THEV | YOONMIN

Chapter 35

මං නිෂ් ව කිස් කරා..
.

.

.

ඔව් මම නිෂ් ව කිස් කරා.. තදින්ම. ඒ දීර්ඝ සිප ගැනීම පුදුම තරම් deep එකක් උනා. ඇද හැලුනු මහ වැස්සේ සීතල, ඒ උණුසුම් හාදුවට පැරදුනේ තරගයක් නැතිවමයි. නිෂ් ගෙන් ආපිට ප්‍රතිචාරයක් නැති උනත් මම නිෂ් ව අතෑරියේ නෑ. ඒ වෙනුවට මගේ සියුම් අත් වලට ඒ දරදඩු ශරීරය තව තවත් තද උනා. මේ ගෙවෙන්නේ, තප්පරද ? විනාඩි ද? මම දන්නේ නෑ. මම ඇත්තටම දන්නේ නෑ. ඒ තරමටම මටම මාව අමතක වෙලා ගිහින් තිබුනා.

කිසිම අණකින් තොරව, අඩු ගානේ කිසිම ප්‍රතිචාරයකින් තොරව ඒ රළු තොල් මම සිප ගත්ත පළවෙනිම අවස්ථාව මේක. මම මගේ ආදරය, තරහා, දුක, වේදනාව, තනිකම, පාළුව, බය මේ හැමදේම ඒ සිපගැනීමට එකතු කරා. ඉතිං ඒක කිසිම මොහොතක ආදරනීයම හාදුවක් උනේ නෑ. ඒක දීර්ඝතම, ගැඹුරුම වගේම හිතා ගන්න බැරි තරමටම aggressive එකක් උනා. මේ වෙනකනුත් පොඩිම reaction එකක් වත් , අඩුම තරමේ නිෂ් ගේ අතක් වත් මගේ ඇගේ ස්පර්ශ උනේ වත් නෑ. ඒත්.. ඒත් ඒ හැමදේම අතරින් මම දෙයක් හෙව්වා. නෑ ඇත්තම කීවොත් මේ මොහොතේ මම, මං තුළින්ම දෙයක් හෙව්වා. ඒත් .. ඒත් ඒ මොකද්ද? මට හොයා ගන්න බැරි උන ඒත් හොයා ගන්නම ඕන උන හැගීම මොකද්ද?

හුස්මට ඉඩක් දෙන්න, අකමැත්තෙන් උනත් මම නිෂ් ගෙන් එකම එක මොහොතකට විතරක් ඈත් උනා. ඔව්. එකම එක මොහොතකට විතරක්ම. ඒත් ඊලගට උනේ මම ඒ වෙලාවේ කොහෙත්ම නොහිතපු දෙයක්. ඒ ක්ෂනයෙන්ම නිෂ් මාව තවත් ඇදලා ගත්තේ නිෂ් ගේ අත් අතරටම වෙනකොට, මට හිතන්න කිසිම වෙලාවක් ඉතුරු නොකර නිෂ් මගේ තොල්  පුදුම තරම් හදිස්සියකින් ඒ තොල් වලින් අල්ලගත්තා . ඒක ... ඒක.. හරියට addiction එකක් වගේ.

ඒ දත් අතරට මගේ තොල් අහු වෙන්නැති. හුස්මකට වත් ඉඩක් ඉතුරු නොවුන ඒ සිප ගැනීම අතරට හීනියට ලේ රසක් එකතු උනේ ඒ නිසා වෙන්න ඇති. ඒත් මට වත් නිෂ්ට වත් ඒ හාදුවෙන් ඈත් වෙන්න කිසිම උවමනාවක් තිබුනේ නෑ. ඒ හාදුව පුදුම ගැඹුරුයි. ඒ හාදුව හරිම ආවේගශීලී. ඒ වගේම තමයි ඒ හාදුව පුදුම තරම් ආදරනීයයි. ඔව් ඇත්ත. ආදරනීයයි. ඒත් .. ඒත්.. ඒක අසම්පූර්ණයි. මෙහෙම අහන්නං. ආදරේ උතුරන්නම තියන හාදුවක් කොහොමද අසම්පූර්න වෙන්නේ???? මට කියන්න. හොදට හිතලා මට කියන්න. ඒ මේ වෙනකොට ඒකට උත්තරේ මං ගාවත් තියනවා. මට විස්වාසයි නිෂ් ගාවත් තියනවා. අපි හුවමාරු කරගන්න මේ ආදරනීයම හාදුවේ ආදරේ බිංදුවයි. ඔව් ඒකයි ඇත්ත. ජීවිතේ පළවෙනිම වතාවට මම ම හිතලා නිෂ් ව සිප ගත්ත මොහොතෙම මට තේරුනේ එච්චරයි.