فصلية ابن الشيخ

البارت السابع عشر

اسد : قبل لا تحجين شي اريد اكلج بأجر عدنة عزيمة و اريدج تجهزين كل شي و هم راح تجي اختي سمر ما اريد اي نقص و ثاني شي ادري بيج تريدين تسألين عل جرح  ما دخلج بهل أمور ولا تفكرين تسألين عن شي يخصني
ميادة : 😒
بعدهة راح نام واني نزلت جوة الكل نايم بس اني كاعدة رحت للمطبخ وكل عادة جان متروس المواعين غسلتهن وكعدت ارتاحيت اشوية بس سمعت صوت طفل يبجي استغربت الكل نايم منين هل صوت الصوت بدة يعلة اكثر كل ما اتحرك يعلة خفت كلش فتحت باب المطبخ ماكو شي توني دا اطلع اشلان توكع علة راسي لعابة مشوهة متروسة دم اني صرخت بعلة صوتي ورجعت ليورة اشلان اوكع واصيح الكل كعد علة صوتي

اسد هوة و دا ينزل من الدرج  : شنو هل اصياح متكولون ناس نايمة

التم الكل بل مطبخ و شافوني متروسة دم من فوك ليجوة
اسد : هاي اشبيج شنو هل دم
ما حجيت شي بس أشرت عل باب
الكل باوع عل باب و شهكو من المنضر
الكاع كلهة دم و اكو لعابة مشوهة و مكتوب عليه كلام ما معروف و اكو ورقة بيضة فوكاهة

اسد
شفت المنضر ابد ما ينشاف شفت الورقة رحت اخذتهة و جان مكتوب بيهة راح انتقم منك علة الي سويتة راح تموت علة ايدي يا اسد هاذة و عد مني هاذي بس البداية تفجأت من الي مكتوب كبل طلعت برة اشوف اكو احد او الشخص الي سوى هيج بعدة لو راح ما لكيت أحد ما جان اكو احد رجعت طبيت و كومت ميادة الي جانت متروسة دم و البنية و مصدومة ما تكدر تحجي شي خطية حقهة غير المنضر يخرع اكبر واحد المهم كومتهة و صعدتهة فوك طبت غسلت و طلعت و هية نرجف و تيجي
و خايفة كلش
ميادة
ما اعرف اشصارلي من الصدمة الساني احسة ثكيل كلش المنظر جان مخيف لدرجة و اني جنت متروسة دم و ارجف رجفة مو طبيعية و ادموعي مثل الشلال و لا وكفت بجي ساعدني اسد و صعدني طبيت سبحت و اني كل اشوية الموقف يتكرر بعقلي طلعت و اني ارجف و خايفة عاد ما حجيت شي بس رحت بفراشي و دموعي ما فاركت عيني ما حسيت علة نفسي غير واني غافية

اسد
من طلعت ما حجت شي جانت ترجف و الدموع مثل الشلال و اي تعابير ماكو  راحت بفراشهة و اني ما نمت ضليت افكر منو هاذة الحقير الي سوى هيج و ليش بل ذات ميادة ليش مو واحد اخر من عائلتي
ضليت افكر بهل موضوع فجئة ميادة كامت تحجي اباوع عليهة نايمة و تحجي جانت تبجي و تحجي كلشي ما افتهمت غير كلمة ليش هلكد تكرهوني شنو ذنبي ضلت تكررهة لحد ما سكتت اني خفت عليهة و كلمت دا اشوفهة حطيت ايدي علة راسهة و ضليت اعاين عليهة يا ربي اول مرة اصفن بوجهة ملامحهة حلوة كلش و خشمهة الي جان احمر من البجي  بستهة من راسهة و رجعت نمت كعدت الصبح ما شفتهة رحت نزلت جوة لكيتهة تتصرف عادي ولا كأنو صار شي البارحة تريكت و طلعت للشغل بل مناسبة اني اشتغل ظابط برتبة ملازم أول و عمري 27

ميادة
كعدت الصبح نفس روتيني المعتاد نظفت البيت كلة و سويت الغدة و محد حجة اوياي بل عادة احد يسمعني حجي بس محد حجة شي و بخصوص موضوع البارحة اني ما نسيتة اكيد و لساعتني متأثرة بي المهم صارت تقريبا بل 10 و اجت اخت اسد  الجبيرة سمر  سمر عدهة تلاث جهال الاول عمرة ،7 و الثاني عمرة 5و الثالث اصغير يمكن بعدة ما امكمل سنة بس كلش احليو و دبدوب و اخدوة ايخبلن المهم صبيت تغدو همة بل صالة واني كعدت بل مطبخ مثل كل مرة كملت كل شي و و تعشو و كملو و كضة الوكت صارت بل 9 اني جنت بل مطبخ أعزل اشلان يجي عمر همر يصير ابن سمر اصغر واحد اجة جان راكب بل حجلة احة علة اني ضليت العب اويا و اطيتة فواكه فدوة ايخبل جنت كل ما اباوع علية يضحك لك يموت حسيتة ضاج من الحجلة شلتة منهة و ضليت العبة كلش تونست علية حسيتة نعس جان الحليب مالتة و لممية بل مطبخ فى سويتلة و شربتهة الة و غفة بحضني اشلان سمر اطب للمطبخ
سمر : يمة اوليدي ولج ليش ماهذتة يمج شمسويتلة
ميادة : علة كيفج اويا ترة نايم
سمر : ليش ماخذتة
ميادة : ما اخذتة هوة اجاني للمطبخ
سمر : هوة اجاج لو انتي صحتيلة علة اساس ما اعرفج ثاني مرة ما اريدج تتقربين من واحد من ولدي ما يشرفني اصلا تحجين اوياهم يا اخت المجرم
ميادة : ترة ما سويتلة شي ليش هل حجي
عافتني و راحت اني ضجت كلش من الي حجتة بس ما جنت اكدر احجي لئن اني فصلية يعني خدامة ما الي رأي مو من حقي اصلا تحجي شي او أعارض

&&&&&&&&&&&&
اتمنى عجبكم البارت 🥀🫀 صوتو للقصة و كتبولي  تعليق حلو يشجعني و طوني رأيكم بل بارت