ضي رفعت عيوني اله كال هل لسان والصلافه والعناد
هسه بيدي ترجفين! وبأسمي وع ذمتي
واني مسؤول ع كل تصرف وكل حركه تخصج
يحجي بذمه وضمير وبعصبيه ويحد الكلمه حد يلا يكوله
بداخلي خفت من كلامه وحديته بس يحلم يشوفني
كدامه ضعيفه او يستضعفني ضحكت وشمرت شعري
ليوره طخ بجتفه وحطيت عيني بعينه كتله والرجال
الي صرت باسمه لو ادري هو المتقدملي جان رفضت
بدون م افكر لان مستحيل اقبل بيك هاي خليها بالك
عدل تغيرت ملامح وجهه ولزم ايدي وضغطهاا كال
من بين اسنونه ضيي باوعت بعيونه ورجعت باوعت لايده
كتله وخر ايدك ولتلزمني
نترر ايدي بعصبيه وخاله انتبهت عليه
وصاحت صكر يمه شحجينه وخاله اجت لزمت ايدي
وتبوس بيه يمه شويه معصب
اعذري وكلبه طيب وضلت تريد بس اضحك
كتلها خاله والله عادي كل واحد بهذا اليوم شويه يتشنج
لو يوكف على اعصابه عذرته حبيبه
ورجعت تبوس بيه يمه فدوه اروح لجنتي
وضحكت بصوت اريد بس اسمعه
واكله ترا لا خايفه منك ولا من الاكبر منك
ومن دون وكعت بيها وبعد اتعزيت
وتصخمت خلي اوكف بكرامتي مو انهان
ا
شويه فـ كملنه تلبيس الحلقات
فـ صكر كال الهم اروح بعد وسلم ع ماما
وباس راسها شكد خبيث
ليشوفه يكول ماكو هيج اخلاق وادب واحترام
ينكط ادب ينكط حتى اذا احجي محد يصدكني
والنبي اجيت اطك ع خباثته
شويه وصد عليه باوعلي ورجع باوع الاخته
اشرلها ع الطبله السبحه مالته فـ اخته اخذتها
وودتها اله جان لازم بيده سبحه لون بيجي
ويه القميص فـ وصل للباب مال الصاله دنك
على امه شاورها وامه ضحكت
وهوه ملامحه حاده ويبين هو يبتسم
بس ابد مو هيج حتى ضحكته دااحسها تخووف
فـ شويه واجت ماما كالت يمه وسام يكول
اريد اكعد وياها واحاجيها
من دون صارت مرتي وحلالي هنا التوتر اشتعل
هو اهنا ويم الكل ولزم
ايدي ونترها انوب وحدنه اصخام
الصخمني ماريد ابين خوفي
منه او ضعف وهم اجت بوكتها
اريد اكله ماعبالي انت وماعبالي انت اسمك وسام
الي اعرفه اسمه صكر
ضغطو عليه خلوني اوافق
لواحد مشايفته فـ قويت نفسي ورحت طوخت الحمره
خباثه بي ورحت ويه ماما لاستقبال
فـ طبيت الاستقبال
كوله فارغ بس صكر كاعد ع التخم
ومرجع ضهره ليوره
ويفر بالسبحه فـ طبيت وماما راحت وكلبي كام يدك
ماادري من التوتر ماادري لان صرت مرته
من صدك خفت كلش ومارت ابين
وكعدت ع ابعد التخم بينه مترتين
ضحك صكر وكال تصرفاتج شي
وعيونج وصلافتج شي ثاني
كتله شبيهن تصرفاتي وعيوني خله عيونه بعيوني
وكال تصرفاتج تكول خوافه وكاعده بعد مترتين
مني وعيونج تكول صلفه ولا تخاف!..... يتبع
