تزوجت عمده الصعيدp3..♡
عند عيسي كان قاعد في مكتبه وبيفكر ازاي يخلي
غزل متتوترش منه وتديله الثقه الكامله لأن لما قرب
منها كانت خايفه وحس انها مجبره تعدي اليوم علشان
كدا مكملش معاها وسابها لحد م يبقي عندها الثقه
الكامله فيه وتبقي مطمنه من قربه مش خايفه منه وتحبه زاي م هو بيحبها وهو مش عاوز ابداً يجبرها عليه
فجأه خبط الباب ودخل جواد وعدنان وقاسم وسيف
عيسي:يامرحب بالتؤام المفتري وشاور علي عدنان وجواد
سيف:مفيش مرحب بالتؤام المشاغب
عيسي:راحت عليك المرادي يابن رزق
قاسم:ولاد رزق ياعيسي سابوا التؤام المرادي بمزاجهم
عيسي:مش مهم المهم اننا كسبنا الشغل والصفقه
الشغل بتاع العيال دا احنا بنتسلي بيه
عدنان:انا مش عارف من غير لعبه توم وجيري الي بنا دي هنعيش ازاي
جواد:طول عمرنا بنحب نتعاون بس يبقي فيه منافسه وبسبب دا الشغل بيكبر
عيسي:كل حاجه بتكون في الوسط حلوه مره الفريق بتاعكم ومره الفريق بتاعهم بس الشاطر الي يكسب
سيف:المره الجايه لينا
قاسم:وكلمه سيف سيف علي رقبته
والكل قعد يضحك ويتناقشوا في الشغل
اما عند البنات ف كانت غزل ميته علي نفسها من
الضحك من مقالب شروق وشهد في الشباب ومساعده قمر وحور ليهم والبنات الصغيره جميله وملك
شروق:تعالي بقي احكيلك شخصيات البنات ياغزال
غزل:يابنتي للمره المليون اسمي غزل
شروق:غزل من غزال كلهم نفس المعني مش هتفرق
غزل:كملي يالي هتشليني
شروق: شايفه النسمه الهاديه الكيوت دي
غزل:حور مالها
شروق: اسم علي مسمي حور وهي حور دي بقي ياستي شخصيتها كوكي خالص
حور:مش للدرجه يعني انا بتكسف جدا بس
شروق:بتخليني عايزه اعيط بس مش عليها علي نفسي وجعفر الي جوايا دا يناس
البنات فطسوا علي نفسهم من الضحك عليها
شروق:عندك شهد دي شعنونه زاي كدة
شهد؛تسلم ياكبير
شروق:اخويا الي مشاركني كل نصيباتي وكل الضرب بناكلوا سوا
