شفتي وحسيتي بكميه برودهم ويانا هذا يتحول نقمه وحرب وكره وحقد اذا فكرتي تغلطين وتعيشين الحب يعتبروها خرجتي من تحت رحمتهم يكرهونج باليوم اللي اجيتي بي للحياه
دُر : مفتهمتك ؟
حسيت تذكر موقف ملامحه كلها تغيرت وجهه احتقن اعصابه تصلبت دار عليه صاح بغضب
ريان: عندي شغل دُر طلعي برررررااا لا تخبصيني بمشاكلج انتِ وهل حيووووانات
رفعت ايدي اشرت بس اريد يهدي
اباوع بضياع: لا لا بس ردت نلت...
ريان : سدي الباب وراج يله.
طلعت مكسورة خاطر صرت بين غرفهم اباوع عليها كل واحد بيهم كاعد بغرفته وعايش حياته مختلفه عن الثاني عبالك غربه مو اهل نزلت صفيه من شافتني افتهمت الوضع كعدت قريب من الصوبه : تعالي صفيه انتِ اكعدي ويايه
صارت مقابيلي تفرك بيدها بعيونها قهر مقهورة على وحدتي ضحكت بفشل شنو طلبت اني والله ماريد غير عائله بيها محبه ضحك يترس هل بيت وفرحه تحسسني بالألفه حنان يدفيني واهتمام يحتويني ماريد فلوسهم شوكت يفهمون الفلوس مو كلشي اني احتاجهم والله احتاجهم شهكت بقهر وقله حيله ضميت وجهي بيدي وصرخت اصرخ احس كلبي نكسر للمرة المليون منهم اهلي دمروني اهلي شوكت ينتهي هل كابوس شووكتت مو تعبت
بعدني على نفس الحال ونفتح الباب ودخل يَسار من شاف حالتي اجه يمشي سريع بتجاهي
-شكووو شبيج دُر منو وياج
رفعتي اصبعي ع شفايفي وحذرته : اشش صوتك ما اسمعه
يَسار :خايف عليج دُر
دُر : خاف مني على نفسك ،صاير رجال عود هههههه لو بيك خير لا تصير بالوجه مرايه وبالظهر سلايه گدامي الرجل الحنون ورايه تشحن بالعربانه انور حتى يضربني وياخذ حقكك.
يَسار : انچبي
دُر : لا والله انتَ انچب واطلع براا البيت لا افلش المواعين على راسك .
انور: منو يفلش المواعين ؟؟؟؟ وعلى راس منوو تتفلش؟؟؟
بلعت الساني ورجلي ثگلت بس اريد افهمه هو يتقدم وصفيه ترجف تدفعني منه باوعت على يَسار ابتعد مني وراح كعد على تخم ويحجي بصوت خافت
-عوفها يمعود هي بس السان شوفها صارت كتكوت مبلل.
انور: هذا السان ينكطع من جذورة ونخلصصصصصصص منهههه.
وكفت اريد اعبر صار كدامي لزمني من ملابسي ونزلني يشيل بالمواعين ويكسر بيهن على راسي دخت والدم دافي صار ينزل على عيوني وصفيه على درج تصرخ وهو ولا مهتم كل مايكسر ماعون يرجع ينزلني يذب الاكل وياخذ الثاني يكسرة براسي اخر نزله اريد اخلص روحي من ايده نزل ياخذ الماعون سحبته من ايدة وضربته على خشمه ومن حلات روحي رجعت اخذت ماعون ثاني كسرته براسه وگع بالگاع يرفس ويصرخ بعالي صوته : ياااابه ييممممممهه لككككككك يَسار الزمهاااااااا اليوووووم موتچ على ايدي دُرررررررر .
دُر : موت ياخذك يا عار تفووووو عليك وعلى هل شوارب الخايسه انت وهذا ابن الكلب يَسار ابو النسوان نعلت الله البطن لحملتك .
ركضوا ورايه اثنينهم باب غرفتي اهلي ادگ وماكو جوابدرت واريد اروح لغرفتي توازني اختل الارضيه تهتز عبالك زلزال روحي فرفحت وشطت من لزمني انور وركع براسي بالحايط غوشت عيوني احس بالضرب بس ماعندي قدرة وقوة افتح بيها عيوني وهو بلا رحمه ملخ شعري ويضرب بوكسات على جسمي ايدي احسها اطگ من السحب يسحب بيها عصرني عصر بالحايط سمعت صوت ابوية مصدكته حقيقه لو وهم يمكن فقدت صرت اتخيل.
-عووووووف اختك انور
- يابع هاي الحشرة تكسر خشمي وتضربني ترضاها
- عوفك ارضاها ما ارضاها دوختني ترا اطردتكم كلكم انومكم على رصيف واخلص من من دوختكم ومشاكلكم .
بعدهم يحجون اني غبت عن الوعي وفقدت شكد مر وقت وشلون وصلت للغرفه مالتي مادري صحيت وراسي بحضن صفيه
من كعدت مسحت دموعها : ماما انت عايش خفت تموت.
دُر : صفيه راسي يريد ينفجر ايدي توجعني لا مو بس ايدي جسمي كل جسمي يوجعني صفيه راح اموت .
يتبع.......
باجر ان شاء الله تكمله البارت
وشنو رئيكم كل يوم جزء من بارت كتبولي بالتعليقات ؟؟؟؟
