أسير / تردون اكل راح انزل الجيب لو ننزل كلنة بل مطعم
نجمة / اني اكول نأكل بل سيارة
قدس / اني ما اريد
نجمة/ ليش
قدس / تلعب نفسي اذا اكل و ارجع بل سيارة
نجمة / خوش لعد من نوصل اشتريلج لفة صاج
قدس / هووو شهيتيني انوب اني اشكد احبهة
نجمة / تذكرين من مامة جانت تسوي النة و اني و ياج نتعارك علة الطويلة
قدس / ههههه لعد تذكرين من مرة اخذتي الخاشوكة و اني جنت رايدتهة و انتي ترديهة و ضلينة نتعارك اجة بابة يهدي بينة و يريد يفتهم السالفة شنو هية و من انتي كلتيلة اريد الخاشوكة و قدس اخذتهة ضل صافن بوجهي و بوجهج بعدين طكهة بضحكة و اجت مامة تضحك علينة خرب والله مشتاقة لضحكتة هوة و مامة
نجمة / لا و اني وياج بعدنة مصرين علة الخاشوكه اخذهة بابه و اكل بيعة ابدالنة
قدس / بس ترا الخاشوكة مالتي والله
نجمة / دنجبي هية غير مالتي و انتي البوابة اخذتيهة
أسير / يابة هية خاشوكة هم راح ترجعن تتعاركن
نجمة / دنكت راسي و قدس تقرب و همست
قدس / بس ترا مالتي الخاشوكة
نجمة / هههههه وخري مني
أسير / اي احجولي عن حياتكم
نجمة / ترا انتو اخذتو كلشي بل تحقيق فا ما يحتاج نحجي بعد
أنت تقرأ
دخيلة الشيخ بدر ولاكن*مكتملة*
Humorتدور القصة عن فتاة يتيمة و تجد نفسها عند عمهة الذي كان يعاملهم معاملة الخدم و يجبرها علة الزواج من أولاده ولاكن تهرب وتجد نفسه عند شيخ عشيرة و تطلب الامان ولاكن هل سوف ترتاح في حياته هية و اختهة الصغيرة ام لا سوف تتعب بمرور الأيام الكاتبة اسراء
