في قعر الماضي

"قعر الخامس"

بـسم اللـه الـرحمـن الـرحيـم
*_____________________*
بقـلـمي بُـشـرى ألـ جبـور

تعليـق بـين الفقـرات
التـصويـت بالنجمـة

حساب التيك توك 0j.a.i0
يوزر الانستغرام bushra_jabour
قناة التيليكرام
https://t.me/j0ai21

**********************************
فـي قـعـر الـمـاضـي
بُـشرى ألـ جـبـور

علاء :بابا لكيت شقه بيها حديقه واسعه وهم تكفينه غرفتين وصاله وستقبال مال مهندس زراعي يريد يبيعه ويطلع بره العراق تصير بمجمع سكني شنو رأيك ؟

سيد جواد : ابني هاي الشقه زغيره بعد يومين يصير عندك اطفال شون فكرت بيها .

علاء: بابا الله كريم لذاك اليوم هسه خل نستقر ويصير خير

سيد جواد: توكل على الله

علاء: وافق سيد جواد على الانتقال للمكان الجديد لكن بداخله غصه من الصار وياه وكسر جبير مرسوم بعيونه

نور: جنت سعيده بل مكان بسبب الحديقه الجبيره وزرع البيها ونخله العاليه راحت ذكرياتي للبستان الجنت أروحله ويه اميصارنه بل بيت ٣ فقط
علاء واني وسيد جواد كل بناته و ولده لسيد جواد شبه تخلو عنه بحجة الحياة تتطلب

نور: اما من ناحية علاقتي بهادي انتهت بسبب زوجته وريحانه راحت بره بغداد بعيد حياة زوجها بل ريف ومزارع بقت علاقتي فقط بورود ومو دائما أشوفها

نور: هنا بدات حياة جديده الي ولـ علاء وتحديات مجانه متوقعيه بمكانه الجديد بعد متعرفنه على الجوارين ابو محمد وابو نور وابو احمد جانو بمثابة اهل النه واكثر من اهل جانت اطباع سيد جواد حاده جدا مع مرور الوقت وجنت أواجه صعوبه بتحمله
اما علاء جان يواجه صعوبة الحياة بسبب الحصار الجان على العراق بسبب الحرب

نور: جان علاء يجاهد بكل قوته حتى يجيب ابسط الاشياء الي وميخليني معتازه شي مثل ما وعدني وثنيننه جنه نعلم بفلوس سيد جواد العنده وغراضه الجابهن وياه من البيت ومواد الغذائيه العنده بل مخزن لكن للاسف جان بخيل جدا ومسيطر على كلشي جنه نشوف هل شي بس مانكدر نحجي
مر الوقت وجان راتب علاء ميكفي سبوع بسبب الحصار فيضطر يطلع يشتغل بمعامل الثلج ومن يرجع بليل يجيب قالب الثلج على جتفه حتى نشرب مي بارد

نور: جانت الحياة جدا صعبه لعلاء والي اما اني جنت بمثابة مصباح سحري لسيد جواد لازم من يصيح بنتي نور اروح بنفس اللحظه اذا تاخرت ثواني يظل يصيح سيد جواد ويكلب الدنيامن قوانين سيد جواد هيه ممنوع احد يفتح باب قوي ممنوع احد ياخذ من غراضه ممنوع اذا وكعت حاجه او نكسر شي تقوم القيامه .روتين سيد جواد اليومي جان .