سم الله الرحمنٰ الرحيم
بقلمي: فاطمة_الطائي
#ارض_الظلام
♕♕♕♕♕♕♕♕♕♕♕♕♕♕♕
_ كروز: اهلا وسهلا استاذ وياك المحامية كروز
_ بس ما كلت اهلا وسهلا!!؟
ابتسمت غصب عني وحچيت
_ كروز: شكراً استاذ هاي اخلاقك مو اخلاقي
_ هي هي الزمي حدچ
سكتت ماجاوبتة خذيت جنطتي وطلعت ركبت السيارة وانا فايرة ورا ساعة رجعت للبيت
_ كروز: الله يساعدك بابا
_ دلميس: الله يساعدچ بابا حبيبتي
رحت صعدت بالغرفة ذبيت الجنطة ورحت للحمام فتحت الدوش وصرت جوا وابچبي اختلطت دموعي وي الماي كمت باوعت لنفسي بالمراية چني زومبي المسكارة سايحة على خدي وعيوني سود صايرات غسلتة بصابون ورحت كملت سبح وطلعت..
نشفت شعري وشسورتة ولبست تراك اسود مريح وذبيت نفسي على الفراش اول ما غمضت عيوني اندفر الباب طلعت فوز
_ كروز: اكو شي اسمة طرق باب لو ماعكم انتُ
_ فوز: لا ماعدنة بس صدك كروز هل خبر صدككككك
_ كروز: ياخبر؟!!!!
_ فوز: توفتتت خالتييي صدككككك
_ كروز: اي وين چنتي ليش ماجيتي
_ فوز: والله مادري والله
ضليت ابچي وياها مسحت دموعي وباوعتلي
_ فوز: تدرين جاي اتزعلين خالة
_ كروز: بس ماسويت شي
_ فوز: لا سويتي
_ كروز: شسويت
_ فوز: لا تبچين لان راح تزعل بس اشوفچ تبچين
_ كروز: هاي هي بعد ما ابچي
_ فوز: تعالي نكوم نتوضة ونقرا قرأن
_كروز: يلا
رحنة توضينة وصلنة على نفس السجادة سوينها بالعرض وجبت قرأن وضلينا نقرا نزعنة چادر الصلاة ودعت فوز ورحت لفراشي بعد تفكير طويل غرقت في النوم
