راح تخلص العطلة واني ...
_ ما ضعفت
_ ما حفظت قرآن
_ ما اهتميت ببشرتي
_ ما تعلمت انگليزي
_ ماقريت عربي
_ ما سويت الاشياء الي اريدها
_ ما التزمت بصلاتي
وانتوا؟
خل نجي نفكر هسة اني ادري بنفسي راح اگول هذا الكلام وما اطبق منَّ شي بس يَعني صُدگ راح تخلص العطلة شنو استفادينا منها؟ شسوينا شي مُفيد بيها ؟ شنو طورنا بذاتنا؟ ولا شي ليش لان بكل اختصار
الي دا نسوي هوَ نگعد متاخر ناكل نبقى گاعدين على التيلفون نرجع ننام نگعد على التلفون وبَس ببساطة هاي حياتنا
تمام هسة انتِ مو جنتِ تريدين تسوين شي بالعطلة؟ يمكن تريدين تضعفين تحسنين شي بيج او تلتزمين بشي سويتي شي؟ لا ما تريدين تستقبلين العام الجديد وانتِ كلج نشاط وتفوتين المدرسة ينبهرون بجمال هاي البنية الي طورت من نفسها ( تمام هوَ ما يهمنا كلام الناس ) بس يعني انتِ لنفسج ما تحبين جسمج يكون حلو بشترج تكون صحية تكونين ملتزمة بصلاتج وقرآنج ؟ كُلنا نتمنا هالشي بس ما دا نسوي ليش
لان كل يوم نگول باجر ابلش باجر ابدي ونأجل وبالاخير راح تجي المدرسة وتروح العطلة واحنا كُلشي ما استفادينا منها زين واهدافنا؟ راح تتأجل للعطلة الجاية.
بنوتات اني ادري كلنا عدنا اهداف ونريد نحققها بالعطلة بس كلنا عدنا خمول ومالنا خُلگ شي بس (واني هيج) لا لازم نركز ونصحصح ونبلش وان شاء الله تخلص العطلة وانتوا راضيين تماماً على نفسكم وانو گدرتوا تحققون الاشياء الي ردتوها .
وبس احبككم هواي استودعتكم الله .🫂✨😔
