🖤𝐒𝐜𝐚𝐫𝐲 𝐬𝐭𝐨𝐫𝐢𝐞𝐬 𝐢𝐧 𝐭𝐡𝐞 𝐝𝐚𝐫𝐤 🖤

The old house

𝐻𝑎𝑣𝑒 𝑎 𝑠𝑐𝑎𝑟𝑦 𝑡𝑖𝑚𝑒 ✨🖤
.
.
.
.
.
.
.
.
.
.
.
.
.
.
.

دايما نسمع عن البيوت المسكونة بالجن و الارواح و حاجات زي كدة...و احيانا نسمع عن بيوت ناس سابتها لسنين طويلة ف بالتالي البيوت دي بقت مسكونة نظرا لان مفيش بشر بقوا عايشين فيها...بس حكاية انهاردة مختلفة شوية...و انا شهدت عليها بنفسي...و طبعا قبل ما تبداوا قراءة حابة اقول ان كل واحد و له حرية انك تصدق او لا....

الحكاية دي محصلتش معايا انا و انما حصلت مع صديقة ليا...مش حابة اذكر اسمها صراحة ف لو حابين اعتبروا ان اسمها جني...

من سنين تقريبا لما كنت انا في خامسة ابتدائي...صديقتي صاحبة القصة كانت ساكنة جمب بيتي...و انا هي علاقتنا في وقت دة مكنتش كويسة او مكنتش احسن علاقة...دايما انا و هي كنا نتخانق كتير و مكناش بنحب بعض يعتبر...

في يوم لما رجعنا انا و هي من مدرسة...كان فيه ريحة زي ريحة حريق...حاجة بتتحرق...انا و هي شفنا دخان جاي من بعيد و عشان فضولنا هياكلنا رحنا للمكان الي طالع منه الدخان...كان بيت بيتحرق...

و عشان الصدف بتحصل كتير...البيت الي كان بيتحرق دة كان البيت الي قدام بيتي انا و صاحبتي....انا و هي شفنا اهلنا طالعين بيبصوا علي الي بيحصل...

المطافي بعد ما جت و طفت النار و دخلوا عشان يشوفوا الناس الي كانت عايشة جوا او حتي يشوفوا جثثهم...

ما هو بصراحة البيت كان في حالة يرثي لها...

العجيبة انهم ملاقوش اي حد جوا بيت...مكنش فيه اثر لأي بشري عايش جوا...برغم ان كل الي في الحي متاكدين ان كان فيه ناس عايشين جوا...حتي انا متاكدة ان كان فيه جيران عايشين في البيت دة بس مكنتش انا و اهلي بنتعامل معاهم كتير...

الاغرب من كدة....ان احنا عرفنا سبب الحريق...

في اليوم دة الهوا كان شديد و من كتر شدة الهوا خزان الماية وقع علي البيت و اتحرق...بصراحة الموضوع مدخلش دماغي...اصل ازاي خزان ماية هيقع و يولع في البيت؟؟؟

البيت دة فضل علي حاله سنين لحد ما انا دخلت مرحلة الاعدادي( المرحلة المتوسطة )

ساعتها انا و جني علاقتنا بقت احسن و بقينا نضحك مع بعض و نخرج و مبقناش نكره بعض زي الاول...

لحد ما جه يوم و لقيت جني جيالي و ملامح القلق علي وشها...لما سالتها عن السبب و بعد الحاح طويل مني عشان اعرف هو وشها عامل كدة ليه؟؟

جني كان عندها اخت كبيرة... ف جني بتحكيلي ان اختها سمعت ان فيه حاجات غريبة بتحصل في البيت الي اتحرق من سنين دة...ف اختها قررت هي و صاحبتها انهم يدخلوا البيت و الاسوا من دة انهم اختاروا الليل عشان يدخلوه...

حابة اوضح حاجة...البيت الشبابيك عنده عليها قضبان...تقدر تقول ان دة كان سجن مش بيت طبيعي.. و بعد الحادثة الي حصلها البيت دة...المطافي حط قفل علي بوابة العمارة عشان محد يدخل...

المهم جني بتكمل و تقول ان اختها هي و صاحبتها دخلوا بعد معاناة...و لما دخلوا و شغلوا الكشاف بتاع الموبايل و قعدوا يتجولوا في البيت...مكنش فيه اي دليل علي ان البيت مسكون او ملبوس حتي...

و كان هيطلعوا و خيبة الامل علي وشهم...بس تفتكروا محصلش حاجة؟؟؟

و للاسف اخت جني و صاحبتها ادركوا يومها انهم عملوا اكبر غلطة في حياتهم...

و هما رايحين يطلعوا...سمعوا صوت غريب...ضوت زي ضحكات طفلة....بعدين الصوت بقي صراخ...و كأن طفلة بتصرخ من نار !!!

اخت جني و صاحبتها اتجمدوا مكانهم من صوت...بعدين استجمعوا شجاعتهم و راحوا لمصدر الصوت....و مجرد ما دخلوا الغرفة الي جاي منها الصوت...

جني و هي بتحكيلي كانت بتعيط...و انا مش عارفة اوصفلكوا الي قالته ليا بصراحة...

جني بتقول انهم شافوا جسم متفحم بيمشي ناحيتهم و بيصرخ...جسم متفحم لطفلة صغيرة...اخت جني و صاحبتها لما شافوا المنظر دة طلعوا يجروا من البيت و كانوا لسه سامعين الصوت بيرن في ودنهم...

لما اخت جني وصلت البيت كانت منهارة و بتصرخ بهيستيرية...و مكنتش راضية تهدي بأي طريقة و تقول دي مش هتسبني في حالي...

لما اخت جني بقت هادية بعد وقت طويل...حكت لجني كل حاجة بتفصيل و جني بتقول ان اختها معرفتش تنام طول الليل عشان بتقول لو نامت الطفلة الصغيرة هطاردها في كوابيسها....

انا طبعا كنت مصدومة من كل الي بسمعه...و بحكم اني كنت في الوقت دة مش بحب الرعب و مش بصدق بوجود الجن و الكلام دة...مصدقتهاش...

لما كنت راجعة من مدرسة جتلي الجرأة و رحت وقفت قدام البيت و قعدت اقول انه مفيش حاجة و كل دة كدب...

بس الي شفته خلاني اصدق جني و حكاية اختها...

كنت لمحت زي ظل بنت صغيرة من شباك...ملامحها مكنتش واضحة...بس حسيت انها بتبصلي...انا طبعا جريت علي بيت و قلت دي هلاوس مش اكتر...

دلوقتي انا و جني مش بنتجرأ نبص علي بيت دة و لو حتي نظرة واحدة...و لو حابين اثبت لكم صحة كلامي.. انا خارجة انهاردة من بيت عشان عندي درس و انا راجعة هصورلكم البيت و انشره ليكم في الفصل الجاي ان شاءالله..

و سؤال حابين اتكلم بطريقة دي و لا باللغة الفصحي؟؟

اتمني تكونوا استمتعتم ~