فصلية ابن الشيخ

البارت الاول

هلو كايز هاي اول رواية اتمنى تعجبكم

الكاتبة :ميادة

البداية :

هلو اني ميادة عمري 17 سنة عايشة وية عائلتي المتكونة من أبوية محمد و امي مريم و اخوية احمد اصغر مني بسنة اهلي يحبون اخوية احمد أكثر مني و يكرهون وجهي لان بي حبة بغداد من اني الصغيرة طلعت بوجهي اهلي جانو يستحون مني و من شكلي علة الرغم انو هية محليتني بس همة مرات ما يخلوني اطلع من البيت هى مرة من المرات انعزمو اهلي علة عرس واحد من أصدقاء أبوية

محمد :مريم بأجر عرس صديقي جهزو روحكم علمود انروح نشتري ملابس

مريم :نشالة

ميادة :هسة أبدل بس اكمل جلف المواعين

محمد :وين عيني ست وين رايحة ما تجين

ميادة :ليش بابة

محمد :بهاذة شكلج علمود تخزينة

ميادة :اشبي شكلي

محمد :انتي امباوعة لشكلج بل المراية حتة استحي اكول عليج بنتي
اني انقهرت وانقطع كلبي مليون قطعة اشلون انطا كلبة يحجي هيج علة بنتة المهم راحو اني ضليت أعزل بل بيت و اذكر كلام أبوية بس هاي مو اول مرة يحجي هيج مو بس هوة حتة امي جانو يعاملوني مثل الخدامة لا يسألون عني ولا يكلولي محتاجة شي فى من رجعو اني جنت نايمة بل غرفة مالتي ورة نص ساعة اجو اني نزلت فتحتلهم الباب ورجعت للغرفة ورة ساعة اخوية فتح الباب

احمد :ها نايمة يل مشوهة

ميادة :شكو شتريد 

احمد :هاج يل مشوهة امي جابتلج دشداشة 

ميادة :خليهة يمك واكل خرة ولي 

احمد : والله ما تستاهليهة
سد الباب وطلع وراهة راحو للعرس ورجعو اني ما حجيت اوياهم لان كل مرة يسوون هيج بس اكثر شي جان يحسن من مزاجي هوة صديقتي سارة من ايام الإبتدائية احنة اصدقاء جنت احجي اوياهة بكل مرة يطلعون وأخذ راحتي فد مرة من المرات جنة دا نحجي اني وسارة اخوية دفر الباب وكام يعيط ويضرب بية

احمد :ولج يا خايسة يا سافلة يا جلبة يا ......

ميادة :اشبيك 

احمد: تحجين وية ولد
وأخذ مني التلفون وكام يدور بي ويفتش جنت متعودة كل مرة يسوي هيج

المهم مرة اهلي جانو طالعين وتأخرو كلش اول مرة يتأخرون هيج طلعو من الصبح وهسة الساعة 12 بليل ولهسة ما جوي ظليت ادك عليهم ما جاوباني ظليت احاول بس محد ما رد وجنت كلش تعبانة و نعسانة فى كلت خل انام والصباح رباح

كعدت علة اتصال غير حياتي 180درجة