و يوم رجعو طاحو ميتين تعب
الجده منى: يا نورره قومي العيال والبنات يصلون و يتجهزون لان عمهم بيجي و عمتهم سعود و ريان و ساره اعجليً
نور: ابشري يمه الحين اقومهم
راحت نوره و هي تشوف كيف طايحين على بعض و ضحكت بخفه: يلا يلا قومو عمكم و عمتكم بيجون يلا
بعد عنى قامو
ترف: لحولا ولا قوة الا بالله من يجي ذلحين
مجيد: ترف ترا بسطرك محد طايق الثاني وانتي تقولين من بيجي ذلحين
ترف: دز امها
و صلو
ترف: بنات شوفو بسوي ميكبي و بسوي الحلا والقهوه والشاهي اما تنتم الباقي
ريتال: انا بتجهز و برتب الاماكن
ريوف: خلاص انا بساعد ترف و انتي يا وجدان مع ريتال عشان نخلص سريع سريع
وجدان: خلاص طيب بس يلا نتجهز لا يروح الوقت واحنا نسولف وش نسوي
ريوف: ترف طلبتك طلبه سوي ميكبي
ترف: ابشري بس البسي اول
ريتال: وجدان سوي ميكبي ميكبك يعجبني مره
ريوف: جتني فكره
كلهم: وشو
ريوف: انا امكيج وجدان و وجدان تمكيج ريتال و ريتال تمكيج ترف و ترف تمكيجني ؟
ترف: لالا حوسه انا بسوي ميكب ريوف و ميكبي و وحدان وريتال يسوون ميكب بعض تم ؟
كلهم اعجبتهم الفكره: تم
و بعد ما تمكيجو و لبسو و خلصو و طلعو خياليين و يهبلون
ترف: يلا يلا ريوف الحقيني المطبخ و جيبي ورقه وقلم عشان نشوف وش ناقص و نقول لمجيد وجابر يجيبونها من البقاله
ريوف: تمام يلا وجدان رتبي
جت ريتال: بنات
كلهم: هلا
ريتال: عمتي نوره هي نضفت الاماكن خلونا كلنا بالمطبخ يلا
ترف: خلاص يلا جيبو دفتر وقلم زي ما قلتلكم
راحو المطبخ و جابو الدفتر والقلم
ترف: هاتيه
و كانو يقولون الي ناقص وهي تكتبه والي بيخلص والي باقي قليل منه
ريتال روحي نادي مجيد وجابر ولا نواف اعجلي
(ملاحضة صديق جابر و مجيد موجودين الي هم مشاري و عبدالعزيز و ريتال ما جاء في بالها انهم موجودين)
درعمت ريتال و هي بكامل كشختها:مج.... و شهقت
مجيد ركض و طلعها و سكر الباب: غبيه انتي غبيه !!! وش مطلعك عبدالعزيز و مشاري موجودين حماره انتي
ريتال: يبوي كل تبن نبيك تجيب اغراض من البقاله بنسوي حلا
مجيد غمز: سوي لنا يا ريتالوه ،
ريتال: يدك على ميه ريال
مجيد: اقول اعجلي سوي لنا و وش الي ناقص اجيبه
ريتال قالت الي كانت معها الورقه : هذي هي يا مجيد لا تنسى شي امانه عمي ريان و سعود و عمتي ساره
مجيد: خلاص ابشري تبين شي ثاني يا انسه
ريتال بغرور: لا
مجيد: اقول اذلفي عطيتس وجه بزياده
راحت ريتال وهي تضحك
دخل مجيد: معليش يا عيال اعذروني
جابر صفق وجهه بيده وقال: استغفرالله
مشاري: معليه معليه
مجيد: اسمعو بروح البقاله ناقصه اغراض من يخاوي
عبدالعزيز: انا
مجيد: ها يلا
جابر: مشاري هلنا نلعب سوني
مشاري: قدام وربي طفش
_______
عند البنات
جت ريتال بإحراج: بنات تخيلو درعمت عليهم و طلعو اخوياهم عندهم ياويلي يالفشلهههه
كلهم فتحو عيونهم بقوه وبصوت واحد: انتي صادقه
ريتال: اي والله بس اااا
ترف غمزت: اههخخخخ من ذلي اخذ عقلتس
ريتال: يا كلبه ما قصدي كذا بس اول ما درعمت كلهم ناضروني
ضحكو و مسكوها طقطقه
_______
عند العيال بالبقاله
مجيد: يا مدري شلون مافيه
طارق: ياخي انت شفيك قلت مافيه !!
مجيد: طب اسمع اسمع
طارق: ها
مجيد: احم نسيت وش بقول
طارق ضحك من مجيد: ياخي اعجل شبغيت
مجيد : خلاص خلاص والله نسيت امسك حاسب
حاسب و طلع
عبدالعزيز: يا ولد الحين وش ذي الي اسمها شعيريه بكستانيه
مجيد: يارجال مدري امش نشوف ذي البقاله
راحو للبقاله وهم يسولفون: سلام عليكمممم
المحاسب:وعليكم السلام
مجيد: في شعيريه بكستانيه ؟
المحاسب : اي فيه هناك
راحو خذوها و حاسبو و طلعو
يوم وصلو
مجيد: ريتالللل
ترف: هاااا
(ريتال انشغلت و طلعت ترف لمجيد)
مجيد: ترف اعجلي اغراضكم امسكيها فرفرنا لين لقينا الي تبينه لعد تصجوني جيب جيب
ترف: هو طرق بتجيبه اصلاً
مجيد: قدها
ترف: اقول ما ودك تسكت و تجيب الاغراض لا العن خيرك
(ترف كانت خلف الباب بحكم ان مشاري جنب مجيد و يضحك علو هوشتهم)
ترف: بتعطيني ولا كيف
مجيد: مانيب معطيك
ترف: بتعطيني ولا اطلع لك و افرسك وانادي خالي سلمان
مجيد: ياليلل امسكي
عبدالعزيز: وشوله تحارشها كان عطيتها من البدايه
مجيد: لسانها طويل ترف
ترف: اااه يالخسيس لو الي معك مب موحود طلعت لك بس اوريك وين بتروح مني يا كبر البيت
عبدالعزيز ضحك بقوه: تهددك امش بس
ترف: اي اهدده عندك مانع
عبدالعزيز: لالا و دخلو المقلط (المجلس)
ترف: يلا حارشتهم
ضحكت وجدان: اي كفو هذي بنتي
ترف ضحكت بقوه : يحليلك بس
سوو الحلا و حطوه با لفريزر ساعه ونص
ترف: بروح اشوف الحلا
و جت معها ريتا
ريتال: تروفي
ترف: عيونها
ريتال: كأنهم تأخرو
ترف: والله مادري عنهم
كانت قاعده تقص الحلا
