جوهرتي الثمينة

3

لطفاً لاتنسون التصويت لطفاً

يوم سيء ومتعب ليلة سيئة وتعيسة

*******

-تبارك

صارت ساعه 12وبابا ماكو معقولة هوه ميتأخر لهل وقت ،اروح اسأل سيدرا ،لا هسه نايمة ،رحت فتحت الشباك باوعت ع النجوم احب هيج وقت اشوف النجوم
نص ساعه واني صافنه بيهن ،كلبي ممرتاح الاول مره بابا هيج يتأخر خلي اتصل عليه ،مبايل جان ع شحن اخذته وتصلت ماكو مايرد هنا زاد القلق هسه شسوي ،اروح ع سيدرا احسن راح اموت من القلق طلعت من الغرفه رحت لغرفه سيدرا فتحت لباب لكيتها كاعده والمبايل بيدها مبين القلق عليها ،ها تنتضرين بابا مو

- ايي لج هوه ليش ماكو الهسه من يمته ابونة يبقه الهيج وقت

-يي صار ساعه افكر واتصل ميرد

-اني هم اتصل وماكو

-خاف صاير شي سيدرا

-سكتي سكتي سدي حلكج انتي
[ طبعا بابا يشتغل سايق بسيارة تكسي نكول].

-تبارك: زين يجوز اخذ واحد مريض للمستشفى وبقه ويا مكدر يعوفه

-يي لعد خلي يرد ع اتصالي ويكول ليش ميرد لييش ،رجعي اتصلي انتي

-تمام ،ماكو مغلق ولجج

-يمة كلبي هسه شلووون

-ننتضر شنسوي يجوز خلص الشحن
امشي نكعد بل حديقة

-يلا اصلن اختنكت هنا

- خلينة فراش بلحديقه ونمنة نباوع ع النجوم

****

-اياد : يلا جاهزين

-اركان واسمر، ايي

-اركان: اياد اياك ثم اياك تتصرف بكيفك
صعدنة بسيارة ورحنه للمكان الي راح يجي ويسلم المخدرات هذا مكشوف مبين يوميه بيدي اليوم

-اسمر:اكول واذا طلعت ابنية

-اياد: ايي مفكرت بيها

-اركان:كائن من يكون بيدينا اليوم ولك غير صار اشهر احوص عليهممم،صار شهر ليلي مااعرفه من نهاري مو زين لكيت البارحة عثرة عليهم

-اياد:خوش لعد

-اركان :شوف لمكان مابي غير حديد وهاي السوالف وبس اكو مثل الغرفه جبييير كلش ف احنه مراح نكدر نشوف منو بداخل راح نشوف بس الي يدخل
من يدخل ويطلع احنه راح نضل ورا بدون مايحس والنص الطريق يصير بيدنا، حركه زايده منكم مااريد

-اياد:خوش
وصلنه للمكان وجان اكو نخل بكل مكان
وطشرنة كل واحد ورا نخله واني رحت ورا اقرب نخله للغرفه الي همه بيها وشفت واحد نزل من سيارة عايفها بعيدة هواي واجا فارغ مابيدة شي يمشي وبدن مايتلفت راسه بل كاع ويمشي وصل للغرفه مااسمع شنو يحجون بس طلع من التشيرت مالته من جوه رفع التشيرت وطلع علاكه سودة ونطها لواحد مشفت بس ايدة وسد لباب بوجه قوي
وهذا الرجال ندار رفع راسه فوك واخذ نفس هوه رجال جبير اخذ نفس وراح للسيارة وطلع ،واني رحت للسيارة سرييع اركان وراي
صعدو اسمر واركان ،واني طلعت بس امشي ورا شووي شوي بحيث عفت هواي مسافه وبقيت ورا لحد مدخل على منطقة ،اكلكم يلا ترا هذا اكيد مرايح لجماعته مبين هوه الي يوميه ياخذ ويسلم