افهمني يا بدران ارجوك !
اردف "رحيم"جملته بنبرة تملؤها الرجاء، بينما هدر "بدران" بحدة و غضب شديدان
-افهمك إيه و اهبب إيه أنت ازاي كدا ازاي قادر تكدب و تخون و تكمل حياتك عادي كدا ؟!
رد" رحيم" بعصبية مفرطة بعد ما فقد السيطرة التامة على أعصابه:
- أنا ضابط في المخابرات يا بدران عاوزني اروح اقول للناس يا ناس يا هو أنا ظابط مخابرات و اسمي الحقيقي رحيم مش زهران و بلف الدنيا كعب داير عشان اقبض على جاسوس !!!
رد " بدران بهدوء و قال:
- و طبعًا شغلك وقعك في أخته و خلاك تحبها دا كمان مش خيانة لبنت خالك اللي فضلت مؤمنة إنك عايش و لفت وراك عشر شهور كاملين بتحاول بس تعرف أنت فين أنت ازاي بجح كدا ؟!
تنفس " رحيم" بعمق و هو ينظر لسقف الغرفة ثم اعاد بصره له و قال بتساؤل:
- أنت حبيت مراتك ؟! عارف يعني إيه حب ؟!
- ايوة حبيت مراتي و عارف يعني إيه حب لكن مش عاوز اعرفه أنت و حقيقي أنا ندمان ندم عمري إني سبت حالي و محتالي عشان واحد زيك و الشئ اللي واجع قلبي بجد هو إن بأي وش هرجع اقول لـ علياء أنا لاقيت رحيم و عايش مع واحدة ونسيكي و أنتِ يا علياء دوسي على زرار قلبك و انسيه أنتِ كمان !
رد" رحيم " و قال:
- متزودهاش علياإكتر من كدا يا بدران أنا فيا اللي مكفيني بالله عليك كفاية .
- هو فعلًا كفاية، كفاية عليك اوي كدا و كفاية على الغلبانة اللي لسه عندها أمل تلاقيك اتمنى من كل قلبي إنها تفقد الأمل فيك و تنساك قبل متكتشف حقيقتك الوسـ...
قاطعته " رحيم" بصراخ و قال:
- بس بقى كفاية كفاية أنتزمين و إيه صفتك عشان تدخل في حياتي بالشكل دا .
هدر " بدران" بصوته الجهوري و قال:
- أنا اخوك يا قذر اخوك اللي رميته بإيدك في النار و سيبته يعيش اسوء أيام حياته في كل مرة بيجي عليك الاختيار بتختار مصلحتك و ترمي اللي منك مرة علياء و الف مرة أخوك عرفت أنا مين يا رحيم ؟!
أنا بقول كفاية كدا و نصبر لحد بكرا الساعة 8 نعرف حكاية العيال دي 😂😂🙆🙆
بدران المُر عاد من جديد و كمان سليم سماالله له دور يا عيال ماهو إنا مقدر ع زعل تولين دي تودينا ورا الشمس لو مذكرناش اسم الله عليه سليم سمالله😂😂😂
الرواية حصري للبيدج قصص روايات هدى زايد
