___________________العنقاء وضلامات
الكاتبه::- رقيه الـ مـحمد
"لطفآ تصويت وتعليق بين الفقرات"
قرائه ممتعه
»«»»«»«»«»«»«»«»«
"عهد"
من شفته تفتر على جسمي احس روحي كشت ردت اتقيىء من المنضر كمت حيل وهي طاحت بالارض وكمت انكث بملابسي حيل وروحي لعبانه.
_عهد: حبابه بعديها عني
الحمراء::-ههههههاي اي هاذا الخوف الريد شوفه بعيونج بعدج مشايفه.
نهبط ضغطي حتى مابيه احجي بتعدت عن الحيه وكعدت بزاويه ونفسي عالي شفتها شالتها وحطتها بمكانها باوعتلي وبتسمت بستهزاء وطلعت عرفت وراها شي
باوعت عافت الباب ماقفلته احس هاي الفرصه
كمت بهدوء فتحت الباب على كيف مديت وجهي محد
طلعت وكمت امشي بخطوات متتاليه وصلت الحد درج ومابقى شي ووصل للباب ليطل للكراج كمت امشي بهدوء عن لا احد يسمعني او يحس وخيرآ وصلت للباب.
ماوسعتني لفرحه من شفته مفتوح مامقفوله بسرعه فتحته وطلعت واخذت نفس براحه
باوعت الحارس وامف يم الباب الخارجي وداير وجهه صليت تلفت يمين ويسار شلون طلع شفت باب يم الحديقه ركضتله بكل سرعتي من سمعت صوت
كوكو::-لج هايي شلووون طلعتي؟؟.
بساع كمت اطك بلباب حيل على مافتح واسمع صوته وركضته وراي كمت اركض بكل سرعتي
وهو وراي كمت اطب بدرابين هواي
رجليه تشككن تشكك من الارض والشواك
ماهمني ريد بس اخلص نفسي منهم درت وجهي بسره شفته يركض وكلما يسرع بركضته حتى يوصلني لحد ماكمت اطب بشوارع عامه
وهو كام يقلل بركضته حتى مايحسون الناس
كمت تلفت ريد شي اختل بي واضيعه
باوعت شفت سوبر ماركت "وصيدليه"
باا تردد ركضت لصيدليه لان جانت قريب على الشارع ثاني واذا فوتلها مايشوفني
تقربت من الصيدليه باوعتله كام يتلفت عرفت ضيعني لان اني اسرع منه ركضت للصيدليه وفتت بيها واني الهث ونفس مضايقني ومتت عكش من الركض
باوعت اكو شاب ورجال وشاب يشؤحله على العلاج بس طبيت نتبهولي.
عهد::-ساع دوني ساعدوني.
الرجال::-شكو بنيتي شبيج ليش هيج شكلج
باوعت الشاب يباوعلي بستغراب.
عهد::-راح يشوفوني بس خبئني عدكم وبعدين احجي.
نظر الرجال للشاب ورجع نظرلي بشفقه
أنت تقرأ
العنقاء وظلمات
Mystery / Thrillerلكن، هناك تحذير: ليس كل من يستمع للهمسات يعود كما كان. فهل الجرأة كافية لاستكشاف ما يكمن في الظلال، أم أن بعض الأسرار يجب أن تبقى مدفونة؟ " استعدو معنه الرحلتنه"
