ســــــــــــــلام ✨
ادم: اخر فتره ايو كلش تعبتني صايره ضم عليه اني اعرف كلشي ياسر كالي من محاجيته وحتى سمعتها من جانت تخابره بس اني سويت نفسي ما اعرف وسئلتها صدمتني بصراحه بردها ماجنت متوقع بس ع هذا كلامها من عيوني اني اعلمها اذا ما طلعته من عيونها ما اطلع اسمي ادم
_عرفنا وين مكان صاحب سياره وتاكده هي نفسها جانت تلحك ايو وتوكف بابهم
_شفت علاوي اخذ سويج بس ما اهتميت وطلعنا اني وياسر
_نمشي ب طريق واني افكر من ارجع شلون اكص لسانها هاي تاكلني حاصل فاصل بي بس لازم اتوبها
رجعت من صفنتي ع صوت ياسرياسر: هذا لبيت وهناك خال سياره
ادم: يلا ننزل
ياسر: ادم خابرت لولد وراح يجون انتظر
ادم: منا لمن يجون حس بينه وشرد
امشي انزل يمعودياسر: اريد مره واحده تسمع كلامي
ادم: نزلت وياسر بقى يحجي عفته واتجهت للبيت لمنطقه ابد مو مال احد يعيش بيها كلها بيوت قديمه وخربانه
_ياسر دفر لباب واني طبيت شايل لسلاح
ادم:دير بالك تتحرك طلقه بنص راسك واموتك
: وام لبنين اني ما عليه
ادم: لا شافتك ام لبنين كوا*د عبالك ما الكاك مو
: لا والله لا همه كالولي اني ما عليه اني احجيلك بس نزل سلاحك الله يخليك
ياسر: غصبن عليك راح تحجي بس مو هنا امشي كدامي يلا
ادم: سمعنه صوت مال واحد موجود
طلعت بسرعه حتى اشوف مالكيت احد اخذنا واتجهنه للسياره_اول مصعدت سياره كامت طلع صوت مال صندوك قفلته وانطلقنه للمركز
_تلفوني لكيته طافي خليته ع شحن ب سياره
دك تلفون ياسر
ياسر: نجب حبيبي علاوي وعوف سوالفك هذن هههه
علي: يابه ولقران مجاي اجذب ايه موجوده بصندوك مال سيارتكم طلعوها بسرعه لان اتصل عليها وماكو
ياسر: شبيك ولك وشسوي هي بصندوك
ادم: شكو ياسر هذا علي
ياسر: ما ادري يكول ايه بصندوك طلعوها
ادم: شنو شنو
ياسر: وكف سياره ادم
ادم: فتحت صندوك ونزلت ركض
_اول ما نفتح صندوك اشوف ايو موجوده بي ومغمى عليها
ادم: شلتها طلعتها اريدها بس تكعد
_ياااسررر جيبلي ماي بسرعه