أنا اليتيم الذي أركانه انهدمت فهل تُعيد بالإيمان ترميمي

Part 1

.

إنهُ شخص اشبه بالظلام يبدو وكأنه سراب او كحيوان مُفترس يلقي غضبه على جسدي ومن ثم يعتذر وكأنه لم ينقض علي قبل قليل
حسناً انا اشكوا من اب!!!!!
غريب صحيح؟
نعم نعم انه والدي الذي بالاحق ان يكون السند لي الذي كان من المفترض أن يعوضني عن حنان أمي كان من المفترض أن يكون صديقي وليس أبي
اود القول ان بقائي بهذا الهدوء لم يكن سهلا.
بدايتي💛
٨_٣_١٤٤١ هجري
للكاتبه التألقه : ديم
•
•
العاصمه الرياض ..
في احد الاحياء القديمه
قاعده على سريرها وتدرس دخلت اختها:افف الوضع ماينطاق ابد
مريم:تعودت وش نسوي طيب؟
منار:انا اقول نكلم اللي مايتسمى ابو نشتغل نصرف على انفسنا مو عارفين اذا فلوسه حلال والا حرام انا مابي اعيش طول حياتي على فلوس حرام
مريم: لا انسي ذي السالفه ابوكي مو راضي
منار:والله ان يوافق والا يصرف زي الناس علينا ماصارت عايشين ف ذا الحي الخرابه وبخله علينا كيف ناكل ولا ناخذ اللي بخاطرنا؟
مريم: صادقه وكلامك صح بس تعرفين ابوي لا تعاندينه ولا تستفزينه لا يضربك
منار:لا بالله عادي يضرب من اليوم الى بكره تعودت المهم اطلع واعيش حياتي لا يكون بيحرمني من حياتي بعد
انفتح باب البيت الرئيسي
مريم بخوف:اسكتي تكفين لا تخلينه يجي يحط حرته فيك
منار:نشوف
طلعت له:سلام وين كنت يبه؟
ابوها:من انتي عشان تسأليني ذا السؤال؟
منار:انا منار يعني من المهم ابي اكلمك بسالفه
ابوها يمشي بطريقة متمايله وكلامه غير مفهوم: لاا بعدين كلميني
منار:انا اقول بكلمك روح غسل القرف ذا وتعال اكلمك
قرب لها وصفقها كف بدون اي تردد وبكل بجاحه: اسلوبك هذا راح اعدله لك وحطي كلامي بأذنك ياتربية الشوارع
منال ضحكت:الاعتراف بالحق فضيله ماشاءالله تربيتك عال العال
صار يضربها بقسوه وبدون اي شفقه :كلامك هذا لاينعاد تفهمين
منار تعانده: لا بعيده وبعيده يالظالم
حط غضبه فيها رغم عدم رؤيته الصحيحه من الشراب اللي ياخذه تنفس بغضب وبتعب
منار مازالت متماسكه بصوت خافت :الله ياخذك والا يهديك
مريم ضامه مخدتها وتبكي
•

بيت الجد (اليوم الجمعه ويجتمعون مع بعض)
ريهام:يوه بيجي سالم الغثيث؟
نوره:عيب عليك اكبر منك
ريهام:يعني ما قول الا الله يعين مريوم ومنار عليه
نوره:المهم قومي نسوي حلا نونس البنات
ريهام:يلا اكيد بيجون محزنين زي كل مره
نوره:يلا قومي نغير من جوهم اليوم ونطلب سالم يخليهم عندنا
ريهام:يارب يوافق
قاموا وهم يخططون على جلستهم اليوم يبون يغيرون جو

بعد ساعتين
جلست ريهام بصوت خفيف تكلم نوره:شرايك نطلع مع السواق للمول
نوره:تقصدين مع بنات سالم؟
ريهام بحماس:ايوه
نوره: لا مستحيل انتِ تعرفينه ما يحتاج اقول لك
ريهام حطت في بالها الفكره وناويه عليها مع منار راحت لمنار وسولفت معها وقالت الفكره
منار ابتسمت:انا خير شر ابي ارفع ضغطه يلا قومي
ريهام: والله انك كفو
منار:نكلم مريم والا لا؟
ريهام:لا اختك خوافه خليها تجلس مع نوير
منار:اجل يلا قومي
طبعاً الخوف ماكل منار اكل بس عنادها بيوديها في ستين داهيه
ريهام متعوده على الطلعات لوحدها ف الوضع ايزي
مريم:وين بتروحون؟
ريهام:الحديقه
مريم:بروح معكم
ريهام:لا اقول اجلسي اجلسي شوي ونجي
مريم مسكتها غصه تبي تبكي
منار:ياليل النشبه ذي من يسكتها الحين
ريهام:مو من جدك تبكين عشان تفاهه
منار:يعني ماتعرفينها
مريم:سمعتكم لا تروحون مانبي مشاكل تكفون
ريهام:لا بنطلع المول قريب ماراح نتأخر
منار:تبين تجين
مريم: لا ياحبيبي مو بايعه نفسي
منار وريهام طلعوا للسواق ومن حسن حظ منار السياره متعطله
منار في قلبها حمدت ربها وطلع كل كلامها هياط ماله لزوم
ريهام:اممم اجل تعالي نتمشى
منار:لا خلينا ندخل البيت
ريهام:على راحتك
منار (لو رحت كان انضربت اكثر من امس وجسمي مابيتحمل والله) ..