المجنونه والوحش

بارت35

لاتنسون التصويت
*************

المَوتُ يَملئُ كأسِي كيف أشربهُ؟
‏تعذّبت من كؤوسِ الموتِ حُنجرتِي..

************************

رواسي:
طلعت من الحمام واشوف الحجيه كاضه سالين وتخنگ بيها لو تخبلت اجيت دفعتها واشوف بنتي وجهه ازرگ وساره تبچي گامت الحجيه رجعت دفعتني واخذت ساره صارت تركض بيها لأن هيه مو كلش جبيره بالعمر

حاضنه سالين المختنگه بأيدي واركض وراهه اخاف اضربها بشي وتوگع بنتي اركض واصرخ عليها واطلب المُساعده محد يسمعني اركض بحرگه واريد بس اوصل

ما احس غير زمن طلع گدامها كضها من اديها لحد ما وصلت الها وهيه تتلفت وتحاول تفك اديها زمن اخذ ساره واجو بعد ثنين ولد كضو الحجيه وصلت يمها اشوف بنيتي تبچي وسالين اختنگت زياده

زمن: حسين اخذ المره للبيت وربطها

رواسي: بنتيي اختنگت خووويه بنيتييي

زمن: حسن اخذ البنيه وانتِ تعالي ناخذها للمستشفى بسرعه

_ لا بنيتي ما تبقى هنااا

_ بأمانتناا والله

_ گلتتتت لااااا بنيتي ويااااي

_ خوش خوش وياج بس تعالي بسرعه

اخذت بناتي وتوجهت للمستشفى والحجيه بس تدعي عليَّ بعدين حسابج والله اراويج انجوم الضهر

الطريق كله احاول اخليها تشم الهوى بس ما يفيد تبچي مفرفحه دخلنا للمستشفى اخذوها مني لو احس اخذو روحي ساره صارت تبچي اخذتها اسكت بيها ودموعي تجري حياه الغريبه صعبه

زمن: انتِ غير اديرين بالج

_ صارلها سنه وياي ما شفت عليها شي

_ اكيد وراها شي

_ شُكراً لأن اجيت بالوقت المُناسب لو ما انتَ هسه اخذت بنيتي

_ گنالج احنا يمج لا تخافين

بقيت انتظر وانا اشوف الدكاتره تحچي بمرض كورونا والمُصابين راح زمن جاب كُمامات وانطاني وحده وكفوف حاضنه بنتي ع صدري وانتظر بنيتي الثانيه ترجعلي

طلعت الدكتوره گالت مابيها شي بس لازم نخليها بالخدج گلبها تعبان حمدت الله وشكرته مابيها شي وترجعلي سالمه بقت يومين بالمستشفى وانا وياها ع شويه حسيت كورونا صارت بيه وزمن ما عافنا لحضه حليب لـ ساره واحتياجاتها وكلشي هوه جابه

طلعنه وبناتي ويانه بس سالين تعبانه بنيتي مو شكل قبل وصلنا للبيت لگيت الحجيه مربطيها وحاطيها ع الكرسي واكو واحد ياكل تفاحه يشهي بيها يوصلها لـ حلگها ويرجعها