جوان: كعدت على لمسات على خدي فتحت عيوني شفته فوقار يوخر شعري عن وجهي
فوقار: صباح الورد
جوان: صباح النور
، يله كعدي حبيبتي تريكي حتى ترحين للدوام لاتتأخرين
. بعدني مشبعانه نوم
. محد كلش سهري للاربعه الصبح
. صدك بيش الساعه؟
. 7/30
. يا تحجي صدك بعد ما الحك ليش ماكدتني من وكت
. غير انتي متقبلين تكعدين
طفرت من الجربايه ورحت للحمام
غسلت وجهي و فرشت اسناني وطلعت
لكيت ذوقار طالع كعدت على الكرسي مال
التسريحه وحطيت مكياج خفيف على السريع
ولبست بنطرون ابيض عريض وتيشرت اسود
بي رسمت بزونه بيضه وحذاء بيضه وبيها خط
اسود نفشت شعري ولبست طاك
(طلعت املخ مثل كل مره 😉😂)
شفت الساعه 7/50يااااا عزززه
. اخذت جنطتي والسويج ونزلت لكيت صفاء وابوي
يتريكون
جوان: صباح الخير
صفاء. بابا: صباح النور
بابا: تعاي تريكي بنيتي
. الف عافيه بابا كلش اتأخرت
. يله بابا اكلي بالجامعه لا ادوخين
. اوك
طلعت ركض فتحت السياره وشغلت وصلت
للجامعه الساعه8 لكيت الدكتور بعده ماجاي
ارتاحيت
. صباح الخير بنااات
بنين /ارزاق: صباح الننور
جوان: شلونجن بنات
بنين: الحمدالله
جوان: شلونج ارزاق حبيبي
ارزاق: تمام حبيبي
.دنحجي اني والبنات ودخل الدكتور
خلصت المحاضره وطلعنه اني وبنين و ارزاق
للحديقه كعدنه على الثيل بالكاع لان كلش حلوه
جوان: شلون صارت خاله
ارزاق: والله احسن
بنين: يعني ديفيد العلاج
ارزاق: اي زين
جوان: الله يشافيها
(طبعاً ام ارزاق مريضه خطيه وبيها مرض موزين اسم الله عليكم)
دنحجي واتصلت ام ارزاق وكلتلها تعالي انطيني علاجي ماعرفه
ارزاق: يله باي بنات
بنين. جوان: باي حياتي
.راحت ارزاق وضلينه اني وبنين نسولف
جوان: اكلج حبيبي
بنين: كولي حياتي
. شنو رأيج نروح للمول
. اي والله ياريت محتاجه كم شغله
والمحاضرات الجايه مو مهمه
. اوك يله كومي
طلعنه من الجامعه وطلعه رحنه للمول
اخذنه الشغلات النحتاجهن وطلعنه
جوان: حيييييل
بنين: شبيج
. الساعه12/15
. عززززه اتأخرت هسه احصل رزاله من ابوي
ركضنه للسياره وتحركت
وصلت بنين ورحت على السوبر ماركت
اشتريت كم شغله وشفت ضابط واكف على
الرصيف ويباوعلي ماهتميت صعدت بالسياره
ورحت للبيت وصلت ولكيت الكل متجمع بالصاله
جوان: السلام عليكم
الكل: وعليكم السلام
جوان: شلونج حبيبي لجين
لجين: الحمدلله حبيبتي انتي شلونج
. تمام
(لجين تصير زوجه صفاء وجانت يم اهلها)
. اجو قمر وشمس (التوأم) سلمن عليه
عمرهن 12 بنات صفاء
. واجه علاء و ولاء (هم توأم) سلمو عليه
علاء: شلونج عمه
. الحمدالله انتو اشلونكم
علاء. ولاء: الحمدالله
. دومكم
سولفت ويه اهلي شويه وصعدت الغرفتي
طبيت بوجهي للحمام سبحت وطلعت لبست
برموده فوك الركبه بيضه وتيشرت وردي
سويت شعري كبايه وطلعت كذله حطيت شويه
مكياج واجتي شمس صاحتلي على الغده نزلت
ولكيت العاملات ينقلن الاكل على طاوله الطعام
ذو الفقار: اكول ليش البيت نور
اني كمت امشي بمياعه و الوي بكذلتي
ذو الفقار: طلعت لجين جايه
اتلاشت ابتسامتي واهلي كلهم ضحكو
. كبرر
ذو الفقار: لفج
. ولفك ويايه عالواهس
تغدينه وكعدنه نشرب كهوه كال صفاء...
صفاء: شلونها الدراسه
جوان: والله زينه
صفاء: شدي حيلج اريدج اطلعين الاولى
جوان: ان شاء الله
ضلينه نسولف وره شويه كال فوقار...
فوقار: كومو نلعب طوبه
جوان: اي يله
صفاء: يووه صارلي شكد مالاعب طوبه
ذو الفقار: لعد يله كومو نلعب
جوان: بابا تلعب
بابا: اي طبعاً
صحنه لجين وقمر وشمس لان هم يعرفن يلعبن طوبه
طلعنه وشكلنه فريقين(جوان. فوقار. قمر. ذو الفقار)
الفريق الثاني(صفاء. بابا. لجين. شمس)
بدينه لعب و بابا كول علينه وفوقار و ذو الفقار تخبلو ضلو يعيطون وحلفو يسجلون هدف
وصدك ذو الفقار كول عليهم ضلينه متعادلين
ضلينه نلعب هواي بعدين اني كولت وفوقار هم كول
وذولاك تخبلوو
صفاء: والله ارجعه اني اعلمكم
جوان: مضغوطين
قمر: اي عمه مضغوطين لان سجلتي هدفجج
جوان: اعرف اعرف يبعد عمتج
صفاء: ولج قميران
. ها بابا
. صرتي ويه عمتج وللج
. اي بابا ههههه
. يله خلي تفيدج عمتج
. جوان: اتفيدها لعد ليش متفيدها مووو قمر
. اي عمه
خلصنه لعب واحنه فزنا عليهم
صعدت للغرفه تعبانه من الركض
مددت على الجربايه ونعست حيل
شفت الساعه 5العصر
ونمت.....
هاي اول قصه اليه اتمنا تنال اعجابكم
دعمم بلييز❤🥰
