الشـَفق الأعمى
بسم الله الرحمان الرحيم
الكاتبة رسـُل الربيعي
_
متابعه للحـساب
_نجمة للاستمرار
_تعليقاتكم الحلوة تفرحني💛.
_استمتعوا ذهَباتي
شـايـف مـن تحـس الـوجع يـاكل بيك..!
تَـشوف الله الـوحيـد المـعتني بگلبك
"""""""""""""""""
نـايمة بـ فراشي مثل كـل يوم مغمضه عيوني وغركانة بـ الظلام المحاوطنـي منتظرة احد يجي يكعدنـي ، ودائماً بهيج وقـت أفكر ليش انه!!
ليش انه الي لازم اتحمل هل معاناة ! ليش ما اعيش حالي حال البنات بدون هل هموم والقهر
تنهدت بـ حسرة ودرت وجهي للجهة الثـانيه وانه استغفر ربي ما يصير افكر هـيج هذا كفر بـ حكمة الله حتى لو جان بس كلام بيني وبين نفسي ، اختبار من الله وانه كدها حـتى اعدي هذا الاختبار ان شاء الله
حسيت الباب ينفتح ويدخل شخص
لـ غرفتي وعرفت منو اول ما نطقت "يَـسر ، يَـسر حبيبي يلا أكعدي الساعة بـ الستة يول هم يالله على ما تتجهزين "
فتحت عيوني على أمل بس الي گابلني مرة ثاني الظلام والاشيء تنهدت بـ حسرة ومسحت عيوني بتعـب تقبلي واقعج يَـسر انتي بعد ما راح تشوفين النور بحياتج راح تبقين هيج عالة على گلب أهلج
خلاص صدگي وعيشي حياتج على هذا الاساس
كعدت على حيلي وتچيت ضهري على طوك الجرباية وحجيت "گاعدة انه أفاطم "
تحـركت من جربايتي ومشيت بطئ وحذر ناحية الباب
أفاطم " خـ اساعدك حـبيبي "
يـسر " لا ما يحـتاج انه اروح للحمـام وحدي "
أفاطم " ليش تعانديـن اسو خليني اساعدج بعدج ما متعودة تمشين بوحدج "
يـسر " اذا بقيتـي هيج فوك راسي ما تخليني امشي خطوتين وحدي طبعاً ما راح اتعود خلص حبيبي خليني اعتمد على نفسي واتعود انتي ما راح تبقين طول عمرج تدليني على طريقي "
من ما سمعت منها جـواب كملت طريـقي لباب الغرفة وايدي على الحايط اخاف اوكع حسبت خطواتي وصلت لـ رقم سبعة يعني هسه باب الحـمام مقابيـلي فتحتة ودخلت بس فجأة عثرت وكعت على وجهي باب الحـمام غمضت عيوني بقهر ونسيت اكو دچه لازم اصعدها نزلت دمعة من عيني على حالي هذا
أفاطم بـ قهر وصوت عالي
" باعي كتلج خـ اساعدج ما اخذتي حجـايتي يفيدج عنادج هـذا "
سكتت ما جاوبتها شنو اجاوبها أصلًا صار اربع اشهر على هاي الحالة كل ما اريد اعتمد على نفسي بـ شغلة لازم يصير فد شي يهدم عزيمـتي ومعنوياتي يساويها وي الگاع گومتني ودخلتني للحمام غسلت وغيرت ملابسي وتوضيت وطلعت هل مرة ايدي بأيد افاطم تمـشيني
دخلنا لـ غرفتي وجهتني للقبلة صليت الفجر وهي تحضر بـ مـلابسي كملت صلاتي وانه بعدني على السجادة حطيت راسي على التربة وتكورت مثل الجنين وغمضت عيوني بتعب
أنت تقرأ
الشـَفـق الأعمى | 11
Mystery / Thrillerمَن انا ! انا البـحر والمبحر انا الغريق الناجي أنا الغامضُ الواضِح أنا القاسي الـطيب هَــذا أنا هَذا أنا بـين نَـوري وظـلامي هَـذا أنا بين قُـوتي وضـعفي هذا أنا العـالق بين خط رفيـع بـين ماضـي ومُـستقبلي هذا أنا الذي لا يستـحملني غَـير...
