كانت تتمشا في وسط لافاك تتلفت ودور براسها متعرف حتى واحد هنا وزيد الجامعة كبيرة تودرت قاع ديجا راهي روطار بشهرين فاتوهاا جبل تاع دروس لازم تقراهم
كان واقف متكي على الحيط بين شفايفه دخان شاده بيد وشاد بريكا باليد الثانية باغي يشعلها
نور: سلام خويا بعد عينيه لي كانو يشوفو في لبريكا وشاف فيها نور: متعرفش وين جاي لومفي d بقا يشوف معاها شحال وهي واقفة تستناه يرد ومردش قعد غير يشوف تلبكت وجات ماشية عليه بلا ماتقول والو عند نور( واش بيه هذا تفو صح قالك تاع لافاك ميتعاشروش اوووف تنشعت كن غير مسقسيتوش ) وبقات تحوس وحدها وكارهة علاه سقساتو حتى لقات لومفي دخلت كانو بزاف ناس ولحس قبدت بلاصة تشوف قاع ناس عندها مع من تهدر غير هي وحدها نجو لصح هي اصلا متبغيش تصاحب هاكا راهي مليحة مخصهاش صداع راس حتى يجي داخل هو (واو من بين شحال من تخصص يقرا غير معايا)[تقرا ادارة اعمال] قعد في صف لي وراها دارت بقات تشوف فيه وهو يكونيكتي حتى طلع راسه جات عينه في عينها دورت راسها فسع وقاعدة تلعن في روحها علاه شافت فيه كملت المحاضرة وخرجت عيات بزاف هذ نهار راحت للفيلا تاعها دوشت ولبست بيجامة جابتلها لخدامة لفطور كلات قعدت مع تيك توك معندهاش مع شكون تحكي لا صحابات لا والو حتى لقات روحها مأجوتيينها في غروب في لوتساب دخلت لقاتو قروب لبرومو حتى تفكرت بلي قبيلا دليقي دا نيمرو تاعها باش يدخلها لقروب دخلت تشوف لي يقراو معاها حتى تلقا روحها تحوس على طفل تاع قبيلا (انا علاه راني نحوس عليه؟ ) بلعت تلفونها ورقدت ناضت صباح اوف يوم تاني نروح لديك لافاك لمملة كانت بتكمل رقادها حتى تفكرت بلي راهي مغيبة بزااف متقدرش تزيد تغيب لبست قشها وراحت كانت روطار شوية قعدت حدا طفلة وهي مترددة اسكو تسقسيها ولا نو(معليش اصلا ياك غير على مصلاحتي بصح ان شاءلله مديرليش كي طفل تاع لمرة لي فاتت😭) نور: سلام ختي حبيت نسقسيك على اسماء ليموديل واسكو دايرا كاش ملاخصات جيت جديدة ومعلابالي بوالو طفلة(ندى اسمها) : انا راني هنا في شحال ولا علاقة ههه بصح ستناي نسقسيلك واحد لخباش ههه دارت ندى وبدات تعيط اسلام اسلام شوف طفلة بتسقسيك كي دورت نور راسها يا ارض انشقي وابلعيني لقاتو طفل تاع ديك لمرة قاعد يشوف فيها نور: خ خلاص مانيش محتاجة ودورت راسها بلخف قعدت تلعن في زهرها كارهة حياتها وغير تخمم علاه مقيمنيش علاه وعلاه ومبعد تقول واش دخلني اصلا حاجتو وهي رايحة كملت لحصة وخرجت دور دخلت لفوايي باش تفطر لقات اسلام قاعد قدامها يشوف فيها ويتكيف (ياربي هذا واش بيه) كلما تشوف فيه تلقاه مزال ساهي فيها حتى مقدرتش تاكل اليز فاتو ليمات تروح لافاك واسلام يشوف فيها وهي تشوف فيه بلا مايقولو والو والفاتو ولات تحس بحاجة من جيهتو وحااسة بلي مم هو يبادلها شعور وخطرة مجاش تقلقت عليه ولبروبلام معندهاش لكونت ولا نمرو تاعو كي حوست في قروب لبرومو ملقاتش اسمو ولا تصويرتو باش تسقسي عليه ليل قاع وهي تخمم فيه غدوة مين ذاك جا لفاك قعد وراها قعدت دور ليه كلش شوي يتبادلو نظرات (كانت باغيا تسقسي عليه ولا تهدر معاه بصح خايفة ينشعها كيما لمرة لي فاتت وزيد ماهيش متأكدة بلي يبغيها صح ) تبسمتلو حل عينيه فيها وبلع ريقو بانت تفاحة ادم كانت تستنا منو يرجعها ولا يهدر معاها بصح والو تماك حست بشعور زفت يعني كنت نتوهمو حبو هو ميحبنيش قاع بلاك مزادتش دارت لو حتى كملت لحصة خرجو قعدتتستنا شوفور يجي يديها حتى وقفت قدامها ندى وجان ندى: نور هيا نوصلوك معانا نور:نن يكثر خيرك راه جاي