ايعقل الانسان يعشق من اراد الانتقام منه

Part12

اليوم الثاني صحى صقر و حور على صوت صراخ عالي ركضو برا عشان يشوفو وش السالفه وقف صقر منصدم لما شاف زياد يركض بشورت و ماسك المزهرية ورهف تركض وهي تصارخ
حور ما تحملت و طاحت على الارض من الضحك على اشكالهم
رهف وهي تحت الطاوله/ابووو حمود الحقنييي. انتي يا بقره الي على الارض و تضحكي الحقيني قبل ما هولاكو ياكلني توني صغيره على الموت
حور/تستاهلي انتي الي ورطتني نفسك
صقر ركض ورا زياد و مسكه
صقر/زياااد وش فيك ليه هذا الصراخ من الصبح؟؟
زياد/يرضيك نايم بامان الله الا الاقي فار يتحرك في بطني و اشوف ضل بريعصي على الباب
رهف/اسمه صرصور لو سمحت مو بريعصي
ركض زياد يبي يمسكها الا صقر يشده مره ثانيه
زياد/ صقررر مو شايف كيف تستفزني
صقر/خلاص مو وقته امشي عندنا شغل
خرج نواف وليان بنفس الحظه/وش السالفه؟؟
رهف وهي حاطه يدها على فمها من الضحك/شوفو وش تحت رجولكم
ناظر نواف الا يلاقي فار ركض وتمسك بليان وهو يصارخ
ليان/المفروض انا الي اصارخ و اخاف مو انت
الا الفار تحرك و بدا يركض وراهم ركض نواف و ليان بصراخ طاحت رهف وهي تضحك الا تشوف الفار جا اتجاها صرخت و راحت تركض ورا نواف و ليان جا زياد و رما الشبشب على الفار الا الفار يغير وجهته و يلحق زياد
زياد وهو يركض/الله ياخذني من وقت ما قررت اساعدكم و قعدو الاربعه يركضو
الا يشوفو احد قمز على الفار و مسكه
ساره/طول وعرض و خايفين من ذا النتفه
رهف/نسيت ان ابو حمود خويهم
ساره/تمام و رمت الفار عند رهف
رهف ركضت وضمت زياد
زياد/ابعدي عني
رهف/ابعده ابعده
زياد/تستاهلي انتي الي جبتيه
رهف/ساره تكفين خذيه
ساره/مين عمتك
رهف/ابو حمود
ساره/ايوه كذا الناس ما تمشي الا بالعين الحمرا
صقر ببرود/خلصتو فلم هندي؟
نواف/يا برودك يا شيخ
اسماء من وراهم/يلا يا عيالي الفطور جاهز
ركض نواف و ضم اسماء
نواف/سوسوو وحشتينيي وش طابخه من فطور
اسماء بضحك/مسويه لك الفطور الي تحبه
نواف بتصفيره/تدرين لو ما كنتي متزوجه كنت تزوجتك
اسماء شدته من اذنه/امشي بس يا مشاغب مدري متى تكبر انت
جلس الكل على طاوله الطعام
صقر/باليل بيوصلو الضيوف ابي كل شي يكون جاهز
نواف/اوفف بيجون هذولاك الغثيثين
خالد/الشكوى لله شنسوي
صقر/هدوء بيجون شهر تقريبا و بيمشون و بهذا الشهر مابي اي غلط او هواش تمام ووجه نظره لحور تمام
حور/تمام
ساره/بنات سويت لكم فعاليه
رهف غصت بالمويه تكفين كله الا فعالياتك
حور وهي تضحك معليكم انا عندي فعاليه
غصت ليان و قالت تكفين انتي بعد كله الا فعاليتك
ضحكت ساره و حور و قالو انتم الخسرانين
نواف/لهاذي الدرجه فعالياتهم تخوف
رهف/الله وكيلك اخر مره كنا بننسجن بسبب افكارهم خلونا نقتحم بيت ناس نحسبه بيت مهجور و ليان فتحت الثلاجه و قعدت تاكل الا يجينا عجوز بالخيزرانه
حور/بعدين انحشنا الا رهف تزلق بالحوش
رهف/حسبي الله ونعم الوكيل خلوني ما ساعدوني الا يجيني كلبهم
ليان/بمووت بطني ولا يوم ساره جت تنط من فوق الجدار و طاحت على راسها
ضحك الكل
نواف/حسبي الله بطني بموت وش خطر براسكم عشان تسوون كذا
ليان/افكار الست حور وساره
ساره/هاذي فكره حور شدخلني اما افكاري اطلق من افكارها
رهف/ايوه ايوه باماره هذاك اليوم لما لحقتي عجوز بالعصا في البر تحسبيه ساحر
حور/يويلي بطني ولا لما جت براسها اننا نستكشف مدرسه مهجوره العصر هههههههههههههه
خالد/صاحين انتم احد يغامر العصر
نواف/هههههههه اهم شي لحقتو قهوه العصريه
ضحك الكل
قام صقر و نواف و خالد وزياد و راحو الشركه
عند البنات"
رهف/بنات مشتهيه قهوه
ليان /قومي سوي لي و سوي لك
ساره/قومو انتم الاثنين سوا
قامو ليان و رهف و راحو يسوا قهوه
ساره سحبت حور و خرجو حديقه القصر
ساره/وش فيك يا حور
حور بضحك/مافيني شي
ساره/بطلي كذب انا اعرفك اكثر من نفسي
حور/صدق ما فيني شي ولو فيني بقول لك بدون تردد
ساره مسكت يد حور و قالت/في شي بينك و بين صقر
حور /لا معليك
ساره/ الا شفت نظراته لك لما كنا على طاوله الطعام
بكت حور و ضمت نفسها
ساره بدموع/ وش فيك يا قلب ساره لو صقر الكلب سوا لك شي وربي ما اخليه عايش دقيقه
حور/لا لا تكفين خلاص انسي بس انا متضايقه شوي لاني بعيده عن اهلي
ساره/اضحكي على نفسك بهذا الكلام مو انا
حور/طيب بحكي لك بس اوعديني يكون سر بيني و بينك و ما تسوين شي
ساره بعصبيه تمام
حور/حكت لها كل شي ما عاده الاتصال الي دار بين خالد و صقر
ساره/اح يا اولاد الكلب وربي لو اشوفهم قدامي ما اخلي شي منهم سليم
حور/هانت كلها كم شهر و ان شاء لله اتطلق من صقر و ارجع لحياتي الطبيعيه
ساره/قبل ما تطلقي علميهم درس ما ينسوه طول عمرهم
حور/الشي الوحيد الي خايفه منه اني احمل من صقر
ساره/شدراك يمكن لو جبتي له طفل يحن قلبه و يصير يحبك
حور/لا مستحيل ولا انا ابيه خلاص ما عاد اطيقه كرهته
ساره/بس صدقيني يا حور لو ما جبت حقك من بنت الثعلب و نرجس ما اكون انا ساره
حور/اليوم بتصير حفله كبيره اكيد بيحضرو بنت الثعلب و نرجس
ساره بابتسامه شر/ولله و جا الفار تحت المصيده
حور/وش بتسوي؟
ساره/بتعرفي بعدين

بنات ضيفوني انستا
{s_ar7ji}