شوفور محمد: ندى هذي تقرا معاك ندى: وي تبسمتلو نور رجعهالها ومدلها يدو محمد: محمد نور: نور تشرفت بمعرفتك وتبسمت جا شوفور ركبت معاه وهذا قاع تحت انظار اسلام وصلت لدارهم فليل قعدت وحدها تخمم فيه (يعني من نيتي نقعد نشوف فيه كي لمهبولة باينة كان يقول هذي مالها علابيها يشوف فيا ياربي وانا حساتو يحبني بصح هو لول لي كان يشوف فيا ياربي غدوة كيفاش نقابلو في لافاك😭) قاعدة وحدها تهدر مع روحها حتى وصلها مساج في لوتساب _Nour! تصويرة لبروفيل كانت كحلة ومدايرش اسم _ chkon? _islam كانت متكسلة ناضت من بلاصتها وقلبها يضرب (وواااااو بعثلي😭😭 لالا بلاك ماشي اسلام لي في راس قاعدة وحدها تزقي😂 حتى زاد بعثلها مساج _Nour?? _chkoun islam _islam li y9ra m3ak والله غير هوووو😭😭😭💃💃💃 _ Aaah oki ts79 haja? _ la _? Eya Vu منيته يبعثلي منبعد يخلي vu ماله هذا منيتو بصح علاه بعتلي قاعدة تخمم فيه وكيفاش حتى بعثلها وعلاه ناضت صباح دارت روتينها دوشت وسكين كير فرشات اسنانها دارت مكياج خفيف طلقت شعرخا لبست روبة بيضا ميدي وباسكات بيضاء وراحت دخلت للومفي وقاعدة تحوس عليه بعينيها حتى دخل طاحت عينيه في عينها لعبتها تكتب فات نهار مبغاتش دير معاه تواصل بصري خرجت جا محمد وندى راحو لفوايي قعدو يضحكو مع بعض ويهدرو على لقراية وكذا ندى ومحمد ناس ملاح بزاف عقليتهم شابة صح كنت رافضة اصدقاء بصح معليش غير هذو صونا تلفون ندى وخرجت خلات محمد ونور وحدهم محمد: نور علاه مجيتيش بكري علاه غيبتي شهرين نور: صراحة كنتش باغيا نقرا منبعد كرهت سجلت محمد: عادي عندك متقرايش؟ منبعد واش ديري تبسمت نور وسكتت مبغاتش تكثر اوا بالأحرى مبغاتش تقولو عندي ورث وفيلات واملاك لقراية معندها ماتنفعني كانت لاصقة ورقة صغيرة تاع شجرة في شعرها مد محمد يدو لشعرها وحب ينحيها بقات تشوف فيه مصدومة وفي ديك لحظة جا اسلام بعدلو يدو شافت فيه نور ومحمد مصدومين اسلام: فوتي قدامي راني مسحقك محمد: واش باغي منها؟ شدو اسلام من لكول تاع شوميز تاعو وعينيه ظلمة اسلام: آخر مرة تدخل في حاجة متخصكش نور بعدت يد اسلام وقالت صاي هيا واش باغي منو خلييه خليه . حتى جات ندى ندى: واش كاين غير الخير؟ اسلام! مالك؟ اسلام حكم يد نور وداها يمشي بيها تحت انظار محمد وندى نور: وجعتني طلقني اااي يدي حمبوك وجعتني بقا اسلام ساكت حتى داها لبلاصة ايزولي وطلق يدها حكم شعرو بيديه وبدا رايح جاي قدامها وهي دمع خايفة من شكلو عروق يديه ورقبتو بارزين وعينيه حمر بغات تهدر نور عاود خافت من شكلو حتى دارت الكوراج نور: تقدر تفهمني واشنو هذا؟ حبس اسلام لحركة تاعو وشاف فيها هي منحاتش عينيها عليه قررت متخافش منو زعما وش قادر يديرلها قعد ساكت ويشوف فيها بلا حتى هدرة نور: راني نهدر معاك شكون نتا حتى تشدلي يدي هاكا ودير هاكا لمحمد مفاقتش بروحها حتى لقات يدو على فمها عينيه ظلام اسلام: متجبديش اسمو قعدت تشوف فيه مصدومة وتحاول تنحي يديه مقدرتش منبعد عضاتو اسلام: احح هبلتي راحت نور بغات تهرب منبعد حكملها يديها اسلام: راني نهدر معاك نور: واش باغي مني خليني نروووح اسلام: حتى نتأكد من حاجة نور: واش؟؟ اسلام: ادا ماكيش حابة تموتي نتي ولا هو متهدريش معاه شافت معاه نور مخلوعة اسلام: ولا نقولك ماتهدري مع حتى ذكر وراح وخلاها قعدت مشوكية واش صرا دركا؟ راني نحلم؟
نور عمرها 19 لعام عايشة وحدها في فيلا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اسلام 22
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
